《押韻啟應詩篇》

 | | | 轉寄

台語押韻啟應詩篇 98

作者 Tīⁿ Jîgio̍k 2007.12.31

98　　Chi̍tphiⁿ si.

1a　Lín tio̍h ǹg Iâhôhoa chhiùⁿ sin ê koa;
　　恁 著 向 耶 和 華 唱 新 的 歌；

1b　　　In ūi I bat kiâⁿ kîbiāu ê sū ke̍ktōa;
　　　　因 為 祂 曾 行 奇 妙 的事 極 大；

1c　I ê chiàⁿchhiú kap I sèng ê chhiúkut,
　　祂的 右 手 及 祂 聖 的 手 骨，

1d　　　Í keng ūi kakī kiâⁿ chínkiù hiánchhut.
　　　　已 經 為 自 己 行 拯 救 顯 出。

2a　Iâhôhoa hō͘ lâng chai I ê chínkiù ê chinlí ,
　　耶 和 華 使 人 知 祂 的 拯 救 之 真 理，

2b　　　Tī lia̍tpanglâng ê ba̍kchiuchêng hiánbêng I ê konggī .
　　　　在 列 邦 人 的 目 珠 前 顯 明 祂 的 公 義。

3a　I kìliām I tùi Íseklia̍tke só͘ hoatchhut ê chûài kap sìnsi̍t ;
　　祂 紀 念 祂 對 以色 列 家 所 發 出 的 慈 愛 與 信 實；

3b　　　Tōe ê sì kak lóng khòaⁿkìⁿ
　　　　地 的 四 角 攏 看 見
　　　　lán ê Siōngtè ê chínkiù sī chinsi̍t .
　　　　咱 的 上 帝 之 拯 救 是 真 實。

4a　Choântōe lóng tio̍h ǹg Iâhôhoa chhut hoaⁿhí ê siaⁿ;
　　全 地 攏 著 向 耶 和 華 出 歡 喜 的 聲；

4b　　　Tio̍h chhut tōasiaⁿ hoaⁿhí chhiùⁿkoa o ló I ê miâ.
　　　　著 出 大 聲 歡 喜 唱 歌 讚 美 祂 的 名。

5a　Tio̍h tôaⁿkhîm chhiùⁿkoa o ló Iâhôhoa;
　　著 彈 琴 唱 歌 讚 美 耶 和 華；

5b　　　Tio̍h tôaⁿkhîm hō͘ sikoa ê siaⁿ o ló I bô soah.
　　　　著 彈 琴 使 詩 歌 的 聲 讚 美 祂 無 息。

6a　Ēng hōthâu kap sàukak ê siaⁿ,
　　用 號 頭 與 哨 角 的 聲，

6b　　　Tī Kunông Iâhôhoa ê bīnchêng chhut hoaⁿhí ê siaⁿ.
　　　　在 君 王 耶 和 華 的 面 前 出 歡 喜 的 聲。

7a　Goān hái, kap kîtiong só͘ chhiongmóaê ,
　　願 海， 與 其 中 所 充 滿 的，

7b　　　Lóng tio̍h chhut tōasiaⁿ;
　　　　攏 著 出 大 聲；

7c　Sè kài, kap tiàm tī hit tiongkanê ,
　　世 界， 與 站 在 彼 中 間 的，

7d　　　Ia̍h tio̍h chhutsiaⁿ.
　　　　亦 著 出 聲。

8a　Goān tōachúi phah chhiúchiúⁿ chhut siaⁿ,
　　願 大 水 拍 手 掌 出 聲，

8b　　　Goān chiahê soaⁿ tī Iâhôhoa ê bīnchêng chhut hoaⁿhí ê siaⁿ.
　　　　願 諸 些 山 在 耶 和 華 的 面 前 出 歡 喜的 聲。

9a　In ūi I lâi beh símphòaⁿ choântōe;
　　因 為 祂 來 要 審 判 全 地；

9b　　　I beh chiàu konggī símphòaⁿ sè kài ê chōe,
　　　　祂要 照 公 義 審 判 世 界 的 罪，

　　　　 CHIÀU I Ê CHÈNGTI̍T SÍMPHÒAⁿ LIA̍TPANG Ê SÒ͘ CHÒE.
　　　　照 祂的 正 直 審 判 列 邦 的 所 做。