《押韻啟應詩篇》

 | | | 轉寄

台語押韻啟應詩篇 14

作者 Tīⁿ Jîgio̍k 2006.04.02

14　Tāipi̍t ê si, kau hō͘ Ga̍kkoaⁿ.

1a　Gōnglâng simlāi kóng, “ bô ū Siōngtè .”
　　憨　人　心　內　講：　「無　有上　帝。」
1b　　　In thàn siâok , kiâⁿ khóò͘ⁿ ê sū bōe pháiⁿsè ,
　　　　伊　趁　邪　惡，行　可　惡　的事　不　歹　勢，
　　　　bô chi̍tlâng kiâⁿ hó chi̍tē .
　　　　無　一　人　行　好　一　下。

2a　Iâhôhoa tùi thiⁿ àⁿlo̍h khòaⁿ sèkanlâng,
　　耶 和 華 從 天 俯 落 看 世 間 人，
2b　　　Beh khòaⁿ ū bênglí ê lâng, ū chhē kiû Siōngtè ê lâng.
　　　　要 看 有 明 理 的 人，有 尋 求 上 帝 的 人。

3a　In lóng oaichhoa̍h,
　　伊 都 歪 斜 ，
3b　　　Itkhài piànchòe ù òe teh thoa.
　　　　一 概 變 做 污 穢 在 拖 。

3c　Bô lâng kiâⁿ hó ,
　　無 人 行 好，
3d　　　Liân chi̍tê ia̍h bô .
　　　　連 一 個 亦 無。

4a　Chòepháiⁿ ê lâng kiám lóng bōe hiáutit chaiiáⁿ ?
　　做 歹 的 人 豈 都 不 曉 得 知 影？
4b　　　In thunchia̍h Góa ê pehsìⁿ chhinchhiūⁿ chia̍h piáⁿ,
　　　　伊 吞 食 我 的 百 姓 親 像 食 餅，
　　　　ia̍h bô kiûkiò Iâhôhoa ê miâ.
　　　　亦 無 求 叫 耶 和 華 的 名。

5a　In tī hia tōatōa kiaⁿhiâⁿ putan ,
　　伊 在 彼 大 大 驚 惶 不 安，
5b　　　Inūi Siōngtè tī gīlâng ê tiongkan.
　　　　因 為 上 帝 在 義 人 的 中 間。

6a　Lín hō͘ sònghiong lâng ê ōe pìⁿchòe kiànsiàu koh sitpāi,
　　恁 讓 貧 窮 人 的 話 變 做 見 誚 又 失 敗，
6b　　　Chóngsī Iâhôhoa chòe i tôsiám ê só͘chāi.
　　　　總 是 耶 和 華 做 他 逃 閃 的 所 在。

7a　Goān Íseklia̍t ê chínkiù tùi Sekan chhutlâi,
　　願 以色 列 的 拯 救 從 錫 安 出 來，
7b　　　Iâhôhoa kiù I siūlia̍h ê pehsìⁿ tòtńglâi,
　　　　耶 和 華 救 祂 受 掠 的 百 姓 倒返 來，

7c　Hitsî Ngákok beh khoàilo̍k thiàukhílâi,
　　彼 時 雅 各 要 快 樂 跳 起 來，
7d　　　Í seklia̍t beh hoaⁿhí khílâi.
　　　　以色 列 要 歡 喜 起 來。