《押韻啟應詩篇》

 | | | 轉寄

台語押韻啟應詩篇 18a

作者 Tīⁿ Jîgio̍k 2006.04.30

Iâhôhoa ê lô͘po̍k Tāipi̍t ê si; kau hō͘ Ga̍kkoaⁿ. Tng Iâhôhoa kiù i thoatlī itchhè ê tùite̍k, kap Sòlô ê chhiú ê ji̍t, i tùi Iâhôhoa liām chit ê si ê ōe; kóng,

1　IÂHÔHOA GÓA Ê KHÙILA̍T AH, GÓA THIÀⁿ LÍ .
(齊聲)　耶和華　我　的氣　力　啊，我　愛　Lí。

2a　Iâhôhoa sī góa ê soaⁿgiâm,
　　耶和華　是　我　的山　巖，
2b　　　Góa ê soaⁿchē ê kiàm,
　　　　我　的山　寨　的劍，

2c　Góa tôsiám ê Kiùchú,
　　我　逃閃　的救　主，
2d　　　Góa ê Siōngtè , góa ê Chú,
　　　　我　的上　帝，我　的主，

2e　Góa ê chio̍hpôaⁿ tōeki ,
　　我　的石　磐　地　基，
2f　　　Góa beh óakhò I ;
　　　　我　要　倚靠　祂；

2g　I sī góa ê tînpâi,
　　祂是我　的盾　牌，
2h　　　Sī kiù góa ê kak, kài chiamlāi , iā sī góa ê koântâi .
　　　　是　救　我　的角，价　尖　利，也是　我　的高　台。

3a　Góa beh kiûkiò èngkai o ló ê Iâhôhoa;
　　我 要 求 叫 應 該 讚 美 的 耶 和 華；
3b　　　Góa chiū tit tio̍h kiù, thang thoatlī góa ê tùite̍k teh tuióa .
　　　　我 就 得 到 救，通 脫 離 我 的 對 敵 在 追 倚。

4a　Sí bô ê soh tîⁿ góa kiâⁿ,
　　死 亡 的 索 纏 我 行，
4b　　　Húilūi ê tōachúi hō͘ góa kiaⁿ.
　　　　匪 類 的 大 水 使 我 驚。

5a　Imkan ê soh ûikhùn góa,
　　陰 間 的 索 圍 困 我，
5b　　　Sí bô ê lôbāng lîmkàu góa.
　　　　死 亡 的 羅 網 臨 到 我。

6a　Góa tī khó͘lāntiong kîkiû Iâhôhoa,
　　我 在 苦 難 中 祈 求 耶 和 華，
6b　　　Tùi góa ê Siōngtè kiûkiò bô soah.
　　　　對 我 的 上 帝 求 叫 無 息。

6c　I tùi I ê tiānlāi thiaⁿ góa ê siaⁿ,
　　祂 從 祂 的 殿 內 聽 我 的 聲，
6d　　　Góa tī I ê bīnchêng só͘ kiûê , ji̍p tī I ê hī teh thiaⁿ.
　　　　我 在 祂 的 面 前 所 求 的，入 在 祂 的 耳 在 聽。

7a　Inūi I siūkhì, tōe chiū iô koh choah;
　　因為 祂 怒 氣， 地 就 搖 又 泏 ；
7b　　　Soaⁿ ê tōeki ia̍h tíntāng lâi iôchoah;
　　　　山 的 地 基 亦 震 動 來 搖 泏 ；

8a　Tùi I ê phīⁿkhang chhèngchhut ian kap hóeiām,
　　從 祂 的 鼻 孔 凊 出 煙 及 火 焰，
8b　　　Tùi I ê chhùilāi hoatchhut hé ná kiàm,
　　　　從 祂 的 嘴 內 發 出 火 若 劍，
　　　　thô͘thòaⁿ tùi ánni to̍h kàu iāmiām.
　　　　土 炭 從 按 呢 to̍h 到 炎 炎。

9a　I hō͘ thiⁿ sûilo̍h kē, púnsin lîmkàu,
　　祂 使 天 垂 落 低，本 身 臨 到，
9b　　　I ê khaē o͘àmàm ná chhimkau.
　　　　祂的 腳 下 黑暗 暗 若 深 溝。

10a　I khiâ kilō͘peng teh pe ;
　　祂 騎 基 路 兵 在 飛；
10b　　　I ēng hong ê si̍t kínkín pe .
　　　　祂 用 風 的 翼 緊 緊 飛。

11a　I ēng o͘àm chòe bihsin ê só͘chāi,
　　祂 用 黑暗 做 匿 身 的 所 在，
11b　　　Chòe tiùⁿpâng lâi ûi I bô lâng chai,
　　　　做 帳 房 來 圍 祂 無 人 知，

11c　Chiūsī chúi ê o͘ àm,
　　就 是 水 的 黑 暗，
11d　　　Khongtiong ê ba̍thûn lâi jiakhàm.
　　　　空 中 的 密 雲 來 遮 蓋。

