《押韻啟應詩篇》

 | | | 轉寄

台語押韻啟應詩篇 34

作者 Tīⁿ Jîgio̍k 2006.08.27

Tāipi̍t ê si; chiūsī i tī Apíbíle̍k ê bīnchêng ké hongtian,
　　siū kóaⁿchhutkhì ê sî só͘ chòeê.

1a　Góa beh sî sî o ló Iâhôhoa chunkùi;
　　我　要　時 時　讚 美　耶 和 華　尊　貴；
1b　　　O ló I ê ōe beh siôngsiông tī góa ê chhùi.
　　　　讚 美　祂 的 話　要　常　常　在　我 的　嘴。


2a　Góa ê simsîn beh inūi Iâhôhoa lâi o ló ,
　　我　的 心　神　要　因 為　耶 和 華　來 讚 美，
2b　　　Khiampi ê lâng nā thiaⁿkìⁿ, ia̍h beh hoaⁿhí lâi chhiùⁿhô .
　　　　謙　卑 的 人　若 聽　見，亦 要　歡　喜 來　唱　和。


3a　Lín kap góa tio̍h o ló Iâhôhoa chòe tōa,
　　恁 與 我 著 讚 美 耶 和 華 做 大，
3b　　　Saⁿkap chun I ê miâ chòe koân bô soah.
　　　　相 與 尊 祂 的 名 做 高 無 息。


4a　Góa bat kiû Iâhôhoa, I chiū ìn góa chi̍tkù chi̍tkù ,
　　我 曾 求 耶 和 華，祂 就 應 我 一 句 一 句，
4b　　　Kiù góa thoatlī góa itchhè thang kiaⁿ ê sū .
　　　　救 我 脫 離 我 一 切 通 驚 的事。


5a　In kia̍hthâu gióngbōng I , chiū tit tio̍h kngbêng;
　　伊 舉 頭 仰 望 祂，就 得 到 光 明；
5b　　　In ê bīn éng bōe kiànsiàu thang kia̍h thêng.
　　　　伊 的 面 永 不 見 誚 通 舉 挺。


6a　Chitê khùnkhó͘ ê lâng kiûkiò, Iâhôhoa thiaⁿkìⁿ;
　　此 個 困 苦 的 人 求 叫，耶 和 華 聽 見；
6b　　　Kiù i thoatlī i itchhè ê hoānlān, hō͘ i siámpī .
　　　　救 他 脫 離 他 一 切 的 患 難，使 他 閃 避。


7a　Iâhôhoa ê sùchiá tī kèngùi I ê lâng ê sì ûi chatiâⁿ,
　　耶 和 華 的 使 者 在 敬 畏 祂 的 人 的 四 圍 紮 營，
7b　　　Lâi chínkiù in ê sìⁿmiā.
　　　　來 拯 救 伊 的 性 命。


8a　Lín tio̍h chhìkhòaⁿ, chiū chai Iâhôhoa sī hó ;
　　恁 著 試 看 ， 就 知 耶 和 華 是 好；
8b　　　Óakhò I ê lâng ū hokkhì ê kiatkó.
　　　　倚 靠 祂 的 人 有 福 氣 的 結 果。


9a　Iâhôhoa sèng ê pehsìⁿ ah , lín tio̍h kèngùi I ;
　　耶 和 華 聖 的 百 姓 啊，恁 著 敬 畏 祂；
9b　　　Inūi kèngùi I ê lâng, bô khiàmkheh símmi̍h.
　　　　因 為 敬 畏 祂 的 人 ，無 欠 缺 甚 麼。


10a　Sai'áthûn ū khiàmkheh, ū iaugō ;
　　獅 仔 屯 有 欠 缺 ， 有 飢 餓；
10b　　　To̍kto̍k chhē Iâhôhoa ê lâng bô khiàm símmi̍h hāng ê hó.
　　　　獨 獨 找 耶 和 華 的 人 無 欠 甚 麼 項 的 好。


11a　Sòekiáⁿ ah , lín tio̍h lâi thiaⁿ góa, tio̍h kínkín,
　　小 子 啊，恁 著 來 聽 我， 著 緊 緊，
11b　　　Góa beh chiong kèngùi Iâ hôhoa ê tō lí kàsī lín.
　　　　我 要 將 敬 畏 耶 和 華 的 道 理 教 示 恁。


12a　Símmi̍h lâng ài oa̍hmiā chōechōe nî ,
　　甚 麼 人 愛 活 命 多 多 年，
12b　　　Himbō͘ hèsiū, beh tit tio̍h hokkhì ?
　　　　欣 慕 歲 壽，要 得 到 福 氣？


13a　Chiū tio̍h kìm lí ê chi̍h bô kóng pháiⁿōe:
　　就 著 禁 你 的 舌 無 講 歹 話：
13b　　　Lí ê chhùitûn bô kóng kanchà ê ōe .
　　　　你 的 嘴 唇 無 講 奸 詐 的 話。


14a　Tio̍h līkhui pháiⁿ, chòe hó ê tāichì,
　　著 離 開 歹 ， 做 好 的 代 誌，
14b　　　Chhē hôpêng, lâi tuiji̍pi .
　　　　找 和 平 ， 來 追 入 它。


15a　Iâhôhoa ê ba̍kchiu khòaⁿ gīlâng;
　　耶 和 華 的 目 珠 看 義 人；
15b　　　I ê hīkhang thiaⁿ in ê kî tó bô làng.
　　　　祂 的 耳 孔 聽 伊 的祈 禱 無 閬。


16a　Iâhôhoa ê bīn ǹg kiâⁿpháiⁿ ê lâng,
　　耶 和 華 的 面 向 行 歹 的 人，
16b　　　Beh tùi sèkan tûbia̍t in ê miâjī kàu khangkhang.
　　　　要 從 世 間 除 滅 伊 的 名 字 到 空 空 。


17a　Gīlâng kiûkiò, Iâhôhoa thiaⁿkìⁿ in ê kanlân,
　　義 人 求 叫， 耶 和 華 聽 見 伊 的 艱 難，
17b　　　Chiū kiù in , thoatlī itchhè ê hoānlān.
　　　　就 救 伊， 脫 離 一 切 的 患 難。


18a　Iâhôhoa óakūn siongsim ê lâng,
　　耶 和 華 倚 近 傷 心 的 人，
18b　　　Chínkiù lêngsèng thònghóe ê lâng.
　　　　拯 救 靈 性 痛 悔 的 人。


19a　Gīlâng ū chōechōe khó͘lān,
　　義 人 有 多 多 苦 難，
19b　　　Chóngsī Iâhôhoa kiù i lóng thoatlī ta̍kchân.
　　　　總 是 耶 和 華 救 他 攏 脫 離 逐 層。


20a　Póchoân i lóngchóng ê kut;
　　保 全 他 攏 總 的 骨；
20b　　　Chi̍tki ia̍h bô phahchi̍h bián utchut.
　　　　一 支 亦 無 打 折 免 鬱 卒。


21a　Chōeok beh hāi sí pháiⁿlâng chōechōe,
　　罪 惡 要 害 死 歹 人 多 多，
21b　　　Oànhūn gīlângê beh siū tēngchōe.
　　　　怨 恨 義 人 者 要 受 定 罪。


22a　Iâhôhoa kā I ê lô͘po̍k ê sînhûn sio̍khôe,
　　耶 和 華 將 祂 的 奴 僕 的 神 魂 贖 回，
22b　　　Hoānnā óakhò I ê , bô chi̍tê siū tēngchōe.
　　　　凡 若 倚 靠 祂 者， 無 一 個 受 定 罪。