《巴克禮普世版聖經（試讀本）》

 | | | 轉寄

巴克禮普世版（試讀本） 約翰福音第十八章

作者 巴克禮普世版小組 2014.02.02

Iâso͘ Hông Chhutbē Lia̍h Khì (Mt 26:4756;Mk 14:4350;Lk 22:4753)
1 Iâso͘ ánne kîtó liáuāu chiū kah bûntô͘ chhutkhì, kòekhì Khiplûnkhe hitpêng. Tī hia ū chi̍tkhu hn̂g, Iâso͘ kah bûntô͘ ji̍pkhì. 2 Beh chhutbē Iâso͘ ê Iûtāi mā chaiiáⁿ hitê só͘chāi, inūi Iâso͘ kah bûntô͘ siôngsiông tī hia chūchi̍p. 3 Iûtāi chhōa chi̍t tūi Lômápeng, kah hiahê chèsitiúⁿ íki̍p Hoatlīsàiphài ê lâng só͘ phài lâi ê sèngtiān kéngōe, gia̍h teng, hóepé kah búkhì lâikàu hia. 4 Iâso͘ chai I só͘ beh tú tio̍h itchhè ê tāichì, chiū kiâⁿ chìnchêng kā in kóng, "Lín teh chhōe siáⁿlâng?" 5 In ìn kóng, "Násatle̍klâng Iâso͘." Iâso͘ kā in kóng, "Góa chiūsī." Chhutbē Iâso͘ ê Iûtāi mā kah in chòhóe teh khiā. 6 Iâso͘ chi̍tē kā in kóng, "Góa chiūsī." in chiū tòthè, poa̍htó tī thô͘kha. 7 Iâso͘ koh mn̄g in chi̍t pái, " Lín chhōe siáⁿlâng?" In koh ìn kóng, "Násatle̍klâng Iâso͘." 8 Iâso͘ ìn kóng, "Góa íkeng kā lín kóng, Góa chiūsī. Lín nā sī teh chhōe Góa, chiahê lâng tio̍h pàng in khì." 9 Che sī beh ènggiām Iâso͘ cháchêng kóng ê ōe, " Lí hō͘ Góa ê lâng, Góa bô sitlo̍h kah chi̍tê." 10 Sebûn Pítek ū tòa to, chiū pu̍ih khílâi tùi chèsitiúⁿ ê lô͘po̍k phut lo̍hkhì, kā i chiàⁿpêng ê hīⁿ'á siah khílâi. Hitê lô͘po̍k ê miâkiòchò Mále̍kkó͘. 11 Iâso͘ kā Pítek kóng, "Kā to siu ji̍pkhì tosiù. ThiⁿPē hō͘ Góa ê khó͘poe, Góa kám ē tàng bô lim?" 12 Iâso͘ Hông Ahkhì Chèsitiúⁿ Bīnchêng Jiânāu, hit tūi Lômápeng kah iâⁿtiúⁿ, íki̍p Iûthàilâng ê kéngōe lâi lia̍h Iâso͘, kā I pa̍k khílâi. 13 In seng kā I ah khì hō͘ Aná, inūi i sī bînkan chunchông ê chèsitiúⁿ, koh sī hit nî (koaⁿphài) chèsitiúⁿ Kaiahoat ê tiūⁿlâng. 14 Chitê Kaiahoat chêng bat tùi Iûthàilâng kiàngī kóng, "Lêngkhó hō͘ chi̍tê lâng lâi thè chènglâng sí khah hó."

Pítek M̄ jīn Iâso͘ (Mt 26:6970;Mk 14:6668; Lk 22:5557)
15 Sebûn Pítek kah lēnggōa chi̍tê bûntô͘ tòe Iâso͘ khì. Chitê bûntô͘ kah chèsitiúⁿ ū se̍ksāi, só͘í kah Iâso͘ ji̍pkhì kàu chèsitiúⁿ ê lāitiâⁿ. 16 M̄ koh Pítek khiā tī mn̂ggōa. Hitê kah chèsitiúⁿ se̍ksāi ê bûntô͘ chhutkhì kā kò͘mn̂g ê chabó͘lâng kóng chi̍t siaⁿ chiū chhōa Pítek ji̍pkhì. 17 Kò͘mn̂g ê lípī kā Pítek kóng, "Lí mā sī chitê lâng ê bûntô͘ ho͘h?" Pítek kóng, "M̄ sī." 18 Chiahê lô͘po̍k kah kéngōe inūi kôaⁿ, khí hóethòaⁿhóe teh hangsio. Pítek mā kah in chòhóe khiā teh hangsio.

