《押韻啟應詩篇》

 | | | 轉寄

台語押韻啟應詩篇 29

作者 Tīⁿ Jîgio̍k 2006.07.23

Tāipi̍t ê si.

1a　Tōa koânlêngê ê kiáⁿ ah ,
　　大　權　能　者 的 子　啊，
　　lín tio̍h chiong êngkng khùilat, kui hō͘ Iâhôhoa,
　　恁　著　將　榮　光　氣　力，歸　給　耶 和 華，
1b　　　Kui hō͘ Iâhôhoa.
　　　　歸　給　耶 和 華。


2a　Tio̍h chiong Iâhôhoa ê miâ só͘ engkai tit tio̍h ê êngkng,
　　著　將　耶 和 華　的 名　所　應　該　得 著　的 榮　光，
　　kui hō͘ I bô soah.
　　歸　給 祂 無　息。
2b　　　Ēng sèngkiat ê chngthāⁿ kèngpài Iâhôhoa.
　　　　用　聖　潔　的 裝　飾　敬　拜　耶 和 華。


3a　Iâhôhoa ê siaⁿ tī chúibīn; êngkng ê Siōngtè khí lûi tī tōebīn.
　　耶 和 華 的 聲在 水 面；榮 光 的 上 帝 起 雷 在 地 面。
3b　　　Iâhôhoa tī chōechōe chúi ê téngbīn.
　　　　耶 和 華 在 多 多 水 的 頂 面。


4a　Iâhôhoa ê siaⁿ ū tōa khùila̍t ê lāikiàm,
　　耶 和 華 的 聲 有 大 氣 力 的 利 劍，
4b　　　Iâhôhoa ê siaⁿ móamóa uigiâm.
　　　　耶 和 華 的 聲 滿 滿 威 嚴。


5a　Iâhôhoa ê siaⁿ phahchi̍h pekhiuⁿchhiū,
　　耶 和 華 的 聲 打 折 柏 香 樹 ，
5b　　　Iâhôhoa phahchhùi Līpa lùn ê pekhiuⁿchhiū.
　　　　耶 和 華 打 碎 利 巴 嫩 的 柏 香 樹 。


6a　I ia̍h hō͘ i tiôthiàu chhinchhiūⁿ gû 'á chhutsiaⁿ,
　　祂 亦 給 它ｔｉｏ５跳 親 像 牛 仔 出 聲，
6b　　　Hō͘ Līpalùn kap Seliân tiôthiàu chhinchhiūⁿ iá gû ê kiáⁿ.
　　　　給 利 巴 嫩 和 西 連ｔｉｏ５跳 親 像 野 牛 的 子。


7a　Iâhôhoa ê siaⁿ hō͘ héiām punchhe chiòiáⁿ.
　　耶 和 華 的 聲 給 火 焰 分 叉 照 影。

8a　Iâhôhoa ê siaⁿ tíntāng khòngiá ;
　　耶 和 華 的 聲 震 動 曠 野；
8b　　　Iâhôhoa tíntāng Katesu ê khòngiá .
　　　　耶 和 華 震 動 加 低 斯 的 曠 野。


9a　Iâhôhoa ê siaⁿ hō͘ lo̍kbú kiaⁿ tio̍h, lâi siⁿkiáⁿ,
　　耶 和 華 的 聲 給 鹿 母 驚 著， 來 生 子，
　　ia̍h hō͘ chhiūnâ ê chhiūhio̍h lak kngkng tiāⁿ tiāⁿ;
　　亦 給 樹 林 的 樹 葉 落 光 光 定 定；
9b　　　Kìⁿnā tī tiānlāiê lóng kóng, “ Êngkng Chúmiâ.”
　　　　凡 若 在 殿 內 的 都 說： 「榮 光 主 名。」


10a　Tōachúi hoànlām ê sî kong ,
　　大 水 氾 濫 的 時 光，
10b　　　Iâhôhoa chē teh chòe ông.
　　　　耶 和 華 坐 著 作 王。


10c　Iâhôhoa chē teh chòe ông,
　　耶 和 華 坐 著 作 王，
10d　　　Ti̍t kàu éngoán tī kiongchhong.
　　　　直 到 永 遠 在 穹 蒼 。


11a　Iâhôhoa beh siúⁿsù khùila̍t hō͘ I ê pehsìⁿ;
　　耶 和 華 要 賞 賜 氣 力 給 祂 的 百 姓；
11b　　　Iâhôhoa beh ēng pêngan sùhok I ê pehsìⁿ.
　　　　耶 和 華 要 用 平 安 賜 福 祂 的 百 姓。