《押韻啟應詩篇》

 | | | 轉寄

台語押韻啟應詩篇 16

作者 Tīⁿ Jîgio̍k 2006.04.16

1a　Siōngtè ah , kiû Lí póhō͘ góa;
　　上　帝　啊，　求 Lí　保 護　我；
1b　Góa óakhò Lí teh oa̍h.
　　我　倚　靠　Lí　teh　活。

2a　Góa beh tùi Iâhôhoa kóng, " Lí sī góa ê Chú,
　　我　要　對　耶和華　講：「Lí　是　我　的主，
2b　Lí í gōa, góa bô pêngan thang anku. "
　　　　Lí　以外，　我　無　平　安　通　安居。」

3a　Góa beh tùi tōechiūⁿ sèng ê pehsìⁿ kóng,
　　我 要 對 地 上 聖 的 百 姓 講，
3b　　　In sī ke̍kkî hó, sī góa só͘ chhimchhim hoaⁿhíê kóng:
　　　　伊 是 極 其 好，是 我 所 深 深 歡 喜 的 講：

4a　" Ēng pa̍tê sîn thòeōaⁿ Iâhôhoaê ,
　　「用 別 的 神 替 換 耶 和 華 的，
4b　　　In ê iukhó͘ beh ná kethiⁿ bô thè,
　　　　伊 的 憂 苦 要 越 加 添 無 退，

4c　In hiàn tiānhuih ê chè, góa bô beh hiàn che,
　　伊 獻 奠 血 的 祭，我 無 要 獻 這，
4d　　　Góa ê chhùitûn ia̍h m̄ thêkhí in ê miâ lâi kènglé . "
　　　　我 的 嘴 唇 亦 不 提 起 伊 的 名 來 敬 禮。」

5a　Iâhôhoa sī góa siū pun ê choângia̍h,
　　耶 和 華 是 我 受 分 的 全 額，
5b　　　Iā sī góa poetiong ê hūngia̍h;
　　　　也 是 我 杯 中 的 份 額；

5c　Góa só͘ èngtitê ,
　　我 所 應 得 的，
5d　　　Lí kā góa kò͘siú chéngchê.
　　　　Lí給 我 固 守 整 齊。

6a　Só͘ niû hō͘ góa ê tōetài , sī tī chin súi ê só͘chāi;
　　所 量 給 我 的 地 帶， 是 在 真 美 的 所 在；
6b　　　Góa ê sángia̍p si̍tchāi sī chin hó tōekài.
　　　　我 的 產 業 實 在 是 真 好 地 界。

7a　Góa beh o ló hitê kàsī góa ê Iâhôhoa;
　　我 要 讚 美 彼 個 教 示 我 的 耶 和 華；
7b　　　Mîsî góa ê simtn̂g ia̍h chítiám góa;
　　　　暝 時 我 的 心 腸 亦 指 點 我；

8a　Góa siôngsiông kènghōng Iâhôhoa tī góa ê bīnchêng;
　　我 常 常 敬 奉 耶 和 華 在 我 的 面 前 ；
8b　　　Inūi I tī góa ê chiàⁿpêng, góa chiū bô iôchoah anchēng.
　　 因為 祂 在 我 的 右 傍， 我 就 無 搖 泏 安 靜。

9a　Inūi ánni góa ê sim hoaⁿhí, góa ê sîn khoàilo̍k hengkhí,
因為 按 呢 我 的 心 歡 喜，我 的 神 快 樂 興 起，
9b　　Góa ê jio̍ksin ia̍h beh anjiân khiākhí.
　　　我 的 肉 身 亦 要 安 然 居 起。

10a　Inūi Lí bô chiong góa ê lênghûn pànghē tī imkan;
　　因為Lí 無 將 我 的 靈 魂 放 下 在 陰 間；
10b　　　Ia̍h bô hō͘ oa̍h tī Lí ê chûàiê , tú tio̍h bâichòng ê putan.
　亦 無 讓 活 在 Lí 的 慈 愛 者，遇 著 埋 葬 的 不 安。

11a　Lí beh chiong oa̍hmiā ê lō͘ chísī góa.
　　 Lí 要 將 活 命 的 路 指 示 我。
11b　　　Tī Lí ê bīnchêng ū hoaⁿhí móamóa;
　　　　在 Ｌí 的 面 前 有 歡 喜 滿 滿；


　Tī Lí ê chiàⁿchhiú ū éngoán ê khoàilo̍k sikoa.
　在 Lí 的 右 手 有 永 遠 的 快 樂 詩 歌。