《巴克禮普世版聖經（試讀本）》

 | | | 轉寄

巴克禮普世版（試讀本） 約翰福音第十一章

作者 巴克禮普世版小組 2013.12.15

Lia̍psatlō͘ ê Síbông
1 Ū chi̍tê pēⁿlâng, miâkiò Lia̍psatlō͘, i tòa tī Pektāinî, chiūsī Málīa kah i ê aché Mátāi ê chngsiā. 2 Chitê Málīa chiūsī bat ēng phangiû boah Chú ê kha, koh ēng i ê thâumn̂g kā i chhit, i ê siótī Lia̍psatlō͘ phòapēⁿ. 3 In nn̄gê chímōe chiū chhe lâng khì chhōe Iâso͘, kóng, "Chú ah, Lí só͘ thiàⁿ ê lâng teh phòapēⁿ." 4 Iâso͘ thiaⁿ tio̍h chiū kóng, "Chitê pēⁿ bē tìkàu sí. Che sī ūi tio̍h beh hiánbêng SiōngChú ê êngkng, hō͘ SiōngChú ê Kiáⁿ tùi chitê tāichì tit tio̍h êngkng." 5 Iâso͘ chin thiàⁿ Mátāi kah i ê siómōe, íki̍p Lia̍psatlō͘. 6 Iâso͘ thiaⁿ tio̍h Lia̍psatlō͘ phòapēⁿ, kèsio̍k tī hit só͘chāi koh tòa nn̄g ji̍t. 7 Āulâi chiū kā bûntô͘ kóng, "Lán koh lâi khì Iûthài." 8 Bûntô͘ kā I kóng, "Lāusu, kīnlâi Iûthàilâng ài beh ēng chio̍hthâu kā Lí tìm. Lí kám beh koh khì hia?" 9 Iâso͘ ìn kóng, "Ji̍tsî kám m̄ sī ū cha̍pjī tiámcheng? Lâng nā ji̍tsî kiâⁿlō͘ chiū bē poa̍htó, inūi ū khòaⁿkìⁿ chit sèkan ê kng. 10 M̄ koh lâng nā àmsî kiâⁿlō͘, chiū ē poa̍htó, inūi bô kng thang chiò lō͘." 11 Iâso͘ kóng chiahê ōe liáuāu koh kā in kóng, "Lán ê pêngiú Lia̍psatlō͘ teh khùn, Góa beh lâikhì kā i kiò chhéⁿ." 12 Bûntô͘ kóng, "Chú ah, i nā sī teh khùn, chiū ē hó khílâi." 13 Iâso͘ sī kóng Lia̍psatlō͘ íkeng síkhì, m̄ koh in lia̍hchún sī kóng i chinchiàⁿ teh khùn. 14 Só͘í Iâso͘ bêngpe̍k kā in kóng, "Lia̍psatlō͘ síkhì à. 15 Góa mā ūi tio̍h lín hoaⁿhí, inūi góa bô tī hia sī beh hō͘ lín sìn Góa. Taⁿ lán lâi khì i hia." 16 Kiò chò siangseⁿ'á ê Tomá kā bûntô͘ tângphōaⁿ kóng, "Lán mā lâi khì, thang kah I chòhóe sí."

Iâso͘ Sī Kohoa̍h, Sī Oa̍hmiā
17 Iâso͘ khì kàuūi ê sî, Lia̍psatlō͘ íkeng bâichòng tī bōngni̍h sì ji̍t kú ā. 18 Pektāinî lī Iâlō͘satléng iok saⁿ konglí. 19 Ū chinchē Iûthàilâng inūi Lia̍psatlō͘ síkhì lâi anùi Mátāi kah Málīa. 20 Mátāi thiaⁿ tio̍h Iâso͘ lâi, chiū chhutkhì gêngchiap. Málīa iûgoân chē tī chhùlāi. 21 Mátāi tùi Iâso͘ kóng, "Chú ah, Lí nā tī chia, goán siótī chiū bē sí. 22 Taⁿ góa mā chai, Lí tùi SiōngChú kiû símmi̍h, SiōngChú ittēng ē hō͘ Lí." 23 Iâso͘ kā i kóng, "Lí ê siótī ē kohoa̍h khílâi." 24 Mátāi ìn kóng, "Góa chai tī boa̍tji̍t kohoa̍h ê sî, i ē kohoa̍h khílâi." 25 Iâso͘ kā i kóng, "Kohoa̍h kah oa̍hmiā sī chāitī Góa. Sìn Góa ê lâng suijiân síkhì, iáukoh ē oa̍h khílâi. 26 Só͘í chitmá teh oa̍h lâi sìn Góa ê lâng éngoán bē sí. Lí ū ánne sìn bô?" 27 Mátāi ìn kóng, "Chú ah, góa sìn Lí sī Kitok, SiōngChú ê Kiáⁿ, sī teh beh lâi sèkan ê Hitūi."

