《押韻啟應詩篇》

 | | | 轉寄

台語押韻啟應詩篇 25

作者 Tīⁿ Jîgio̍k 2006.06.25

Tāipi̍t ê si.

1　IÂHÔHOA AH, GÓA Ê SIMSÎⁿ GIÓNGBŌNG LÍ.
(齊聲)耶和　華　啊， 我　的 心　神　仰　望　Ｌｉ２。


2a　Góa ê Siōngtè ah, góa pêngsò͘ óakhò Lí siū chíkàu,
　　我　的 上　帝 啊，我　平　素 倚 靠　Ｌｉ２ 受　指 教，
2b　　　M̄ thang hō͘ góa kiànsiàu hō͘ lâng sau,
　　　　不 通　讓　我　見　誚　受　人　消，
　　　　m̄ thang hō͘ góa ê tùite̍k inūi iâⁿ góa lâi khoakháu.
　　　　不 通　讓 我　的 對 敵　因 為 贏　我　來　誇　口。


3a　Kìⁿnā thènghāu Líê, tekkhak bô kiànsiàu;
　　見 若 等 候　Ｌｉ２ 者, 的 確 沒 見 誚；
3b　　　Hiahê bô iânkò͘ kiâⁿ kanchàê , beh kiànsiàu.
　　　　彼 些 沒 緣 故 行 奸 詐 者，要 見 誚。


4a　Iâhôhoa ah, kiû Lí chiong Lí ê tō lō͘ chísī góa,
　　耶 和 華 啊，求　Ｌｉ２將　Ｌｉ２的 道 路 指 示 我，
4b　　　Chiong Lí ê lō͘tô͘ kà sī góa.
　　　　將　Ｌｉ２的 路 途 教 示 我。


5a　Kiû Lí chhōa góa tī Lí ê chinlí ,
　　求　Ｌｉ２ 導 我 在 Ｌｉ２ 的 真 理,
5b　　　Koh kā góa kà sī ,
　　　　又 給 我 教 示，


5c　Inūi kiù góa ê Siōngtè sī Lí ,
　　因 為 救 我 的 上 帝 是　Ｌｉ２，
5d　　　Góa thongji̍t thènghāu Lí .
　　　　我 通 日 等 候　Ｌｉ２。


6a　Iâhôhoa ah , kiû Lí kìliām Lí ê lînbín kap Lí ê chûài ;
　　耶 和 華 啊，求　ＬＩ２ 紀 念　Ｌｉ２的 憐 憫 和　Ｌｉ２ 的 慈 愛；
6b　　　Inūi che sī kó͘chá í lâi siôngsiông chûnchāi.
　　　　因 為 這 是 古 早 以 來 常 常 存 在。


7a　Kiû Lí m̄ thang kìliām góa siàuliân ê chōekòa,
　　求　Ｌｉ２不 通 紀 念 我 少 年 的 罪 過，
7b　　　Kap góa kòesit ê tōa,
　　　　和 我 過 失 的 大，


7c　Iâhôhoa ah, kiû Lí chiàu Lí ê chûài lâi khòaⁿkò͘ góa.
　　耶 和 華 啊，求　Ｌｉ２ 照　Ｌｉ２的 慈 愛 來 看 顧 我。
7d　　　Inūi Lí ê unhūi kì liām góa.
　　　　因 為Ｌｉ２的 恩 惠 記 念 我。


8a　Iâhôhoa sī hó koh chèngti̍t ê tō lō͘ ,
　　耶 和 華 是 好 又 正 直 的 道 路，
8b　　　Só͘ í I beh chísī chōejîn kiâⁿ chiàⁿlō͘ .
　　　　所 以 祂 要 指 示 罪 人 行 正 路。


9a　I beh ēng kongpêng ínchhōa khiamsùn ê lâng,
　　祂 要 用 公 平 引 導 謙 遜 的 人，
9b　　　I beh ēng I ê tō lō͘ kàsī khiamsùn ê lâng.
　　　　祂 要 用 祂 的 道 路 教 示 謙 遜 的 人。


