《押韻啟應詩篇》

 | | | 轉寄

台語押韻啟應詩篇 19

作者 Tīⁿ Jîgio̍k 2006.05.14

1a　Chiahê thiⁿ kóng khí Siōngtè ê êngkng;
　　諸　些天　講　起　上　帝的榮　光，
1b　　　Kiongchhong pòiông I ê chhiú só͘ chòeê chiâuchn̂g.
　　　　穹　蒼　報　揚　祂的手　所　做　的齊　全 。

2a　Chitji̍t tùi hitji̍t hoatchhut giângú,
　　此　日　對　彼　日　發　出　言　語，
2b　　　Chitmî tùi hitmî thoânchhut chaibat kî sū .
　　　　此　暝　對　彼暝　傳　出　知　識　奇事。

3a　Bô giân bô gú chiah hikî ,
　　無 言 無 語 此 稀 奇，
3b　　　In ê siaⁿ bô thang thiaⁿkìⁿ.
　　　　伊 的 聲 無 通 聽 見。

4a　In ê chúnchîn piàn tī thiⁿē bānpang,
　　伊 的 準 繩 遍 在 天 下 萬 邦 ，
　　in ê giângú kàu tī tōeke̍k ê hīkhang,
　　伊 的 言 語 到 在 地 極 的 耳 孔 ，
4b　　　Siōngtè tī in tiongkan ūi tio̍h ji̍tthâu antì tiùⁿpâng.
　　　　上 帝 在 伊 中 間 為 著 日 頭 安 置 帳 房。

5a　Ji̍tthâu chhinchhiūⁿ sinkiáⁿsài chhut i ê pâng,
　　日 頭 親 像 新 子 婿 出 他 的 房 ，
5b　　　Ia̍h chhinchhiūⁿ béngióng ê lâng hoaⁿhí cháu i ê lō͘ ,
　　　　亦 親 像 猛 勇 的 人 歡 喜 走 他的 路，
　　　　khinkhin sangsang.
　　　　輕 輕 鬆 鬆。

6a　I chhut tùi thiⁿ ê chitpêng,
　　它出 對 天 的 此 邊，
6b　　　Se̍h kàu thiⁿ ê hitpêng.
　　　　繞 到 天 的 彼 邊。

6c　Bô chi̍thāng mi̍h khǹgba̍t,
　　無 一 項 物 藏 密，
6d　　　Bô tit tio̍h i jia̍tkhì ê la̍t .
　　　　無 得 著 它 熱 氣 的 力。

7a　Iâhôhoa ê lu̍thoat chiâuchn̂g,
　　耶 和 華 的 律 法 齊 全 ，
7b　　　Ōe hō͘ lâng ê simsîn oa̍hkhílâi kui ǹg .
　　　　會 使 人 的 心 神 活 起 來 歸 向。

7c　Iâhôhoa ê kanchèng khaksi̍t,
　　耶 和 華 的 干 証 確 實，
7d　　　Ōe hō͘ gōnglâng ū tìhūi bōe gōngti̍t.
　　　　會 使 憨 人 有 智慧 不 憨 直。

8a　Iâhôhoa ê chèngti̍t kàsī ,
　　耶 和 華 的 正 直 教 示，
8b　　　Ōe hō͘ lâng ê sim hoaⁿhí .
　　　　會 使 人 的 心 歡 喜。

8c　Iâhôhoa ê chhengkiat bēnglēng,
　　耶 和 華 的 清 潔 命 令，
8d　　　Ōe hō͘ lâng ê ba̍kchiu kngbêng.
　　　　會 給 人 的 目 珠 光 明。

9a　Kèngùi Iâhôhoa ê tō lí sī chhengkhì,
　　敬 畏 耶 和 華 的 道 理 是 清 氣，
9b　　　Éngoán chûnchāi ê chinlí .
　　　　永 遠 存 在 的 真 理。

9c　Iâhôhoa ê phòaⁿtoàn chinsi̍t,
　　耶 和 華 的 判 斷 真 實，
9d　　　Itkhài sī konggī chèngti̍t.
　　　　一 概 是 公 義 正 直。

10a　Pí kim, pí chōechōe hó kim, khah thang himbō͘ tī sim;
　　比 金， 比 多 多 好 金， 較 通 欣 慕 在 心；
10b　　　Pí bi̍t, pí phangpâng tihlo̍hlâi ê bi̍t khah tiⁿ thang lim.
　　　比 蜜，比 蜂 房 滴 落 來 的 蜜 較 甜 通 飲。

11a　Koh Lí ê lô͘po̍k tùi chiahê siū kéngkài;
　　又 　Ｌｉ２ 的 奴 僕 對 這 些 受 警 戒；
11b　　　Siú chiahê ū tōa siúⁿsù ê chûài .
　　　　守 這 些 有 大 賞 賜 的 慈 愛。

12a　Siáⁿlâng ōe chai i ê sitchhò bêsit ?
　　誰 人 會 知 他 的 失 錯 迷 失？
12b　　　Kiû Lí tûkhì góa àmchīⁿ ê kèsit.
　　　　求 lí 除 去 我 暗 靜 的 過 失。

13a　Kiû Lí chó͘chí Lí ê lô͘po̍k,
　　求 Ｌｉ２　 阻 止　Ｌｉ２ 的 奴 僕，
13b　　　Bô kò͘ ì hoānchōe;
　　　　無 故 意 犯 罪；

13c　M̄ chún hitê chōeok ,
　　不 准 彼 個 罪 惡，
13d　　　Koánhat góa hoānchōe,
　　　　管 轄 我 犯 罪，

13e　Góa chiū oânchoân siú ioksok,
　　我 就 完 全 守 約 束，
13f　　　Bián hoān tōachōe siū chektok.
　　　　免 犯 大 罪 受 責 督。

14a　Iâhôhoa góa ê chio̍hpôaⁿ ah ,
　　耶 和 華 我 的 石 磐 啊，
14b　　Kiùsio̍k góa ê Chú ah ;
　　　　救 贖 我 的 主 啊；

14c　Goān góa ê chhùi só͘ kóngê , sim só͘ siūⁿê ,
　　願 我 的 嘴 所 講 的，心 所 想 的，
14d　　　Tī Lí ê bīnchêng tit tio̍h chiapla̍p bô thè.
　　　　在 Ｌｉ２的 面 前 得 著 接 納 無 退。