《押韻啟應詩篇》

 | | | 轉寄

台語押韻啟應詩篇 94

作者 Tīⁿ Jîgio̍k 2007.12.03

94

1a　Iâhôhoa sinoan ê Siōngtè ah ,
　　耶 和 華 伸 冤 的 上 帝 啊，

1b　　　Sinoan ê Siōngtè ah, kiû Lí hiánchhut kng chhinchhiūⁿ sihnà.
　　　　伸 冤 的 上 帝 啊, 求 你 顯 出 光 親 像 閃 電。

2a　Símphòaⁿ sèkài ê Chú ah , kiû Lí khílâi hôeèng;
　　審 判 世 界 的 主 啊，求 你 起 來 回 應；

2b　　　Hō͘ kiaungō͘ ê lâng siū engkai siū ê pòèng.
　　　　使 驕 傲 的 人 受 應 該 受 的 報 應。

3a　Iâhôhoa ah , pháiⁿlâng beh jōakú ah ?
　　耶 和 華 啊，歹 人 要 偌 久 啊？

3b　　　Pháiⁿlâng teksèng tāiia̍t, beh jōakú ah ?
　　　　歹 人 得 勝 大 悅，要 偌 久 啊？

4a　In sûipiān kóng, kiaungō͘ ê ōe chiàu kóng,
　　伊 隨 便 講， 驕 傲 的 話 照 講，

4b　　　Itchhè kiâⁿpháiⁿ ê lâng lóng kakī phínphóng.
　　　　一 切 行 歹 的 人 攏 自 己 品 捧。

5a　Iâhôhoa ah, in apchè Lí ê pehsìⁿ;
　　耶 和 華 啊，伊 壓 制 你 的 百 姓；

5b　　　Khó͘chhó͘ Lí ê sángia̍p ê chengsiⁿ .
　　　　苦 楚 你 的 產 業 的 畜 牲。

6a　In thâisí chiúkóaⁿlâng kap chhutgōalâng;
　　伊 殺 死 守 寡 人 及 出 外 人；

6b　　　Koh hāisí ko͘jî khinsang khinsang. 　　
　　　　又 害 死 孤 兒 輕 鬆 輕 鬆。

7a　In kóng,“ Iâhôhoa tekkhak bô khòaⁿkìⁿ,
　　伊 講，「耶 和 華 的 確 無 看 見，

7b　　　Ngá kok ê Siōngtè tekkhak bô tì ì . ”
　　　　雅 各 的 上 帝 的 確 無 致 意。」

8a　Lín pehsìⁿtiong chengsiⁿ hitkhoán ê lâng tio̍h siūⁿ lah,
　　恁 百 姓 中 畜 牲 彼 款 的 人 著 想 啦，

8b　　　Gûgōng ê lâng kàu tī sî chiah ū tì hūi ah ?
　　　　愚 戇 的 人 到 底 時 才 有 智 慧 啊？

9a　Antì hīkhangê , chóng bô I bô thiaⁿkìⁿ ?
　　安 置 耳 孔 者，總 無 祂 無 聽 見？

9b　　　Chhòngchō ba̍kchiuê , chóng bô I bōe khòaⁿkìⁿ mah?
　　　　創　　造 目 珠 者，總 無 祂 不 看 見 嗎？

10a　Kàutok lia̍tpangê , chiūsī hō͘ lâng tit tio̍h tì sekê ,
　　　教 督 列 邦 者，就 是 使 人 得 著 智 識 者，

10b　　　Chóng bô I bōe hiáu pānlí thiⁿē ?
　　　　　總 無 祂 不 曉 辦 理 天 下？

11a　Iâhôhoa chai lâng ê simsu ,
　　　耶 和 華 知 人 的 心 思，

11b　　　Chai in sī khangkhang bô͘sū .
　　　　　知 伊 是 空 空 謀 事。

12a　Iâhôhoa ah , Lí só͘ kàutok, koh ēng Lí ê lu̍thoat só͘ kàsīê ,
　　　耶 和 華 啊，你 所 教 督，又 用 你 的 律 法 所 教 示 者，

