《巴克禮普世版聖經（試讀本）》

 | | | 轉寄

巴克禮普世版（試讀本） 路加福音第十七章

作者 巴克禮普世版小組 2014.01.26

Iâso͘ Ūi Bûntô͘ Kîtó
Iâso͘ kóng chiahê ōe liáuāu, gia̍h thâu ǹg thiⁿ, kóng, "ThiⁿPē ah, sî íkeng kàu à. Goān Lí êngiāu Lí ê Kiáⁿ, thang hō͘ Kiáⁿ mā ē tàng êngiāu Lí. 2 Lí ū chiong thóngtī bānbîn ê koânpèng siúⁿsù hō͘ Kiáⁿ, hō͘ I ē tàng chiong éngoán ê oa̍hmiā siúⁿsù itchhè Lí kautài I ê lâng. 3 Éngoán ê oa̍hmiā chiūsī jīnbat Lí sī to̍kit chin ê SiōngChú, koh jīnbat Lí só͘ chhephài lâi ê Iâso͘ Kitok. 4 Góa íkeng tī tē chiūⁿ oânsêng Lí kautài Góa ê kang lâi êngiāu Lí à. 5 ThiⁿPē ah, taⁿ kiû Lí hō͘ Góa tī Lí ê bīnchêng tit tio̍h êngiāu, chiūsī chhòngchō sèkan íchêng Góa kah Lí chòhóe ū ê êngiāu." 6 " Lí tùi sèkan kéngsoán chhutlâi hō͘ Góa ê lâng, Góa íkeng ū chiong Lí ê miâ tùi in hiánbêng. In goânpún sī Lí ê, Lí chiong in siúⁿsù hō͘ Góa. In mā íkeng ū chunsiú Lí ê tōlí. 7 Taⁿ in chai Lí hō͘ Góa ê ta̍khāng lóng sī tùi Lí lâi.ê. 8 Inūi Góa ū chiong Lí hō͘ Góa ê sìnsit thoân hō͘ in. In ū chiapsiū hiahê sìnsit, mā khaksi̍t chai Góa sī tùi Lí hia lâi, koh ū sìn sī Lí chhephài Góa lâi."

9 " Góa ūi tio̍h in tùi Lí kîkiû, m̄ sī ūi tio̍h sèkanlâng kiû, sī ūi tio̍h Lí hō͘ Góa ê lâng lâi kiû, inūi in sī Lí.ê. 10 Góa ê itchhè lóng sī Lí ê, Lí ê itchhè mā lóng sī Góa.ê. Góa koh ū thongkòe in tit tio̍h êngiāu. 11 Góa bô koh tiàm tī sèkan, m̄ koh in iáu tī sèkan. Sèng ê ThiⁿPē ah, goān Lí ēng Lí ê miâ, chiūsī Lí hō͘ Góa ê, lâi pósiú in, thang hō͘ in chiâⁿchò chi̍tthé, chhinchhiūⁿ lán sī chi̍tthé. 12 Góa kah in chòhóe ê sî, bat hōng Lí ê miâ, chiūsī Lí hō͘ Góa ê, lâi pósiú in. Tûliáu hitê chùtēng tîmlûn ê lâng ígōa, Góa mā ū chiàukò͘ in, hō͘ in lóng bô tîmlûn, ánne sī beh hō͘ Sèngkeng ê ōe tit tio̍h ènggiām. 13 Taⁿ góa khì Lí hia. Góa iáu tiàm sèkan ê sî kóng chiahê ōe, sī beh hō͘ in simlāi chhiongmóa Góa ê hoaⁿhí. 14 Góa ū chiong Lí ê tōlí thoân hō͘ in, sèkanlâng oànhūn in, inūi in bô koh sio̍k chit sèkan, chhinchhiūⁿ Góa bô sio̍k chit sèkan. 15 Góa m̄ sī kiû Lí chhōa in līkhui chit sèkan, sī teh kiû Lí pósiú in thoatlī hitê siâok. 16 In bô koh sio̍k chit sèkan, chhinchhiūⁿ Góa bô sio̍k chit sèkan. 17 Kiû Lí ēng chinlí kā in sènghòa, Lí ê ōe chiūsī chinlí. 18 Chhinchhiūⁿ Lí ū chhephài Góa ji̍p sèkan, Góa mā ū chhephài in ji̍p sèkan. 19 Taⁿ Góa ūi tio̍h in lâi sènghòa Góa kakī hō͘ Lí ēng, thang hō͘ in mā ē tàng thongkòe chinlí lâi sènghòa in kakī hō͘ Lí ēng."

20 " Góa m̄ nā ūi tio̍h chiahê lâng kîkiû, mā ūi tio̍h tùi chiahê lâng só͘ thoân ê tōlí lâi sìn Góa hiahê lâng kîkiû. 21 Thang hō͘ in lóng chiâⁿchò chi̍tthé. ThiⁿPē ah, chhinchhiūⁿ Lí tiàmtī Góa lāibīn, Góa tiàmtī Lí lāibīn. Kiû Lí hō͘ in mā ánne tiàmtī lán lāibīn, thang hō͘ sèkanlâng siongsìn, sī Lí chhephài Góa lâi. 22 Lí hō͘ Góa ê êngiāu, Góa mā ū hō͘ in, thang hō͘ in chiâⁿchò chi̍tthé, chhinchhiūⁿ lán sī chi̍tthé. 23 Góa tī in lāibīn, Lí tī Góa lāibīn, sī beh hō͘ in ē tàng oânchoân chiâⁿchò chi̍tthé, thang hō͘ sèkanlâng chai, sī Lí chhephài Góa, mā chai Lí ū thiàⁿ in chhinchhiūⁿ Lí ū thiàⁿ Góa."

24 " ThiⁿPē ah, Lí kautài Góa hiahê lâng, Góa bôlūn tī tóūi lóng ài in kah Góa chòhóe tī hia, thang hō͘ in khòaⁿ tio̍h Lí siúⁿsù Góa ê êngiāu, inūi Lí tī chhòngchō sèkan íchêng to̍h íkeng thiàⁿ Góa. 25 Konggī ê ThiⁿPē ah, sèkanlâng m̄ bat Lí, m̄ koh Góa bat Lí. Chiahê lâng mā chai Lí ū chhephài Góa. 26 Góa íkeng ū hō͘ in bat Lí ê miâ, mā beh kèsio̍k chísī in. Thang hō͘ Lí tùi Góa ê thiàⁿthàng tī in lāibīn, Góa mā tī in lāibīn."