《巴克禮普世版聖經（試讀本）》

 | | | 轉寄

巴克禮普世版（試讀本） 約翰福音第十四章

作者 巴克禮普世版小組 2014.01.05

Iâso͘ Sī Tōlō͘, Chinlí, Oa̍hmiā
1 Iâso͘ koh kóng, "Lín ê sim m̄ thang chhauhoân putan. Lín tio̍h sìn SiōngChú, mā tio̍h sìn Góa. 2 Góa ê ThiⁿPē ê chhù ū chinchē pângkeng. Góa khì hia sī beh kā lín chúnpī só͘chāi. Nā bô, Góa bē kā lín kóng chiahê tāichì. 3 Góa khì kā lín chúnpī só͘chāi liáuāu, ē koh tńglâi chhōa lín khì Góa hia. Góa tī tóūi, lín mā ē tī hia. 4 Góa beh khì tóūi, lín chai hittiâu lō͘." 5 Tomá kā Iâso͘ kóng, "Chú ah, goán to m̄ chai Lí beh khì ê só͘chāi, náē chai hittiâu lō͘?" 6 Iâso͘ kā i kóng, "Góa sī tōlō͘, chinlí, oa̍hmiā. Nā m̄ sī thongkòe Góa, bôlâng ē tàng khì kàu ThiⁿPē hia. 7 Lín nā bat Góa, mā ē bat ThiⁿPē. Tùi taⁿ íāu, lín ē bat I, inūi lín íkeng ū khòaⁿ tio̍h I." 8 Huile̍k kā Iâso͘ kóng, "Chú ah, chiong ThiⁿPē hiánsī hō͘ goán khòaⁿ, goán chiū ē móachiok." 9 Iâso͘ kóng, "Huile̍k, Góa kah lín chòhóe hiahni̍h kú, lí iáu m̄ bat Góa sībô? Khòaⁿ tio̍h Góa chiūsī khòaⁿ tio̍h ThiⁿPē, lí náē kóng, ' Chiong ThiⁿPē hiánsī hō͘ goán khòaⁿ?' 10 Góa tī ThiⁿPē ê lāibīn, ThiⁿPē mā tī Góa ê lāibīn, lí m̄ sìn sībô? Góa kā lín kóng ê ōe m̄ sī chhuttī Góa kakī, sī ThiⁿPē tiàm tī Góa lāibīn teh chò I kakī ê kang. 11 Lín tio̍h sìn Góa tī ThiⁿPē lāibīn, ThiⁿPē tī Góa lāibīn. Nā bô mā tio̍h inūi Góa só͘ chò ê tāichì lâi sìn. 12 Góa si̍tchāi kā lín kóng, Sìn Góa ê lâng ē chò Góa só͘ chò ê tāichì. Sīmchí ē chò kohkhah tōa ê tāichì, inūi Góa beh tńgkhì ThiⁿPē hia. 13 Lín hōng Góa ê miâ bôlūn kiû símmi̍h, Góa lóng ē siúⁿsù hō͘ lín. Thang hō͘ ThiⁿPē tùi Kiáⁿ tit tio̍h êngkng. 14 Lín hōng Góa ê miâ bôlūn kiû símmi̍h, Góa lóng ē siúⁿsù hō͘ lín."

Èngún Sù SèngSîn
15 Lín nā thiàⁿ Góa, tio̍h siú Góa ê kàibēng. 16 Góa mā ē tùi Thiⁿpē kiû, I ē sù chi̍tê Póhūisu hō͘ lín, thang kah lín éngoán tôngchāi. 17 Chitê Póhūisu chiūsī chinlí ê SèngSîn, sèkanlâng bē tàng chiapla̍p I, inūi in bô khòaⁿ tio̍h I, mā m̄ bat I, m̄ koh lín bat I, inūi I kah lín tôngchāi, koh ē kèsio̍k tiàmtī lín lāibīn." 18 "Góa bē pàng lín chòe ko͘toaⁿ, Góa ē koh tńg lâi lín chia. 19 Koh bô jōa kú, sèkanlâng bē koh khòaⁿ tio̍h Góa, m̄ koh lín ē khòaⁿ tio̍h Góa, inūi Góa oa̍h teh, lín mā ē oa̍h. 20 Kàu hit ji̍t, lín ē chai Góa tī Góa ê Thiⁿpē lāibīn, lín tī Góa ê lāibīn, Góa mā tī lín lāibīn." 21 Chiapsiū Góa ê kàibēng koh chunsiú ê lâng, chiūsī thiàⁿ Góa. Thiàⁿ Góa ê lâng ē tit tio̍h Góa ê Thiⁿpē ê thiàⁿ, Góa mā ē thiàⁿ i, koh chiong Góa púnsin hiánhiān hō͘ i khòaⁿ." 22 Iûtāi, m̄ sī hitê Kalio̍klâng, mn̄g Iâso͘ kóng, "Chú ah, ūisímmi̍h Lí beh chiong púnsin tùi goán hiánhiān, bô beh tùi sèkanlâng hiánhiān?" 23 Iâso͘ ìn kóng, "Thiàⁿ Góa ê lâng ē chunsiú Góa ê tōlí, Góa ê Thiⁿpē ē thiàⁿ i, Thiⁿpē kah Góa ē lâi i hia kah i chòhóe tòa. 24 Bô thiàⁿ Góa ê lâng bē chunsiú Góa ê tōlí, lín só͘ thiaⁿ ê tōlí m̄ sī Góa kakī ê ōe, sī chhephài Góa lâi ê Thiⁿpē ê ōe. 25 " Góa iáu kah lín chòhóe ê sî, ū chiong chiahê ōe kā lín kóng. 26 M̄ koh Póhūisu, chiūsī Thiⁿpē ēng Góa ê miâ beh chhephài lâi ê SèngSîn, ē chiong itchhè ê tāichì kàsī lín, koh ē hō͘ lín kìtit Góa kā lín kóng itchhè ê ōe." 27 " Góa chiong pêngan lâu hō͘ lín, Góa chiong Góa ê pêngan sù hō͘ lín. Góa hō͘ lín ê kah sèkanlâng teh hō͘ lâng ê bô kāngkhoán. Lín ê sim m̄ thang chhauhoân putan, mā m̄ bián kiaⁿhiâⁿ. 28 Lín íkeng thiaⁿ tio̍h Góa ū kā lín kóng, 『 Góa khì, ē koh tńg lâi lín chia.』 Lín nā thiàⁿ Góa, chiū ē inūi Góa beh khì Thiⁿpē hia lâi hoaⁿhí, inūi Thiⁿpē pí Góa khah tōa. 29 Taⁿ tāichì iáubōe hoatseng, Góa seng kā lín kóng, hō͘ lín tī tāichì hoatseng ê sî thang sìn. 30 Góa bē koh kah lín kóng chinchē ōe, inūi sèkan ê thóngtīchiá tehbeh lâi à, i bē tàng tùi Góa chò símmi̍h. 31 M̄ koh beh hō͘ sèkanlâng chaiiáⁿ Góa thiàⁿ Thiⁿpē, mā ū chiàu Thiⁿpē ê bēnglēng khì chò.""Khí lâi, lán lâi khì."