Iâso͘ Lâu Ba̍ksái
28 Mátāi kóng chiahê ōe liáuāu chiū tńgkhì, kiò i ê siómōe Málīa lâi, suhā kā i kóng, "Lāusu lâi ā, I teh kiò lí." 29 Málīa thiaⁿ tio̍h chiū kóaⁿkín khílâi, cháu khì Iâso͘ hia. 30 Hit sî Iâso͘ iáubōe ji̍pkhì chngsiā, iáu tī Mátāi gêngchiap I ê só͘chāi. 31 Hiahê kah Málīa tī chhùlāi teh anùi i ê Iûthàilâng khòaⁿ tio̍h i kóaⁿkín khílâi chhutkhì, chiū tòe i khì, siūⁿkóng i beh khì bōngni̍h thîkhàu. 32 Málīa lâikàu Iâso͘ hia, khòaⁿ tio̍h I chiū phak tī I ê khachêng, kā I kóng, "Chú ah, Lí nā tī chia, góa ê siótī chiū bē síkhì." 33 Iâso͘ khòaⁿ tio̍h i teh thîkhàu, kah i chòhóe lâi ê Iûthàilâng mā teh thîkhàu, chiū chin chhehsim, thò͘ chi̍tē tōakhùi, 34 mn̄g in kóng, "Lín kā i chòng tī símmi̍h só͘chāi?" In chiū kā I kóng, "Chú ah, lán lâikhì khòaⁿ." 35 Iâso͘ lâu ba̍ksái. 36 Hiahê Iûthàilâng kóng, "Lí khòaⁿ, I hiahni̍h thiàⁿ chitê lâng!" 37 Kîtiong ū kóa lâng kóng, "I bat hō͘ chheⁿmê.ê koh khòaⁿkìⁿ, kám bē tàng hō͘ chitê lâng mài sí?"

Iâso͘ Hō͘ Lia̍psatlō͘ Kohoa̍h
38 Iâso͘ lâikàu bōngni̍h iūkoh chin pisiong. Hitê bōng sī chio̍htōng, ū chi̍t tè chio̍hthâu that teh. 39 Iâso͘ kóng, "Sóakhui hittè chio̍hthâu. Sílâng ê aché Mátāi kā I kóng, "Chú ah, i íkeng sí sì ji̍t à, taⁿ ittēng chin chhàu." 40 Iâso͘ kā i kóng, "Góa kám bô kā lí kóng, lí nā sìn chiū ē khòaⁿ tio̍h SiōngChú ê êngkng?" 41 In chiū kā hittè chio̍hthâu sóakhui. Iâso͘ gia̍h thâu ǹg thiⁿ, kóng, "ThiⁿPē ah, Góa kámsiā Lí, inūi Lí íkeng ū thiaⁿ Góa ê kîtó. 42 Góa chai Lí putsî to ū teh thiaⁿ Góa ê kîtó, m̄ koh Góa ánne kóng, sī ūi tio̍h khiā tī sìchiuûi ê kûnchiòng, hō͘ in sìn kóng Lí ū chhephài Góa lâi." 43 Iâso͘ kóng soah chiū tōasiaⁿ hoah, kóng, "Lia̍psatlō͘, chhutlâi!" 44 Hitê sílâng chiū chhutlâi, khachhiú ēng pò͘ pau teh, bīn ēng kin'á tà teh. Iâso͘ kā in kóng, "Kā i tháukhui, hō͘ i kiâⁿlō͘."

Sathāi Iâso͘ ê Imbô͘ (Mt 26:15;Mk 14:12;Lk 22:12)
45 Lâi teh anùi Málīa ê Iûthàilâng khòaⁿ tio̍h Iâso͘ só͘ chò ê tāichì, chinchē lâng chiū sìn I. 46 Ū kóa lâng khì chhōe Hoatlīsàiphài ê lâng, kā in pòkò Iâso͘ só͘ chò ê tāichì. 47 Chiū ánne, hiahê chèsitiúⁿ kah Hoatlīsàiphài ê lâng tiàuchi̍p khuihōe, kóng, "Taⁿ chitê lâng kiâⁿ hiahchē sînjiah, lán tio̍h ánchóaⁿ lâi tùihù?. 48 Lán nā pàng I ánne kèsio̍k chò lo̍hkhì, kûnchiòng ē khì sìn I. Lômálâng ē lâi húibia̍t lán ê sèngtiān, koh siaubia̍t lán ê bîncho̍k." 49 Kîtiong chi̍tê lâng kiòchò Kaiahoat, sī hit nî ê chèsitiúⁿ, kā in kóng, "Lín m̄ chai pòaⁿhāng, 50 mā bô siūⁿ khòaⁿmāi lè, lêngkhó hō͘ chi̍tê lâng thè chènglâng sí, chiah bián hō͘ choân bîncho̍k bia̍tbông, ánne tùi lín khah ū iúlī." 51 I ánne kóng m̄ sī chhuttī kakī ê ìsù, sī inūi hit nî i chò chèsitiúⁿ, teh īgiân Iâso͘ ē ūi tio̍h chitê bîncho̍k lâi sí. 52 M̄ nā ūi tio̍h chitê bîncho̍k, mā sī beh chiong SiōngChú sìsòaⁿ ê kiáⁿjî chūchi̍p chò chi̍tê. 53 Tùi hit ji̍t khí, hiahê Iûthàilâng chiū kèbô͘ beh thâi Iâso͘. 54 Inūi ánne, Iâso͘ bô koh kongkhai tī Iûthàilâng ê tiongkan chhutji̍p. I chiū līkhui hia, khì óakīn khòngiá ê só͘chāi, kàu chi̍tê kiòchò Íhoatliân ê siâⁿ, kah bûntô͘ tī hia tòa. 55 Iûthàilâng ê Pôaⁿkòecheh tehbeh kàu; chehkî chìnchêng, chinchē lâng tùi chngsiā chiūⁿ lâi Iâlō͘satléng, beh siú kiatchēnglé. 56 In teh chhōe Iâso͘, koh khiā tī sèngtiān lāi, hō͘siōng mn̄g kóng, "Lín siūⁿ ánchóaⁿ? I ittēng ē lâi kòe cheh ho͘ⁿh?" 57 Chiahê chèsitiúⁿ kah Hoatlīsàiphài ê lâng ū hoatchhut bēnglēng, nā ūlâng chai Iâso͘ tī tóūi, tio̍h lâi pòkò, hō͘ in thang khì kā I lia̍h khílâi.