《押韻啟應詩篇》

 | | | 轉寄

台語押韻啟應詩篇 2

作者 Tīⁿ Jîgio̍k 2006.01.08

1a　Lia̍tpang siáⁿsū soanhoa,
　　列 邦 甚 事 喧 嘩，
1b　　　Chèng pehsìⁿ siáⁿsū kèbô͘ khangkhang ê sū lâi hoah?
　　　　眾 百 姓 甚 事 計 謀 空 空 的 事 來 喝 ？

2a　Sèchiūⁿ ê kunông khiākhílâi ,
　　世 上 的 君 王 站 起 來，
2b　　　Chiáng koânpèngê saⁿ kap kiatkhílâi .
　　　　掌 權 柄 者 相 與 結 起 來。

2c　Beh tí te̍k Iâhôhoa,
　　要 抵 敵 耶 和 華，
2d　　　Iā tí te̍k I ê siū boahiûê lâi chūkhoa.
　　　　也 抵 敵 祂 的 受 抹 油 者 來 自 誇。

3a　Kóng, lán tio̍h pakkhui in kā lán kòaê kê ,
　　講 ， 咱 著 剝 開 伊 給 咱 掛 的 枷，
3b　　　Hiatka̍k in ê soh lo̍h tē .
　　　　棄 擲 伊 的 索 落 地。

4a　Chē tī thiⁿténgê beh chhiò,
　　坐 在 天 頂 的 要 笑 ，
4b　　　Chú beh biáusī in teh tiô.
　　　　主 要 藐 視 伊 在 (fa6b)。

5a　Hitsî I beh tī I ê siūkhìtiong lâi tùihù in ,
　　彼 時 祂 要 在 祂 的 怒 氣 中 來 對 付 伊，
5b　　　Tī I ê tōa khióngpò͘ ê siūkhì lâi tí tng in .
　　　　在 祂 的 大 恐 怖 的 怒 氣 來 抵 擋 伊。

6a　Chú kóng, Góa kakī í keng siatli̍p ông,
　　主 講 ， 我 自 己 已 經 設 立 王，
6b　　　Tī Sekan , Góa ê sèngsoaⁿ hō͘ i chunchông.
　　　　在 錫 安， 我 的 聖 山 使 他 尊 崇。

7a　Góa beh thoân sèngchí ,
　　我 要 傳 聖 旨，
7b　　　Iâhôhoa bat kā góa kóngkhí,
　　　　耶 和 華 曾 給 我 講 起：

7c　Lí sī Góa ê kiáⁿjî ,
　　你 是 我 的 子 兒，
7d　　　Góa kin'á ji̍t siⁿ lí .
　　　　我 今 仔 日 生 你。

8a　Lí kiû Góa, Góa chiū chiong lia̍tpang hō͘ lí chòe kigia̍p;
　　你 求 我， 我 就 將 列 邦 給 你 做 基 業；
8b　　　Chiong tōe ê ke̍kthâu hō͘ lí chòe sángia̍p.
　　　　將 地 的 極 頭 給 你 做 產 業。

9a　Lí beh ēng thihkoái chiong lia̍tông kònglo̍hkhì,
　　你 要 用 鐵 柺 將 列 王 摃 落 去，
9b　　　Beh kòngchhùi in chhinchhiūⁿ siohûilâng ê hûikhì.
　　　　要 摃 碎 伊 親 像 燒 磁 人 的 磁 器。

10a　Taⁿ lín lia̍tông tio̍h ū tìhūi kèngpài;
　　今 恁 列 王 當 有 智 慧 敬 拜；
10b　　　Lín sèchiūⁿ ê símphòaⁿkoaⁿ tio̍h siū kéngkài.
　　　　　恁 世 上 的 審 判 官 當 受 警 戒。

11a　Tio̍h ēng kèngùi lâi ho̍ksāi Iâhôhoa,
　　著 用 敬 畏 來 服 事 耶 和 華，
11b　　　Tio̍h ēng kiaⁿhiâⁿ lâi hoaⁿhí chhiùⁿkoa.
　　　　著 用 驚 惶 來 歡 喜 唱 歌。

12a　Tio̍h ēng chhùi chim SèngKiáⁿ,
　　著 用 嘴 親 聖 子，
12b　　　Kiaⁿliáu I siūkhì hoatsiaⁿ,
　　　　驚 了 祂 怒 氣 發 聲，

12c　Lín chiū bia̍tbô tī lō͘tiong bômiā.
　　恁 就 滅 亡 在 路 中 無 命。
12d　　　Inūi I ê siūkhì beh kínkín hoat chhut, tòng bōe tiāⁿ.
　　　　因 為 祂 的 怒 氣 要 緊 緊 發 出 ， 擋 不 定。

12e　Hoānnā óakhò I ê lâng,
　　凡 若 倚 靠 祂 的 人，
12f　　　Lóng sī ū hokkhì ê lâng.
　　　　攏 是 有 福 氣 的 人。