《押韻啟應詩篇》

 | | | 轉寄

台語押韻啟應詩篇 9

作者 Tīⁿ Jîgio̍k 2006.02.26

9　Tāipi̍t ê si, kau hō͘ Ga̍kkoaⁿ, tiāu, ēng Bō͘la̍hpiān.

1a　Góa beh choânsim kámsiā Iâhôhoa;
　　我　要　全　心　感　謝　耶　和　華；
1b　　　Góa beh pòiông Lí itchhè kîbiāu ê só͘chòe bô soah.
　　　　我 要 報 揚Ｌｉ２　一 切 奇 妙 的 所 做 無 息。

2a　Góa beh tī Lí hoaⁿhí khoàilo̍k lâi chhutsiaⁿ,
　　我 要 在Ｌｉ２　歡 喜 快 樂 來 出 聲，
2b　　　Chìkoânê ah , góa beh o ló Lí ê miâ.
　　　　至 高 者 啊， 我 要 讚 美Ｌｉ２　的 名。

3a　Góa ê tùite̍k oa̍ttńgsin thèkhì ê sî ,
　　我 的 對 敵 轉 返 身 退 去 的 時，
3b　　　Chiū tī Lí ê bīnchêng poa̍htó bia̍tbôkhì.
　　　　就 在Ｌｉ２　的 面 前 跌 倒 滅 無 去。

4a　Lí í keng thòe góa sinoan,
　　Ｌｉ２已 經 替 我 伸 冤，
4b　　　Thòe góa piānbêng oânchoân.
　　　　替 我 辨 明 完 全。

4c　Lí chē tī póchō,
　　Ｌｉ２坐 在 寶 座，
4d　　　Chiàu konggī símphòaⁿ bôchhò.
　　　　照 公 義 審 判 無 錯。

5a　Lí ū chekpī lia̍tpang,
　　Ｌｉ２　有 責 備 列 邦，
5b　　　Lí ū bia̍tbô pháiⁿlâng,
　　　　Ｌｉ２　有 滅 無 歹 人，
　　　　Lí ū chhatbia̍t in ê miâ kàu bāntang.
　　　　Ｌｉ２有 擦 滅 伊 的 名 到 萬 冬。

6a　Tùite̍k kàu kiatkio̍k, siū honghòe kàu éngnî ;
　　對 敵 到 結 局， 受 荒 廢 到 永 年；
6b　　　Lí húihoāi in ê siâⁿchhī, liân in ê kìliām ia̍h bôkhì.
　　　　Ｌｉ２毀 壞 伊 的 城 市， 連 伊 的紀 念 亦 無 去。

7a　To̍kto̍k Iâhôhoa chē ūi kàu éngoán;
　　獨 獨 耶 和 華 坐 位 到 永 遠；
7b　　　I í keng ūi símphòaⁿ, antì I ê póchō teh chiángkoân.
　　　　祂已 經 為 審 判， 安 置 祂的 寶 座 在 掌 權。

8a　I beh chiàu konggī símphòaⁿ sèkài kàu thiⁿpiⁿ.
　　祂要 照 公 義 審 判 世 界 到 天 邊。
8b　　　Chiàu chèngti̍t phòaⁿtoàn chèng pehsìⁿ.
　　　　照 正 直 判 斷 眾 百 姓。

9a　Iâhôhoa koh beh chòe siū appek ê lâng ê koântâi ,
　　耶 和 華 又 要 做 受 壓 迫 的 人 的 高 台，
9b　　　Tī hoānlān ê sî ê koântâi .
　　　　在 犯 難 的 時 的 高 台。

10a　Bat Lí ê miâ ê lâng beh óakhò Lí bô làngphāng,
　　識Ｌｉ２　的 名 的 人 要 倚 靠Ｌｉ２　無 閬 縫，
10b　　　Inūi , Iâhôhoa, Lí bē bat khìsak chhē Lí ê lâng.
　　　　因 為，耶 和 華，Ｌｉ２　未 曾 棄 捨 找 Ｌｉ２　 的 人。

11a　Tio̍h oló Iâhôhoa khiākhí tī Sekan ,
　　著 讚美 耶 和 華 居 起 在 錫 安，
11b　　　Chiong I só͘ kiâⁿê pòiông tī chèng pehsìⁿ ê tiongkan.
　　　　將 祂 所 行 的 報 揚 在 眾 百 姓 的 中 間。

