《押韻啟應詩篇》

 | | | 轉寄

台語押韻啟應詩篇 11

作者 Tiⁿ Jîgio̍k 2006.03.12

11 Tāipi̍t ê si, kau hō͘ Ga̍kkoaⁿ.

1a　Góa sī óakhò Iâhôhoa,
　　我　是　倚靠　耶　和　華，
　　lín siáⁿsū tùi góa ê sînhûn o͘pe̍h hoah?
　　恁　甚　事　對　我　的神　魂　黑　白　喝？
1b　　　Lín tio̍h chhinchhiūⁿ chiáu, pekhì lín kakī ê soaⁿ.
　　　　恁　當　親　像　鳥，　飛　去　恁　自己　的山。

2a　Khòaⁿ ah , pháiⁿlâng tiuⁿ keng, an in ê chìⁿ bih tī mn̂gphāng,
　　看 啊，歹 人 張 弓， 安 伊 的 箭 匿 在 門 縫，
2b　　　Beh àmchīⁿ siā simlāi chèngti̍t ê lâng.
　　　　要 暗 靜 射 心 內 正 直 的 人。

3a　Tōeki nā tóhoāikhì,
　　地 基 若 倒 壞 去，
3b　　　Gī lâng iáu ōe chòe símmi̍h?
　　　　義 人 尚 會 做 甚 麼？

4a　Iâhôhoa tī I ê sèngtiān,
　　耶 和 華 在 祂 的 聖 殿，
4b　　　Iâhôhoa ê póchō tī thiⁿ ê chhimian.
　　　　耶 和 華 的 寶 座 在 天 的 深 淵。

4c　I ê ba̍kchiu teh khòaⁿ tōechiūⁿ múi chi̍tphāng.
　　祂 的 目 珠 在 看 地 上 每 一 縫。
4d　　　I ê ba̍kchiu kàmchhat sèkanlâng.
　　　　祂 的 目 珠 鑑 察 世 間 人。

5a　Iâhôhoa tiâucha gīlâng kap pháiⁿlâng,
　　耶 和 華 調 查 義 人 及 歹 人，
5b　　　To̍kto̍k I ê sim oànhūn ài kiôngpō ê lâng.
　　　　獨 獨 祂 的 心 怨 恨 愛 強 暴 的 人。

6a　I beh chiong lôbāng pha tī pháiⁿlâng,
　　祂 要 將 羅 網 撒 在 歹 人，
6b　　　Bô thang siámphiah.
　　　　無 通 閃 避。

6c　Ū héiām, jiûn̂g , kap jia̍thong teh hang,
　　有 火 燄、 硫 黃、 及 熱 風 在 烘，
6d　　　Chòe in poetiong ê hūngia̍h.
　　　　做 伊 杯 中 的 份 額。

7a　Inūi Iâhôhoa sī konggī , I hoaⁿhí konggī ,
　　因 為 耶 和 華 是 公 義，祂 歡 喜 公 義，
7b　　　Chèngti̍t ê lâng beh kìⁿ tio̍h I ê bīn lâi hoaⁿhí .
　　　　正 直 的 人 要 見 著 祂 的 面 來 歡 喜。