《巴克禮普世版聖經（試讀本）》

 | | | 轉寄

巴克禮普世版（試讀本） 約翰福音第十五章

作者 巴克禮普世版小組 2014.01.12

Iâso͘ Sī Chin ê Phûtôchhiū
1 " Góa sī chin ê phûtôchhiū, góa ê Thiⁿpē sī chai phûtô ê lâng. 2 Liân tī Góa ê ki bô kiat kóechí ê, I chiū kā i chiántû; ū kiat kóechí ê ki, I chiū kā i siuchián, hō͘ i kiat koh khahchē kóechí. 3 Taⁿ inūi lín chiapsiū Góa só͘ kā lín kóng ê tōlí, lín íkeng hō͘ I siuchéng hósè à. 4 Lín tio̍h kah Góa kiatliân, Góa mā kah lín kiatliân. Tú chhinchhiūⁿ ki bô liân tī phûtôchhiū, kakī bē kiat kóechí. Lín nā bô kah Góa kiatliân, mā sī ē ánne." 5 Góa chiūsī phûtô chhiū, lín chiūsī ki; tiàm tī góa lāibīn ê, góa mā tiàm tī i ê lāibīn, chiū kiat kóechí chinchē, inūi kah góa saⁿlī, lín chiū bē chò símmi̍h. 6 Lâng nā bô kah Góa kiatliân, ē chhiūⁿ chhiūki hō͘ lâng hiat khì gōabīn soah ta khì. Lâng kā in khioh chòtui hiat lo̍h hóe khì sio. 7 Lín nā kah Góa kiatliân, Góa ê ōe tī lín lāibīn, lín ài símmi̍h, kiû chiū ē kā lín sêngchoân. 8 Lín nā kiat chinchē kóechí, chinchiàⁿ chò Góa ê bûntô͘, Góa ê Thiⁿpē ē inūi ánne tit tio̍h êngkng. 9 Chhinchhiūⁿ Thiⁿpē ū thiàⁿ Góa, Góa mā ū thiàⁿ lín, lín tio̍h tiàm tī Góa ê thiàⁿ lāibīn. 10 Lín nā chunsiú Góa ê kàibēng, lín chiū ē tiàm tī Góa ê thiàⁿ lāibīn; chhinchhiūⁿ Góa ū chunsiú Góa ê Thiⁿpē ê kàibēng, tiàm tī I ê thiàⁿ lāibīn." 11 " Góa kā lín kóng chiahê tāichì sī beh hō͘ Góa ê hoaⁿhí tiàm tī lín lāibīn, koh hō͘ lín ê hoaⁿhí boánboán. 12 Chhinchhiūⁿ Góa ū thiàⁿ lín, lín tio̍h siothiàⁿ. Che sī Góa ê bēnglēng. 13 Lâng ūi tio̍h pêngiú hiseng sèⁿmiā, bô koh ū pí che khah tōa ê thiàⁿ. 14 Lín nā chunsiú Góa ê bēnglēng, lín chiūsī Góa ê pêngiú. 15 Góa bô koh kiò lín chò lô͘po̍k, inūi lô͘po̍k m̄ chai chúlâng teh chò símmi̍h. Taⁿ Góa íkeng kiò lín chò pêngiú, inūi Góa tùi Thiⁿpē só͘ thiaⁿ tio̍h ê, lóng ū kā lín kóng à. 16 M̄ sī lín kéngsoán Góa, sī Góa kéngsoán lín, mā jīmbēng lín, hō͘ lín khì kiat kóechí, koh hō͘ lín ê kóechí kútn̂g póchûn, ánne hō͘ lín ē tàng hōng Góa ê miâ lâi tùi Thiⁿpē kiû, I lóng ē kā lín sêngchoân. 17 Che sī Góa hō͘ lín ê bēnglēng, Lín tio̍h siothiàⁿ."

Sèkanlâng ê Oànhūn
18 "Sèkanlâng nā oànhūn lín, lín tio̍h chai i oànhūn lín íchêng to̍h tāiseng oànhūn Góa. 19 Lín nā sio̍k chit sèkan, sèkanlâng chiū ē khòaⁿ lín chò kakī ê lâng lâi thiàⁿ lín, m̄ koh Góa íkeng kā lín tùi sèkan kéngsoán chhutlâi, só͘í sèkanlâng ē oànhūn lín. 20 Lín tio̍h kì tiâu Góa kā lín kóng ê ōe: Lô͘po̍k bē pí chúlâng khah tōa. Lâng nā pekhāi Góa, mā ē pekhāi lín; in nā chunsiú Góa ê ōe, mā ē chunsiú lín ê ōe. 21 M̄ koh inūi lín sī Góa ê bûntô͘, in chiū ē ánne tùithāi lín, inūi in m̄ bat chhephài Góa lâi ê Hitūi. 22 Góa nā bô lâi kā in kóng, in chiū bô chōe. Taⁿ in bô hoattō͘ ūi kakī ê chōe lâi piānkái. 23 Oànhūn Góa ê lâng mā ē oànhūn Góa ê Thiⁿpē. 24 Góa tī in tiongkan nā bô chò pa̍tlâng m̄ bat chò ê tāichì, in chiū bô chōe, m̄ koh taⁿ in ū khòaⁿ tio̍h Góa só͘chò ê kangchok, iáukoh teh oànhūn Góa kah Thiⁿpē. 25 Che sī beh ènggiām in ê lu̍thoat só͘ kìchāi ê ōe: In bôiân bôkò͘ oànhūn Góa.( chù: SPh 35:19; 69:4) 26 Hitūi Póhūisu, chiūsī chinlí ê SèngSîn, ē tùi Thiⁿpē hia lâi lín chia. Góa tùi Thiⁿpē hia chhe SèngSîn lâi lín chia sī beh ūi Góa chò kiànchèng. 27 Lín mā tio̍h ūi Góa chò kiànchèng, inūi lín tùi khíthâu to̍h kah Góa chòhóe."