《押韻啟應詩篇》

 | | | 轉寄

台語押韻啟應詩篇 33

作者 Tīⁿ Jîgio̍k 2006.08.20

1a　Lín gīlâng ah, tio̍h inūi Iâhôhoa lâi hoaⁿhí ;
　　恁　義 人　啊， 著　因 為 耶 和 華　來　歡　喜；
1b　　　Chèngti̍t ê lâng ê o ló sī ha̍pgî .
　　　　正　直　的 人　的 讚美　是　合　宜。


2a　Lín tio̍h tôaⁿkhîm kámsiā Iâhôhoa;
　　恁　著　彈　琴　感　謝　耶 和 華；
2b　　　Ēng cha̍ptiâuhiân ê sek o ló I lâi chhiùⁿkoa.
　　　　用　十　條　絃　的 瑟　讚 美 祂 來　唱　歌。


3a　Tio̍h tùi I chhiùⁿ sin ê koa lâi o ló ,
　　著 對 祂 唱 新 的 歌 來 讚 美，
3ba　　　Tôaⁿ kàu chin hó , siaⁿim hiángliāng kàu chòeko.
　　　　彈 到 真 好，聲 音 響 亮 到 最 高。


4a　In ūi Iâhôhoa ê giângú chèngti̍t ;
　　因 為 耶 和 華 的 言 語 正 直；
4b　　　Hoān I só͘ chòeê , itchīn sī sêngsi̍t .
　　　　凡 祂 所 做 的，一 盡 是 誠 實。


5a　I hoaⁿhí gīlí kap kongpêng tī sèchiūⁿ.
　　祂 歡 喜 義 理 及 公 平 在 世 上。
5b　　　Iâhôhoa ê chûài móamóa tī tōechiūⁿ.
　　　　耶 和 華 的 慈 愛 滿 滿 在 地 上。


6a　Chiahê thiⁿ tùi Iâhôhoa ê ōe lâi chōchiâⁿ,
　　諸 些 天 從 耶 和 華 的 話 來 造 成，
6b　　　Thiⁿ ê bānlūi, tùi I ê chhùi ê khì lâi chiâⁿ.
　　　　天 的 萬 類，從 祂 的 嘴 的 氣 來 成。


7a　I chūchi̍p háichúi chiâⁿchòe kuitui,
　　祂 聚 集 海 水 成 做 歸 堆，
7b　　　Siukhǹg chhimian tī chúikhò͘ lāi ûi .
　　　　收 放 深 淵 在 水 庫 內 圍。


8a　Choântōe tio̍h kèngùi Iâhôhoa kiokkiong khiampi ,
　　全 地 著 敬 畏 耶 和 華 鞠 躬 謙 卑，
8b　　　Hoānnā khiākhí tī sèchiūⁿê , lóng tio̍h kiaⁿ I .
　　　　凡 若 居 起 在 世 上 的，都 當 驚 祂。


9a　Inūi I kóngchhut chiū ū chûnchāi,
　　因 為 祂 講 出 就 有 存 在，
9b　　　I bēnglēng chiū khiāchāi.
　　　　祂 命 令 就 站 在。


10a　Iâhôhoa hō͘ lia̍tpang ê kèe̍k bôchháikang,
　　耶 和 華 使 列 邦 的 計 劃 無 采 工，
10b　　　Hō͘ chèng pehsìⁿ só͘ siūⁿê , kui tī khangkhang.
　　　　使 眾 百 姓 所 想 的，歸 於 空 空 。


11a　Iâhôhoa ê kèe̍k éngoán khiāchāi,
　　耶 和 華 的 計 劃 永 遠 站 在，
11b　　　I ê sim só͘ siūⁿê kàu bān sè tāi .
　　　　祂 的 心 所 想 的 到 萬 世 代。


12a　Jīn Iâhôhoa chòe i ê Siōngtèê , hit kok ū hokkhì;
　　認 耶 和 華 做 它 的 上 帝 的，彼 國 有 福 氣；
12b　　　I kéngsoán chòe I ê sángia̍pê , hit ê pehsìⁿ ū hokkhì.
　　　　祂揀 選 做 祂 的 產 業 的，彼 個 百 姓 有 福 氣。


13a　Iâhôhoa tùi thiⁿ teh khòaⁿ bānpang,
　　耶 和 華 從 天 在 看 萬 邦，
13b　　　I kàmchhat lóngchóng ê sèkanlâng.
　　　　祂 鑑 察 攏 總 的 世 間 人。


14a　I tùi I khiākhí ê só͘chāi ǹg gōabīn,
　　祂 從 祂 居 起 的 所 在 向 外 面，
14b　　　Khòaⁿ itchhè ê pehsìⁿ khiākhí tī tōebīn.
　　　　看 一 切 的 百 姓 居 起 在 地 面。


15a　I sī chōchiâⁿ in chènglâng ê simê ,
　　祂 是 做 成 伊 眾 人 的 心 的，
15b　　　Liûsim tī in itchhè ê só͘chòeê .
　　　　留 心 在 伊 一 切 的 所 做 的。


16a　Kunông bōeōe inūi peng chōe tit tio̍h kiù;
　　君 王 不 會 因 為 兵 多 得 著 救；
16b　　　Bénglâng bōeōe inūi khùila̍t tōa tit tio̍h kiù.
　　　　猛 人 不 會 因 為 氣 力 大 得 著 救。


17a　Óakhò bé tit tio̍h kiù sī bôchháikang;
　　倚 靠 馬 得 到 救 是 無 采 工；
17b　　　Bōeōe ēng i ê tōala̍t lâi kiù lâng.
　　　　不 會 　用 它的 大 力 來 救 人。


18a　Iâhôhoa ê ba̍kchiu khòaⁿ kèngùi I ê lâng,
　　耶 和 華 的 目 珠 看 敬 畏 祂 的 人，
18b　　　Khòaⁿ ǹgbāng I ê chûài ê lâng;
　　　　看 盼 望 祂 的 慈 愛 的 人；


19a　Beh kiù in ê lênghûn thoatlī éngoán sí ,
　　要 救 伊 的 靈 魂 脫 離 永 遠 死，
19b　　　Póchûn in ê oa̍hmiā tī kihng ê sî .
　　　　保 存 伊 的 活 命 在 饑 荒 的 時。


20a　Goán ê simsîn pêngsò͘ thènghāu Iâhôhoa;
　　　阮 的 心 神 平 素 等 候 耶 和 華；
20b　　　I sī chòe goán ê pangchān bô soah,
　　　　祂是 做 阮 的 幫 助 無 息 ，
　　　　chòe goán ê tînpâi thang i óa.
　　　　做 阮 的 盾 牌 通 依 倚。


21a　Goán ê sim beh óakhò I lâi hoaⁿhí chhutsiaⁿ,
　　阮 的 心 要 倚 靠 祂 來 歡 喜 出 聲，
21b　　　Inūi goán pêngsò͘ óakhò I ê sèngmiâ.
　　　　因 為 阮 平 素 倚 靠 祂 的 聖 名。


22a　Iâhôhoa ah, goān Lí ê chûài lîmkàu goán,
　　耶 和 華 啊， 願　Ｌｉ２的 慈 愛 臨 到 阮，
22b　　　Chiàu goán só͘ ǹgbāng Lí ê , tap goán ê goān.
　　　　照 阮 所 盼 望　Ｌｉ２ 的，答 阮 的 願。