《押韻啟應詩篇》

 | | | 轉寄

台語押韻啟應詩篇 18b

作者 Tīⁿ Jîgio̍k 2006.05.07

25a　Chûài ê lâng, Lí ēng chûài khoánthāi i ;
　　慈　愛的人，Ｌｉ２用　慈　愛　款　待　他；
25b　　　Oânchoân ê lâng, Lí ēng oânchoân khoánthāi i ;
　　　　完　全　的人，Ｌｉ２用　完　全　款　待　他；

26a　Chhengkhì ê lâng, Lí ēng chhengkhì khoánthāi i ;
　　清　氣　的人，Ｌｉ２用　清　氣　款　待　他；
26b　　　Koāiphiah ê lâng, Lí ēng oankhiau khoánthāi i .
　　　　乖　癖　的人，Ｌｉ２　用　彎曲　款　待　他。

27a　Inūi khùnkhó͘ ê pehsìⁿ, Lí beh kiù i ;
　　因 為 困 苦 的 百 姓，Ｌｉ２ 要 救 他；
27b　　　Chūko ê ba̍kchiu kia̍h khí, Lí beh hō͘ i sôelo̍hkhì.
　　　　自 高 的 目 珠 舉 起，Ｌí 要 讓 它 垂 落 去。

28a　Inūi Lí beh tiámto̍h góa ê teng;
　　因 為 Lí 要 點 ｔｏｈ８ 我 的 燈；
28b　　　Iâhôhoa góa ê Siōngtè beh chiòkng góa ê àmkéng,
　　　　耶 和 華 我 的 上 帝 要 照 光 我 的 暗 景，

29a　Inūi góa óakhò Lí, chiū chhiongji̍p kuntūi,
　　因為 我 倚 靠 Ｌí，就 衝 入 軍 隊，
29b　　　Óakhò góa ê Siōngtè , chiū thiàukè chhiûⁿûi.
　　　　倚 靠 我 的 上 帝，就 跳 過 牆 圍。

30a　Lūnkàu Siōngtè , I ê lō͘ sī oânchoânê .
　　論 到 上 帝，祂 的 路 是 完 全 的。
30b　　　Iâhôhoa ê ōe sī kè thoànliānê ;
　　　　耶 和 華 的 話 是 過 鍛 鍊 的；

30c　Kìⁿnā óakhò I ê ,
　　凡 若 倚 靠 祂 的，
30d　　　I chiū chòe in ê tînpâi bián tò thè.
　　　　祂 就 做 伊 的 盾 牌 免 倒 退。

31a　Inūi Iâhôhoa ígōa, tóchi̍tūi sī Siōngtè ?
　　因 為 耶 和 華 以 外，那 一 位 是 上 帝？
31b　　　Goán ê Siōngtè í gōa, siáⁿlâng sī chio̍hpôaⁿ, sī iâⁿchē ?
　　　　阮 的 上 帝 以 外，甚 人 是 石 磐，是 營 寨？

32a　Chiūsī hit ê ēng khùila̍t hâ góa ê io ê ,
　　就 是 彼 個 用 氣 力 縖 我 的 腰 者，
32b　　　Hō͘ góa ê lō͘ oânchoân ê Siōngtè .
　　　　使 我 的 路 完 全 的 上 帝。

33a　I hō͘ góa ê kha chhinchhiūⁿ lo̍kbú ê kha,
　　祂 使 我 的 腳 親 像 鹿 母 的 腳，
33b　　　Koh antì góa koân ê só͘chāi khòaⁿ thianhā .
　　　　又 安 置 我 高 的 所 在 看 天 下。

34a　I kàsī góa ê chhiú gâu chiàncheng,
　　祂教 示 我 的 手 善 戰 爭 ，
34b　　　Tìkàu góa ê chhiúkut ōe khui tâng ê keng.
　　　　致 到 我 的 手 骨 會 開 銅 的 弓 。

35a　Lí ēng Lí kiùun ê tînpâi hō͘ góa;
　　Ｌí 用 Ｌí 救 恩 的 盾 牌 給 我；
35b　　　Lí ēng chiàⁿchhiú hûchhî góa; Lí ê unhô hō͘ góa chòe tōa.
　　Ｌí 用 右 手 扶 持 我；Ｌí 的 溫 和 使 我 做 大。

36a　Lí hō͘ góa só͘ ta̍h ê tōe khuikhoah;
　　Ｌí 使 我 所 踏 的 地 開 闊 ；
36b　　　Góa ê kha bē bat ta̍hchhū iôchoah.
　　　　我 的 腳 未 曾 踏 滑 搖 泏 。

37a　Góa beh tùi góa ê tùite̍k pekkīn, ia̍h beh jip tio̍h in ;
　　我 要 對 我 的 對 敵 迫 近， 亦 要 追 著 伊；
37b　　　In iáubē bia̍tbô ê tāiseng,
　　　　伊 尚 未 滅 亡 的 事 先，
　　　　góa bô beh tòtńg lâi pànglēng.
　　　　我 無 要 倒 返 來 放 鬆。

38a　Góa beh phah in thiámthiám, tìkàu in bōe khílâi kia̍h kiàm;
　　我 要 打 伊 殄 殄 ，致到 伊 未 起 來 舉 劍；
38b　　　In beh tó tī góa ê khaē tiāmtiām.
　　　　伊 要 躺 在 我 的 腳 下 恬 恬。