12a　Inūi I thâuchêng ê kng teh sih,
　　因為 祂 頭 前 的 光 在 閃，
12b　　　Ba̍thûn iā ho̍kchiông kiâⁿkèkhì,
　　　　密 雲 也 服 從 行 過 去，
　　　　ū pha̍uh kap teh to̍h ê thô͘thòaⁿ tè I .
　　　　有 雹 及 在 to̍h 的 土 炭 隨 祂。

13a　Iâhôhoa tī thiⁿni̍h khí lûi ,
　　耶 和 華 在 天 裡 起 雷，
13b　　　Chìkoânê chhut I ê siaⁿ teh chhui,
　　　　至 高 者 出 祂 的 聲 在 催，
　　　　ū pha̍uh kap teh to̍h ê thô͘thòaⁿ móa sì ûi .
　　　　有 雹 及 在 to̍h 的 土 炭 滿 四 圍。

14a　I siāchhut I ê chìⁿ, hō͘ tùite̍k sìsòaⁿ lâi cháuchhoán,
　　祂 射 出 祂 的 箭， 使 對 敵 四 散 來 走 喘 ，
14b　　　Hoatchhut chōechōe sihnà, hō͘ in jiáuloān.
　　　　發 出 多 多 閃 電，使 伊 擾 亂。

15a　Iâhôhoa ah, Lí ê chekpī chi̍tē hoatchhut,
　　耶 和 華 啊，Lí 的 責 備 一 下 發 出 ，
15b　　　Lí ê phīⁿkhang ê khì chi̍tē chhut,
　　　　Ｌí的 鼻 孔 的 氣 一 下 出 ，

15c　Chúitóe chiū chhuthiān,
　　水 底 就 出 現，
15d　　　Tōatōe ê kunki ia̍h lō͘hiān.
　　　　大 地 的 根 基 亦 露 現。

16a　I tùi téngbīn chhunchhiú khiú góa chhut,
　　祂 從 頂 面 伸 手 拉 我 出 ，
16b　　Tùi tōachúi ê tiongkan khan góa chhut.
　　　　從 大 水 的 中 間 牽 我 出 。

17a　I kiù góa thoatlī góa béng ê tùite̍k,
　　祂救 我 脫 離 我 猛 的 對 敵，
　　í ki̍p hiahê oànhūn góa ê lâng ê sèle̍k,
　　以及 那 些 怨 恨 我 的 人 之 勢 力，
17b　　　Inūi in pí góa khah kiôngle̍k.
　　　　因 為 伊 比 我 更 強 力。

18a　Góa tú tio̍h chailān ê ji̍t , in lâi kongkek góa bôthè,
　　我 遇 到 災 難 的 日，伊 來 攻 擊 我 無 退，
18b　　　Chóngsī Iâhôhoa sī góa só͘ óakhòê .
　　　　總 是 耶 和 華 是 我 所 倚 靠 的。
19a　I ia̍h chhōa góa kàu khuikhoah ê só͘chāi,
　　祂 亦 導 我 到 開 闊 的 所 在，

19b　　　I kiù góa, inūi I hoaⁿhí góa ho̍ksāi .
　　　　祂 救 我，因 為 祂 歡 喜 我 服 事。

20a　Iâhôhoa chiàu góa ê gī pòtap góa;
　　耶 和 華 照 我 的 義 報 答 我；
20b　　　Chiàu góa chhiú ê chhengkhì pòsiúⁿ góa.
　　　　照 我 手 的 清 氣 報 賞 我。

21a　Inūi góa chunsiú Iâhôhoa ê tōlō͘ kàu bé ,
　　因 為 我 遵 守 耶 和 華 的 道 路 到 尾，
21b　　　Bē bat chòepháiⁿ, līkhui góa ê Siōngtè.
　　　　未 曾 作 歹， 離 開 我 的 上 帝。

22a　I ê hoatlu̍t lóng tī góa ê bīnchêng;
　　祂的 法 律 攏 在 我 的 面 前 ；
22b　　　I ê lé gî , góa bē bat khìsak bô kiongkèng.
　　　　祂的 禮 儀，我 未 曾 棄 捨 無 恭 敬。

23a　Góa tī I ê bīnchêng chòe oânchoân,
　　我 在 祂 的 面 前 做 完 全 ，
23b　　　Góa ia̍h pósiú kakī , līkhui góa ê chōeok kap i bô koan.
　　　　我 亦 保 守 自 己，離 開 我 的 罪 惡 與 它 無 關。

24a　Só͘í Iâhôhoa pòsiúⁿ góa hiòngchêng,
　　所以 耶 和 華 報 賞 我 向 前，
24b　　　Sī chiàu góa ê gī ;
　　　　是 照 我 的 義；

24c　Ia̍h sī chiàu góa tī I ê ba̍kchiu chêng,
　　亦 是 照 我 在 祂 的 目 珠 前，
24d　　　Chiàu góa chhiú ê chhengkhì.
　　　　照 我 手 的 清 氣。