12b　　　Hitê lâng ū hokkhì kàu hō͘ è .
　　　　　彼 個 人 有 福 氣 到 後 裔。

13a　Beh hō͘ i tī hoānlān ê ji̍t tit tio̍h pêngan ,
　　　要 使 他 在 患 難 的 日 得 著 平 安，

13b　　　Nāsī ūi tio̍h pháiⁿlâng khui hāmkhiⁿ teh tán .
　　　　　若 是 為 著 歹 人 開 陷 坑 在 等。

14a　Inūi Iâhôhoa tekkhak bô khìsak I ê pehsìⁿ;
　　　因 為 耶 和 華 的 確 無 棄 捨 祂 的 百 姓；

14b　　　Ia̍h bô chiong I ê sángia̍p pànglī .
　　　　　亦 無 將 祂 的 產 業 放 離。

15a　In ūi símphòaⁿ beh chiàu konggī ,
　　　因 為 審 判 要 照 公 義，

15b　　　Sim chèngti̍t ê lâng beh lóng tè I .
　　　　　心 正 直 的 人 要 攏 跟 祂。

16a　Siáⁿlâng beh ūi góa khílâi kongkek pháiⁿlâng?
　　　誰 人 要 為 我 起 來 攻 擊 歹 人 ？

16b　　　Siáⁿlâng beh ūi góa khiākhílâi kongkek kiâⁿ chōeok ê lâng?
　　　　　誰 人 要 為 我 立 起 來 攻 擊 行 罪 惡 的 人？

17a　Nā m̄ sī Iâhôhoa pangchān góa pêngan ,
　　　若 不 是 耶 和 華 幫 助 我 平 安，

17b　　　Chiū góa ê sînhûn khoàikhoài tiàm tī léngchēng ê tiongkan.
　　　　　就 我 的 神 魂 快 快 站 在 冷 靜 的 中 間。

18a　Góa kóng, góa ê kha tio̍htak peh bōe khílâi ,
　　　我 講， 我 的 腳 著 觸 爬 不 起 來，

18b　　　Iâhôhoa ah , hitsî Lí ê chûài hûchhî góa khílâi .
　　　　　耶 和 華 啊，彼 時 你 的 慈 愛 扶 持 我 起 來。

19a　Góa ê sim chōechōe iubūn khòalū bô hílo̍k,
　　　我 的 心 多 多 憂 悶 掛 慮 無 喜 樂，

19b　　　Lí ê anùi chiū hō͘ góa ê simsîn khoàilo̍k.
　　　　　你 的 安 慰 就 使 我 的 心 神 快 樂。

20a　Kanok ê ông chōūi khòsè ,
　　　奸 惡 的 王 坐 位 靠 勢，
　　káchià lu̍tlē , kèbô͘ chânhāiê ,
　　　假 借 律 例，計 謀 殘 害 的，

20b　　　Kiám ōe kap Lí kauthong hósè ?
　　　　　豈 會 與 你 交 通 好 勢？

21a　In tāike chūchi̍p, kongkek gīlâng ê sìⁿmiā;
　　　伊 大 家 聚 集， 攻 擊 義 人 的 性 命；

21b　　　Chiong bôchōe ê lâng tēng síchōe beh hāimiā.
　　　　　將　　無 罪 的 人 定 死 罪 要 害 命。

22a　Chóngsī Iâhôhoa pêngsî chòe góa ê koântâi ;
　　　總 是 耶 和 華 平 時 做 我 的 高 台；

22b　　　Góa ê Siōngtè chòe góa tôsiám ê chio̍hpôaⁿ chiū chūchāi.
　　　　　我 的 上 帝 做 我 逃 閃 的 石 磐 就 自 在。

23a　Chú hō͘ in ê chōeok kui tī in ê sinchiūⁿ bô kiám khin,
　　　主 使 伊 的 罪 惡 歸 在 伊 的 身 上 無 減 輕，

23b　　　In tī kiâⁿpháiⁿ ê sî , I beh châubia̍t in ;
　　　　　伊 在 行 歹 的 時，祂 要 剿 滅 伊；

　　　　IÂHÔHOA LÁⁿ Ê SIŌNGTÈ BEH CHÂUBIA̍T Iⁿ.
　　　　　耶 和 華 咱 的 上 帝 要 剿 滅 伊。