12a　Inūi hit ê chapān bēngànê kìtit in ;
　　因 為 彼 個 查 辦 命 案 的 記 得 伊；
12b　　　Bô bōe kì tit khùnkhó͘ lâng ê ai kiû goânin .
　　　　無 未 記 得 困 苦 人 的 哀 求 原 因。

13a　Kiû Lí lînbín góa, Iâhôhoa ah !
　　求Ｌｉ２　憐 憫 我， 耶 和 華 啊！
13b　　　Lí sī tùi símn̂g kiù góa khílâiê lah !
　　　　Ｌｉ２　是 對 死 門 救 我 起 來 的 啦！

13c　Tio̍h kàmchhat hiahê oànhūn góa ê lâng,
　　著 鑑 察 那 些 怨 恨 我 的 人，
13d　　　Só͘ hō͘ góa tú tio̍h ê khó͘lān chi̍thāng chi̍thāng.
　　　　所 使 我 遇 到 的 苦 難 一 項 一 項。

14a　Thang hō͘ góa kóngkhí Lí itchhè ê hó miâsiaⁿ;
　　通 使 我 講 起Ｌｉ２　一 切 的 好 名 聲；
14b　　　Góa beh tī Sekan siâⁿmn̂g ê tōatiâⁿ,
　　　　我 要 在 錫 安 城 門 的大 庭，
　　　　ūi tio̍h Lí ê kiùun lâi hoaⁿhí chhutsiaⁿ.
　　　　為 著Ｌｉ２　的 救 恩 來 歡 喜 出 聲。

15a　Lia̍tpang hāmlo̍h tī in só͘ khui ê hāmkhiⁿ;
　　列 邦 陷 落 在 伊 所 開 的 陷 坑；
15b　　　In ê kha tîⁿ tī in àmchīⁿ siat ê lôbāngni̍h.
　　　　伊 的 腳 纏 在 伊 暗 靜 設 的 羅 網 裡。

16a　Iâhôhoa hiánbêng kakī ê sî ,
　　耶 和 華 顯 明 自 己 的 時，
　　I í keng chòe símphòaⁿ, kiâⁿ konggī ;
　　祂已 經 作 審 判， 行 公 義；
16b　　　Pháiⁿ lâng hō͘ kakī ê chhiú só͘ chòeê , tîⁿ tio̍h thoat bōe lī .
　　　　歹 人 使 自 己 的 手 所 做 的,纏 著 脫 未 離。

17a　Pháiⁿlâng beh kui tī imhú chhimkhiⁿ,
　　歹 人 要 歸 在 陰 府 深 坑，
17b　　　Bōe kì tit Siōngtè ê lia̍tpang ia̍h beh ánni .
　　　　未 記 得 上 帝 的 列 邦 亦 要 按 呢。

18a　In ūi sònghionglâng
　　因 為 貧 窮 人
　　tekkhak bô éngoán hō͘ Siōngtè bōe kìtitkhì.
　　的 確 無 永 遠 使 上 帝 不 記 得 去。
18b　　　Khùnkhó͘ ê lâng ê ǹgbāng, tekkhak bōe éngoán bôkhì.
　　　　困 苦 的 人 的 盼 望， 的 確 未 永 遠 無 去。

19a　Iâhôhoa ah , kiû Lí pehkhílâi,
　　耶 和 華 啊，求Ｌｉ２　爬 起 來，
　　m̄ thang iôngún lâng chūko khílâi ;
　　不 通 容 允 人 自 高 起 來；
19b　　　Goān lia̍tpang tī Lí ê bīnchêng siū símphòaⁿ khutkē lâi .
　　　　願 列 邦 在Ｌｉ２　的 面 前 受 審 判 屈 低 來。

20a　Iâhôhoa ah, kiû Lí hō͘ in kiaⁿhiâⁿ;
　　耶 和 華 啊，求Ｌｉ２　使 伊 驚 惶；
20b　　　Goān lia̍tpang chai kakī putkò sī lâng nātiāⁿ.
　　　　願 列 邦 知 自 己 不 過 是 人 若 定。