《押韻啟應詩篇》

 | | | 轉寄

台語押韻啟應詩篇 96

作者 Tīⁿ Jîgio̍k 2007.12.17

96

1a　Lín tio̍h ǹg Iâhôhoa chhiùⁿ sin ê koa,
　　恁 著 向 耶 和 華 唱 新 的 歌，

1b　　　Choântōe lóng tio̍h ǹg Iâhôhoa chhiùⁿkoa.
　　　　全 地 攏 著 向 耶 和 華 唱 歌。

2a　Tio̍h ǹg Iâhôhoa chhiùⁿkoa, chioksiā I ê miâ bô soah,
　　著 向 耶 和 華 唱 歌， 祝 謝 祂 的 名 無 息，

2b　　　Ji̍tji̍t thoânpò I ê kiùun khuikhoah.
　　　　日 日 傳 報 祂 的 救 恩 開 闊 。

3a　Tī lia̍tpang ê tiongkan kóngkhí I ê êngkng;
　　在 列 邦 的 中 間 講 起 祂 的 榮 光；

3b　　　Tī bān pehsìⁿ ê tiongkan
　　　　在 萬 百 姓 的 中 間
　　　　kóngkhí I kîbiāu ê só͘chòe chiâuchn̂g.
　　　　講 起 祂 奇 妙 的 所 做 齊 全。

4a　Inūi Iâhôhoa chòe tōa, engkai siū ke̍ktōa ê oló chunkùi,
　　因為 耶 和 華 做 大，應 該 受 極 大 的讚美 尊 貴，

4b　　 I tī chèng sînbêng ê téngbīn engkai siū kèngùi .
　　　　祂 在 眾 神 明 的 頂 面 應 該 受 敬 畏。

5a　Inūi lia̍tpang ê sînbêng lóng sī huké ;
　　因為 列 邦 的 神 明 攏 是 虛 假；

5b　　　To̍kto̍k Iâhôhoa chhòngchō chiahê thiⁿ kap tē .
　　　　獨 獨 耶 和 華 創 造 諸 些 天 與 地。

6a　Tī I ê bīnchêng ū chunkùi kap uigiâm pho͘chng,
　　在 祂 的 面 前 有 尊 貴 與 威 嚴 鋪 妝，

6b　　　Tī I ê sèngsó͘ ū koânlêng kap êngkng.
　　　　在 祂 的 聖 所 有 權 能 與 榮 光。

7a　Pehsìⁿtiong ê ta̍kcho̍k ah ,
　　百 姓 中 的 各 族 啊，
　　lín tio̍h chiong koânlêng êngkng bô únmôa,
　　恁 著 將 權 能 榮 光 無 隱 瞞，

7b　　　Kui hō͘ Iâhôhoa; kui hō͘ Iâhôhoa.
　　　　歸 給 耶 和 華； 歸 給 耶 和 華。

8a　Ēng I ê miâ só͘ engkai tit tio̍h ê êngkng, kui hō͘ Iâhôhoa:
　　用 祂的 名 所 應 該 得 著 的 榮 光， 歸 給 耶 和 華：

8b　　　Tòa lémi̍h lâi ji̍p I ê īⁿ kámsiā bô soah.
　　　　帶 禮 物 來 入 祂 的 院 感 謝 無 息。

9a　Tio̍h ēng sèngkiat ê chngthāⁿ kèngpài Iâhôhoa;
　　著 用 聖 潔 的 妝 飾 敬 拜 耶 和 華；

9b　　　Choântōe tī I ê bīnchêng ngia̍uhngia̍uhchhoah.
　　　　全 地 在 祂的 面 前 蠕 蠕 惙。

10a　Tī lia̍tpangtiong tio̍h kóng,
　　　在 列 邦 中 著 講，

10b　　　Iâhôhoa chòe ông,
　　　　　耶 和 華 做 王，

10c　Sèkài kiankò͘, bōe iôtāng kàu thiⁿpiⁿ;
　　　世 界 堅 固，不 搖 動 到 天 邊；

10d　　　I beh chiàu kongpêng símphòaⁿ bān pehsìⁿ.
　　　　　祂 要 照 公 平 審 判 萬 百 姓。

11a　Goān thiⁿ hoaⁿhí, tōe khoàilo̍k móa siâⁿ;
　　　願 天 歡 喜，地 快 樂 滿 城；

11b　　　Goān hái kap kîtiong só͘ chhiongmóaê lóng chhut tōasiaⁿ;
　　　　　願 海 與 其 中 所 充　　滿 的 攏 出 大 聲；

12a　Goān chhânhn̂g kap kîtiong só͘ūê , lóng khoàilo̍k oló I ê miâ;
　　　願 田 園 及 其 中 所有 的, 攏 快 樂 讚美 祂的名；

12b　　　Hitsî chhiūnâlāi ê chhiūba̍k,
　　　　　彼 時 樹 林 內 的 樹 木，
　　　　lóng beh tī Iâhôhoa ê bīnchêng chhut hoaⁿhí ê siaⁿ; 　　
　　　　　攏 要 在 耶 和 華 的 面 前 出 歡 喜 的 聲；

13a　In ūi I lâi lah,
　　　因 為 祂 來 啦，

13b　　　I lâi beh símphòaⁿ choântōe lah,
　　　　　祂 來 要 審 判 全 地 啦，

13c　I beh chiàu konggī símphòaⁿ sèkài,
　　　祂 要 照 公 義 審 判 世 界，

13d　　　Chiàu I ê sìnsi̍t símphòaⁿ bān pehsìⁿ bô hun kokkài.
　　　　　照 祂 的 信 實 審 判 萬 百 姓 無 分 國 界。