39a　Inūi Lí bat ēng khùila̍t hâ góa ê io ,
　　因 為 Ｌí 曾 用 氣 力 縖 我 的 腰，
39b　　　Hō͘ góa gâu kauchiàn, m̄ bián hioh.
　　　　使 我 善 交 戰 ， 不 免 歇。

39c　Lí hō͘ hiahê khílâi kongkek góaê ,
　　Lí 使 那 些 起 來 攻 擊 我 的，
39d　　　Lóng hângho̍k tī góa ê kha ē .
　　　　都 降 服 在 我 的 腳 下。

40a　Lí ia̍h hō͘ góa ê tùite̍k oa̍ttńgsin tôcháu,
　　Ｌí亦 使 我 的 對 敵 越 轉 身 逃 走，
　　chhongchhong bângbâng;
　　匆 匆 忙 忙；
40b　　　Hō͘ góa ōe châubia̍t hiahê oànhūn góa ê lâng.
　　　　使 我 會 殲 滅 那 些 怨 恨 我 的 人。

41a　In kiûkiò, ia̍h bô lâng kiù in ;
　　伊 求 告，亦 無 人 救 伊；
41b　　　Chiū kiûkiò Iâhôhoa, I ia̍h bô ìn .
　　　　就 求 叫 耶 和 華，祂 亦 無 應。

42a　Góa tûi in kàu chhùichhùi,
　　我 捶 伊 到 碎 碎，
42b　　　Chhinchhiūⁿ hong chhe ê thô͘hún bōe kui tui ;
　　　　親 像 風 吹 的 土 粉 不 歸 堆；

42c　Piàⁿchhut in lo̍htē ,
　　傾 出 伊 落 地，
42d　　　Chhinchhiūⁿ koelō͘ ê thô͘bê.
　　　　親 像 街 路 的 土 泥。

43a　Lí kiù góa thoatlī pehsìⁿ ê saⁿchiⁿ, biánsiū tîⁿpòaⁿ,
　　Ｌí 救 我 脫 離 百 姓 的 相 爭， 免 受 纏 絆，
43b　　　Lí siatli̍p góa chòe lia̍tpang ê thâu lâi ínchhōa,
　　　　Ｌí 設 立 我 做 列 邦 的 頭 來 引 導，
　　　　góa púnjiân m̄ bat ê pehsìⁿ beh ho̍ksāi góa.
　　　　我 本 然 不 識 的 百 姓 要 服 侍 我。

44a　In chi̍tē thiaⁿkìⁿ góa ê miâ chiū beh sūnthàn góa;
　　伊 一 下 聽 見 我 的 名 就 要 順 趁 我；
44b　　　Ī pang ê lâng beh tâuhâng góa.
　　　　異 邦 的 人 要 投 降 我。

45a　Ī panglâng beh soethè,
　　異 邦 人 要 衰 退，
45b　　　Kiaⁿhiâⁿ ngia̍uhngia̍uhchhoah chhut tùi in ê iâⁿchē.
　　　　驚 惶 愕 愕 惙 出 對 伊 的 營 寨。

46a　Iâhôhoa sī oa̍hê , goān góa ê chio̍hpôaⁿ tit tio̍h o ló ;
　　耶 和 華 是 活 的，願 我 的 石 磐 得 到 讚 美；
46b　　　Goān kiù góa ê Siōngtè tit tio̍h sengkoân ko ko.
　　　　願 救 我 的 上 帝 得 到 升 高 高 高。

47a　Chitê Siōngtè chiūsī hitê kā góa sinoan kàutéê ,
　　此 個 上 帝 就 是 彼 個 給 我 申 冤 到 底 的，
47b　　　Hō͘ chèng pehsìⁿ hângho̍k tī góa ê ē bīnê .
　　　　使 眾 百 姓 降 服 在 我 的 下 面 的。

48a　I kiù góa thoatlī góa ê tùite̍k,
　　祂 救 我 脫 離 我 的 對 敵，
48b　　　Lí chiong góa kúkhí, chin chekke̍k,
　　　　Ｌí 將 我 舉 起， 真 積 極，

48c　Khah koân hiahê khílâi kongke̍k góaê ;
　　較 高 彼 的 起 來 攻 擊 我 的；
48d　　　Lí sī kiù góa thoatlī kiôngpōê .
　　　　Lí 是 救 我 脫 離 強 暴 的。

49a　Iâhôhoa ah, in ūi ánni
　　耶 和 華 啊，因 為 按 呢
　　góa beh tī lia̍tpangtiong kámsiā Lí ;
　　我 要 在 列 邦 中 感 謝 Ｌí；
49b　　　Chhiùⁿkoa o ló Lí ê miâjī .
　　　　唱 歌 讚美 Ｌí 的 名 字。

50a　Iâhôhoa siúⁿsù ke̍ktōa ê kiùun,
　　耶 和 華 賞 賜 極 大 的 救 恩，
50b　　　Hō͘ I só͘ siatli̍p ê ông ia̍h ū hūn.
　　　　給 祂 所 設 立 的 王 亦 有 份。

50c　Sichhut chûài hō͘ I siūboahiû ê ,
　　施 出 慈 愛 給 祂 受 抹 油 者，
50d　　　Chiūsī hō͘ Tāipi̍t kap i ê hō͘ è , ti̍tkàu éngoán bô thè.
　　就 是 讓 大 闢 及 他 的 後 裔，直 到 永 遠 無 退。