《押韻啟應詩篇》

 | | | 轉寄

台語押韻啟應詩篇 8

作者 Tīⁿ Jîgio̍k 2006.02.19

8 Tāipi̍t ê si, kau hō͘ Ga̍kkoaⁿ, ēng Kate̍k ê ga̍kkhì.

1a　Iâhôhoa goán ê Chú ah ,
　　耶　和　華　阮　的　主　啊，
　　Lí ê miâ tī choântōe cháiⁿiūⁿ kàu hiah koântōa lah !
　　Lí 的 名 在 全 地 怎 樣 到 許 高 大 啦！

1b　　　Lí chiong Lí ê êngkng pâisiat tī thiⁿ kàu hiah khoankhoah lah!
　　　　Lí　將　 Lí 的 榮 光 排 設 在 天 到 許 寬 闊 啦 !

2a　Lí inūi Lí ê tùite̍k ê iânkò͘ siat aple̍k,
　　Lí　因 為　lí 的 對 敵 的 緣 故 設 壓 力，
　　tùi eⁿ 'á kap chia̍hlengê ê chhùi kiànli̍p lêngle̍k;
　　對 嬰 仔 及 食 奶 者 的 嘴 建 立 能 力；
2b　　　Beh hō͘ tùite̍k kap pòoanê chēngchēng bô bīnsek.
　　　　要 使 對 敵 及 報 冤 的 靜 靜 無 面 色。

3a　Góa khòaⁿ Lí ê thiⁿ, Lí ê chhiú só͘ chō ê bānmi̍h,
　　我 看　lí 的 天，　Ｌｉ２ 的 手 所 造 的 萬 物，
3b　　　Kap Lí só͘ pâilia̍t ê ge̍h kap chhiⁿ.
　　　　及　Lí 所 排 列 的 月 及 星 。

4a　Sèkan lâng sī sími̍h, Lí siàuliām i ?
　　世 間 人 是 什 麼，　Ｌｉ２ 思 念 他？
4b　　　Lâng ê kiáⁿ sī símmi̍h, Lí koankò͘ i ?
　　　　人 的 子 是 什 麼，　Ｌｉ２ 關 顧 他？

5a　Lí hō͘ i pí thiⁿsài lî 'á khah su ,
　　Lí　使 他 比 天 使 釐 仔 較 輸 ，
5b　　　Koh siúⁿsù i êngkng chunkùi chòe biánliû iâⁿkè chinchu.
　　　　又 賞 賜 他 榮 光 尊 貴 做 冕 旒 贏 過 珍 珠。

6a　Lí siatli̍p i koánlí Lí ê chhiú só͘ chōê ,
　　Lí　設 立 他 管 理　Ｌｉ２　的 手 所 造 的，
6b　　　Hē bānmi̍h tī i ê kha ē .
　　　　置 萬 物 在 他 的 腳 下。

7a　Chiūsī it chhè ê gû kap iûⁿ,
　　就 是 一 切 的 牛 及 羊,
7b　　　Soaⁿiá ê cháusiù.
　　　　山 野 的 走 獸。

8a　Thiⁿtiong ê chiáu, háilāi ê hî ,
　　天 中 的 鳥 ， 海 內 的 魚，
8b　　　Kìⁿnā kengkè háilō͘ ê mi̍h.
　　　　見 若 經 過 海 路 的 物。

9a　Iâhôhoa, goán ê Chú ah ,
　　耶 和 華， 阮 的 主 啊，
9b　　　Lí ê miâ tī choântōe cháiⁿiūⁿ kàu hiah koântōa lah!
　　　　Lí　的 名 在 全 地 怎 樣 到 許 高 大 啦！