《押韻啟應詩篇》

 | | | 轉寄

台語押韻啟應詩篇 15

作者 Tīⁿ Jîgio̍k 2006.04.09

15　Tāipi̍t ê si.

1a　Iâhôhoa ah, siáⁿlâng ōe kiàkha tī Lí ê pò͘pîⁿ?
　　耶　和　華　啊，甚　人　會　寄　腳　在Lí　的布　棚？
1b　　　Siáⁿlâng ōe khiākhí tī Lí ê sèngsoaⁿ chhiūpiⁿ?
　　　　甚　人　會　居　起　在Lí的　聖　山　樹　邊？

2a　Chiūsī só͘ kiâⁿ chèngti̍t , só͘chòe konggī ,
　　就 是 所 行 正 直，所 做 公 義，
2b　　　Simlāi kóng sêngsi̍t ê lâng chiah sī .
　　　　心 內 講 誠 實 的 人 才 是。

3a　I bô ēng chi̍h tiòngsiong lâng,
　　他 無 用 舌 中 傷 人，
3b　　　Bô hō͘ pêngiú tú tio̍h chaihāi ê lôbāng;
　　　　無 讓 朋 友 遇 到 災 害 的 羅 網；

3c　Lâng húipòng chhùpiⁿ,
　　人 毀 謗 厝 邊，
3d　　　Nāsī i bô sìkòe iâu lâi hāi i .
　　　　若 是 他 無 四 界 謠 來 害 他。

4a　I ê ba̍kchiu khòaⁿkhin húilūi ,
　　他的 目 珠 看 輕 匪 類，
4b　　　Chuntiōng kèngùi Iâhôhoa ê lâng chòe chunkùi.
　　　　尊 重 敬 畏 耶 和 華 的 人 作 尊 貴。

4c　I chiùchōa suibóng kakī khekkhui,
　　他 咒 詛 雖 罔 自 己 刻 虧，
4d　　　Ia̍h bô piànōaⁿ chi̍tu̍ih.
　　　　亦 無 變 換 一 劃。

5a　I gûn chiohlâng ê bo̍ktek,
　　他 銀 借 人 的 目 的，
5b　　　Bô ūi tio̍h līsek;
　　　　無 為 著 利 息；

5c　Bô siū pò͘lō͘ lâi hāi bô chōeê lâi chhoah,
　　無 受 賄 絡 來 害 無 罪 者 來 惙 ，
5d　　　Kiâⁿ chithō sū ê lâng éngéng bô iôchoah.
　　　　行 這 號 事 的 人 永 永 無 搖 泏。