10a　Kìⁿnā siú I ê iok kap I ê kàibēng ê lâng,
　　凡 若 守 祂 的 約 和 祂 的 誡 命 的 人，
10b　　　Iâhôhoa khoánthāi in lóng sī ēng sêngsi̍t chûài lâi pangbâng.
　　　　耶 和 華 款 待 伊 攏 是 用 誠 實 慈 愛 來 幫 忙。


11a　Iâhôhoa ah , góa ê chōe chin tāng;
　　耶 和 華 啊， 我 的 罪 真 重；
11b　　　Kiû Lí inūi Lí ê miâ siàbián góa tit tháupàng.
　　　　求　ＬＩ２ 因 為 Ｌｉ２的 名 赦 免 我 得 釋 放。


12a　Símmi̍h lâng kèngùi Iâhôhoa?
　　什 麼 人 敬 畏 耶 和 華？
12b　　　Iâhôhoa beh chísī i só͘ tio̍h kéng ê lō͘ lâi ínchhōa.
　　　　耶 和 華 要 指 示他 所 著 揀 的 路 來 引 導 。


13a　I ê simsîn beh tit tio̍h anhioh;
　　他的 心 神 要 得 著 安 息；
13b　　　I ê hō͘ è beh sêngchiap thó͘tōe bōe chió.
　　　　他的 後 裔 要 承 接 土 地 不 少。


14a　Iâhôhoa kap kèngùi I ê lâng chhinbi̍t;
　　耶 和 華 和 敬 畏 祂 的 人 親 密；
14b　　　Koh beh chiong I ê iok chísī in chòe kàti̍t.
　　　　又 要 將 祂 的 約 指 示 伊 做 價 值。



15a　Góa ê ba̍kchiu siôngsiông ǹg Iâhôhoa;
　　我 的 目 珠 常 常 向 耶 和 華；
15b　　　Inūi I beh hō͘ góa ê kha thoatlī lôbāng bô poa̍h.
　　　　因 為 祂 要 讓 我 的 腳 脫 離 羅 網 無 跌。


16a　Kiû Lí oa̍ttńg ǹg góa, khólîn góa,
　　求　Ｌｉ２越 轉 向 我， 可 憐 我，
16b　　　Inūi góa sī ko͘toaⁿ koh khùnkhó͘ bô i óa.
　　　　因 為 我 是 孤 單 又 困 苦 無 依 倚。


17a　Góa ê simlāi ê iukhó͘ chinchōe bô kántan.
　　我 的 心 內 的 憂 苦 真 多 不 簡 單。
17b　　　Kiû Lí kiù góa thoatlī góa lóngchóng ê hoānlān.
　　　　求　Ｌｉ２救 我 脫 離 我 攏 總 的 患 難。


18a　Kiû Lí khòaⁿ góa ê kanlân kap góa ê khó͘lô .
　　求 　Ｌｉ２ 看 我 的 艱 難 和 我 的 苦 勞。
18b　　　Siàbián góa itchhè ê chōekò.
　　　　赦 免 我 一 切 的 罪 過。


19a　Kiû Lí khóaⁿ góa ê tùite̍k, inūi in chin chōe;
　　求　Ｌｉ２ 看 我 的 對 敵，因 為 伊 真 多；
19b　　　In oànhūn góa chin okto̍k kàu tóe.
　　　　伊 怨 恨 我 真 惡 毒 到 底。


20a　Kiû Lí póhō͘ góa ê sìⁿmiā, chínkiù góa ki̍p sî ,
　　求　Ｌｉ２ 保 護 我 的 性 命，拯 救 我 及 時，
20b　　　Hō͘ góa bô kiànsiàu, inūi góa óakhò Lí .
　　　　讓 我 沒 見 誚， 因 為 我 倚 靠 　Ｌｉ２。


21a　Goān sûnchoân chèngti̍t póhō͘ góa,
　　願 純 全 正 直 保 讓 我，
21b　　　Inūi góa thènghāu Lí .
　　　　因 為 我 聽 候 　Ｌｉ２。


22a　Siōngtè ah, kiû Lí kiùsio̍k Í seklia̍t,
　　上 帝 啊，求　Ｌｉ２ 救 贖 以 色 列，
22b　　　Thoatlī i itchhè ê kankhó͘ bián siaubia̍t.
　　　　脫 離 他 一切 的 艱 苦 免 消 滅。