Chèsitiúⁿ símmn̄g Iâso͘ (Mt 26:5966; Mk 14:5564; Lk 22:6671)
19 Chèsitiúⁿ(Aná) chiū símmn̄g Iâso͘ koanhē I ê bûntô͘ kah I ê kàsī. 20 Iâso͘ ìn kóng, "Góa lóng sī kongkhai tùi sèkanlâng kóngōe. Góa siôngsiông tī hōetn̂g kah Iûthàilâng chūchi̍p ê sèngtiān kàsī lâng. Góa m̄ bat tī pìbi̍t ê só͘chāi kóng símmi̍h. 21 Lí náē teh símmn̄g Góa? Lí khì mn̄g thiaⁿkòe Góa kóngōe ê lâng, khòaⁿ Góa ánchóaⁿ tùi in kóng. In lóng chaiiáⁿ Góa só͘ kóng.ê." 22 Iâso͘ kóng soah, khiā tī piⁿ'á ū chi̍tê kéngōe kā Iâso͘ siàn chhùiphóe, kóng, "Lí náē káⁿ ánne ìn chèsitiúⁿ?" 23 Iâso͘ ìn kóng, "Góa nā kóng m̄ tio̍h, lí thang kā Góa chíchèng. Nā bô kóng m̄ tio̍h, lí náē kā Góa phah?" 24 Jiânāu Aná iûgoân kā Iâso͘ pa̍k teh, ah I khì kau hō͘ chèsitiúⁿ Kaiahoat ê só͘chāi.

Pítek Kohchài M̄ jīn Iâso͘ (Mt 26:7175;Mk 14:6972;Lk 22:5862)
25 Hit sî Sebûn Pítek iáu khiā tī hia teh hanghóe. Ūlâng mn̄g i kóng, "Lí mā sī I ê bûntô͘ ho͘h?" Pítek m̄ sêngjīn, kóng, "M̄ sī." 26 Ū chi̍tê chèsitiúⁿ ê lô͘po̍k, sī hō͘ Pítek siah hīⁿ'á hitlâng ê chhinchiâⁿ, kóng, "Góa ū khòaⁿ tio̍h lí kah I tī hn̂glāi?" 27 Pítek kohchài m̄ sêngjīn. Hit sî ke sûisî thî.

Iâso͘ Tī Pília̍pto Bīnchêng Siū Símphòaⁿ (Mt 27:12,1114;Mk 15:15;Lk 23:15)
28 Thiⁿ phúkng ê sî,in tùi Kaiahoat ê só͘chāi ah Iâso͘ khì kàu chóngtokhú. In kakī bô ji̍pkhì chóngtokhú, kiaⁿ khì bak tio̍h lahsap soah bē tàng chia̍h Pôaⁿkòecheh ê boánchhan. 29 Só͘í Pília̍pto chhutlâi gōabīn mn̄g in kóng, "Lín kò chitê lâng símmi̍h chōe?" 30 In ìn kóng, "Chitê lâng nā bô chò pháiⁿ tāichì, goán bē chiong I kau hō͘ lí." 31 Pília̍pto kā in kóng, "Lín kakī chhōa I khì, chiàu lín ê lu̍thoat khì kā I símphòaⁿ." Iûthàilâng kā i kóng, "Goán bô koân thang kā lâng phòaⁿ síhêng." 32 Che sī beh ènggiām Iâso͘ chêng só͘ kóng ê ōe, piáubêng I kakī ē ánchóaⁿ lâi sí. 33 Pília̍pto koh ji̍pkhì chóngtokhú, tiàu Iâso͘ lâi mn̄g kóng, "Lí sī Iûthàilâng ê ông sī bô?" 34 Iâso͘ ìn kóng, "Lí kóng chitê ōe sī chhuttī lí kakī ê ìsù, á sī pa̍tlâng ū chiong Góa ê tāichì kā lí kóng?" 35 Pília̍pto ìn kóng, "Góa kám sī Iûthàilâng? Lí púncho̍k ê lâng kah hiahê chèsitiúⁿ chiong Lí kau hō͘ góa. Lí tàuté ū chò símmi̍h tāichì?" 36 Iâso͘ ìn kóng, "Góa ê koktō͘ m̄ sī sio̍k chit sèkan. Góa ê koktō͘ nā sio̍k chit sèkan, Góa ê pō͘hā ittēng ē ūi Góa chengchiàn, biántit Góa siū chhutbē hō͘ Iûthàilâng, m̄ koh taⁿ Góa ê koktō͘ m̄ sī sio̍k chit sèkan." 37 Pília̍pto chiū mn̄g I kóng, "Ánne, Lí sī ông sībô?" Iâso͘ ìn kóng, "Lí kóng Góa sī ông. Góa ūi tio̍h ánne lâi chhutsì, ūi tio̍h ánne lîmkàu sèkan, beh ūi chinlí chò kiànchèng. Sio̍k chinlí ê lâng lóng ē thiaⁿ Góa ê siaⁿ."

Iâso͘ Hông Phòaⁿ Síhêng (Mt 27:1531; Mk 15:620; Lk 23:1325)
38 Pília̍pto kóng, "Chinlí sī símmi̍h?" Kóng soah, koh chhutkhì kā hiahê Iûthàilâng kóng, "Góa chhâ bô I ū hoān símmi̍h chōe. 39 M̄ koh lín ū chi̍tê koànlē, kàu Pôaⁿkòecheh, góa tio̍h pàng chi̍tê kaⁿhoān hō͘ lín. Taⁿ lín ài góa pàng Iûthàilâng ê ông hō͘ lín sībô?" 40 In koh tōasiaⁿ hoah: "M̄ thang pàng chitê, tio̍h pàng Palia̍ppa!" Chitê Palia̍ppa sī chi̍tê thó͘húi.