《押韻啟應詩篇》

 | | | 轉寄

台語押韻啟應詩篇 30

作者 Tīⁿ Jîgio̍k 2006.07.30

Chitê si sī hiàn kiongtiān ê koa; Tāipi̍t chòeê.

1a　Iâhôhoa ah, góa beh chuntiōng Lí chòe chìkoân,
　　耶 和 華　啊， 我　要　尊　重　ＬＩ２　作　至 高，
　　in ūi Lí bat thêpoa̍t góa koânkoân.
　　因 為　Ｌｉ２ 曾　提 拔　我　高　高。
1b　　　Bô hō͘ góa ê kiûsiû tùi góa khoakháu chiángkoân.
　　　　無　給　我 的 仇　讎 對　我　誇　口　掌　權。


2a　Góa ê Siōngtè Iâhôhoa,
　　我　的 上　帝　耶 和 華，
2b　　　Góa bat kiûkiò Lí , Lí chiū i hó góa.
　　　　我　曾　求　叫　Ｌｉ２，Ｌｉ２　就　醫 好　我。


3a　Iâhôhoa ah , Lí bat kiù góa ê lênghûn tùi imkan khílâi,
　　耶 和 華 啊，Ｌｉ２　曾 救 我 的 靈 魂 對 陰 間 起 來，
3b　　　Lí hō͘ góa oa̍hteh, bián tit hō͘ lâng tâi.
　　　　Ｌｉ２　使 我 活 著, 免 得 受 人 埋。


4a　Iâhôhoa sèng ê pehsìⁿ ah, lín tio̍h chhiùⁿkoa o ló I ,
　　耶 和 華 聖 的 百 姓 啊，恁 著 唱 歌 讚 美 祂，
4b　　　Kìliām I ê sèngmiâ lâi kámsiā I .
　　　　紀 念 祂 的 聖 名 來 感 謝 祂。


5a　In ūi I ê siūkhì putkò ba̍knihkú;
　　因 為 祂 的 受 氣 不 過 目 瞬 久；
5b　　　I ê untián sī itseng ê kú;
　　　　祂 的 恩 典 是 一 生 的 久；


5c　Suijian ū thîkhàu kuimî ,
　　雖 然 有 啼 哭 歸 暝，
5d　　　Chákhísî chiū ū hoaⁿhí .
　　　　早 起 時 就 有 歡 喜。


6a　Lūnkàu góa, góa tī hengthong ê sî chiū kóng,
　　論 到 我， 我 在 興 通 的 時 就 講：
6b　　　Góa éng bōe iô choah bô piàntōng.
　　　　我 永 未 搖 泏 無 變 動。


7a　Iâhôhoa ah , Lí bat si un ,
　　耶 和 華 啊，Ｌｉ２　曾 施 恩，
7b　　　Hō͘ góa ê soaⁿ khiā chāi kiankò͘ .
　　　　給 我 的 山 站 在 堅 固。


7c　Lí ng Lí ê bīn,
　　Ｌｉ２　掩　Ｌｉ２的 面，
7d　　　Góa chiū pehpak sitbîn .
　　　　我 就 擘 腹 失 眠。


8a　Iâhôhoa ah , góa kiû kiò Lí ;
　　耶 和 華 啊， 我 求 叫　Ｌｉ２；
8b　　　Góa tùi Iâhôhoa kiû un, kóng ta̍ksî .
　　　　我 對 耶 和 華 求 恩，講 逐 時。


9a　Góa lâuhuih, góa ji̍p bōng, ū siáⁿ lī ek ah ?
　　我 流 血， 我 入 墓， 有 甚 利 益 啊？
9b　　　Tînai kiám ōe oló Lí mah? kiám ōe pòiông Lí ê chinsi̍t mah?
　　　塵 埃 豈 能 讚美Ｌｉ２嗎？ 豈 會 報 揚　Ｌｉ２的 真 實 嗎？


10a　Iâhôhoa ah , kiû Lí thiaⁿ góa, lînbín góa,
　　耶 和 華 啊，求　Ｌｉ２聽 我， 憐 憫 我，
10b　　　Iâhôhoa ah, kiû Lí pangchān góa.
　　　　耶 和 華 啊，求　Ｌｉ２幫 助 我。


11a　Lí í keng chiong góa ê thîkhàu piànchòe thiàubú ;
　　　Ｌｉ２已 經 將 我 的 啼 哭 變 作 跳 舞；
11b　　　Lí chiong góa ê môasaⁿ ōaⁿ chòe hoaⁿhí kui seng khu.
　　　　Ｌｉ２將 我 的 麻 衫 換 作 歡 喜 歸 身 軀。


12a　Thang hō͘ góa ê simsîn chhiùⁿkoa,
　　通 給 我 的 心 神 唱 歌，
12b　　　O ló Lí ia̍h bōe chiū ánni soah.
　　　　讚 美　Ｌｉ２亦 不 就 按 呢 息。


12c　Iâhôhoa góa ê Siōngtè ah ,
　　耶 和 華 我 的 上 帝 啊，
12d　　　Góa beh kámsiā Lí kàu éngoán lah.
　　　　我 要 感 謝　Ｌｉ２ 到 永 遠 啦。