《押韻啟應詩篇》

 | | | 轉寄

台語押韻啟應詩篇 35

作者 Tīⁿ Jîgio̍k 2006.09.03

Tāipit ê si.

1a　Iâhôhoa ah , kap góa saⁿchiⁿê ,
　　耶 和 華　啊， 與　我　相　爭　的，
1b　　　Kiû Lí kap in saⁿchiⁿ;
　　　　求　Ｌｉ２ 與　伊　相　爭；


1c　Kap góa kauchiànê ,
　　與　我　交　戰　的，
1d　　　Kiû Lí kap in kauchiàn.
　　　　求　Ｌｉ２ 與　伊　交　戰。


2a　The̍h tōa sòe ê tînpâi,
　　拿　大　小　的 盾　牌，
2b　　　Khílâi pangchān góa bián siūhāi.
　　　　起　來　幫　助　我　免　受　害。


3a　Thiuchhut chhiuⁿ chó͘chí hiahê tuikóaⁿ góaê ;
　　抽 出 槍 阻 止 那 些 追 趕 我 的；
3b　　　Tùi góa ê sînhûn kóng ,” Góa sī chínkiù líê .”
　　　　對 我 的 神 魂 說： 「 我 是 拯 救 你 的。」


4a　Goān hiahê siàusiūⁿ góa ê sìⁿmiā ê lâng siū kiànsiàu lêngjio̍k;
　　願 那 些 肖 想 我 的 性 命 的 人 受 見 誚 凌 辱；
4b　　　Goān hiahê kèbô͘ hāi góa ê lâng
　　　　願 那 些 計 謀 害 我 的 人
　　　　oa̍ttòtńg làukhùi siū bújio̍k.
　　　　越 倒 轉 漏 氣 受 侮 辱。


5a　Goān in chhinchhiūⁿ hong chhe ê chho͘khng;
　　願 伊 親 像 風 吹 的 粗 糠；
5b　　　Ū Iâhôhoa ê sùchiá teh kóaⁿ in khì hn̄ghn̄g.
　　　　有 耶 和 華 的 使 者 在 趕 伊 去 遠 遠。


6a　Goān in só͘ kiâⁿê , àm koh ku̍t ê lō͘ bīn,
　　願 伊 所 行 的，暗 又 滑 的 路 面，
6b　　　Ū Iâhôhoa ê sùchiá teh kóaⁿ in .
　　　　有 耶 和 華 的 使 者 在 趕 伊。
7a　In ūi in bô intoaⁿ, ūi góa àmsiat lôbāng tī khiⁿlāi ,
　　因 為 伊 無 因 端， 為 我 暗 設 羅 網 在 坑 內，
7b　　　Bô intoaⁿ,ku̍t hāmkhiⁿ beh hō͘ góa ê sìⁿmiā tú tio̍h chaihāi.
　　　　無 因 端，掘 陷 坑 要 我 的 性 命 遇 到 災 害。


8a　Goān tī i bô phahsǹg ê sî , chaiē lâi kàu i ,
　　願 在 他 無 打 算 的 時，災 厄 來 到 他，
　　goān i àmsiat ê lôbāng tîⁿ tio̍h i ka kī;
　　願 他 暗 設 的 羅 網 纏 著 他 自 己；
8b　　　Goān i poa̍hlo̍h hí lāibīn, siūhāi bōe thoatlī .
　　　　願 他 跋 落 彼 內 面， 受 害 未 脫 離。


9a　Chiū góa ê sim beh tī Iâhôhoa lâi khoàilo̍k;
　　就 我 的 心 要 在 耶 和 華 來 快 樂；
9b　　　Tī I ê kiùun lâi hoaⁿhí chiokhok.
　　　　在 祂 的 救 恩 來 歡 喜 祝 福。


10a　Góa ê kutthâu lóng beh kóng khí,
　　我 的 骨 頭 攏 要 講 起：
10b　　　Iâhôhoa ah , siáⁿlâng ōe chhinchhiūⁿ Lí ?
　　　　「耶 和 華 啊，誰 人 會 親 像　Ｌｉ２？」


10c　Lí chínkiù khùnkhó͘ ê lâng,
　　Ｌｉ２拯 救 困 苦 的 人，
10d　　　Thoatlī hiahê pí i khahkiôngê ;
　　　　脫 離 那 些 比 他 較 強 的；


10e　Chínkiù khùnkhó͘ kap sònghiong ê lâng,
　　拯 救 困 苦 及 貧 窮 的 人，
10f　　　Thoatlī hiahê chhiúⁿtoa̍t i ê .
　　　　脫 離 那 些 搶 奪 他 的。


11a　Hiongok ê kanchèngê khílâi ;
　　凶 惡 的 干 證 的 起 來；
11b　　　Góa só͘ m̄ chai ê sū , in chhâmn̄g, kóng góa chai.
　　　　我 所 不 知 的 事，伊 查 問， 講 我 知。


12a　In tùi tī góa ēng pháiⁿ pò hó ;
　　伊 對 在 我 用 歹 報 好；
12b　　　Hō͘ góa ê sînhûn ko͘toaⁿ bô óa khò.
　　　　使 我 的 神 魂 孤 單 無 倚 靠。


13a　Lūnkàu góa, tng in phòapīⁿ ê sî ,
　　論 到 我， 當 伊 破 病 的 時，
13b　　　Góa chiū chhēng môasaⁿ lâi thàmpīⁿ.
　　　　我 就　 穿 麻 衫 來 探 病。


13c　Ēng kìmchia̍h khekkhó͘ góa ê simsîn lâi koanhoâi,
　　用 禁 食 刻 苦 我 的 心 神 來 關 懷，
13d　　　Góa só͘ kiûê , lóng kui tī kakī ê simhoâi.
　　　　我 所 求 的，都 歸 在 自 己 的 心 懷。


14a　Góa ánni kiâⁿ, chhinchhiūⁿ i sī góa ê ti kí , góa ê hiaⁿtī ;
　　我 按 呢 行 ，親 像 他 是 我 的 知 己，我 的 兄 弟；
14b　　　Góa khutlo̍h sengkhu, pi ai bô kú khí,
　　　　我 屈 落 身 軀， 悲 哀 無 舉 起，
　　　　chhin chhiūⁿ lâng ūi tio̍h lāubú siongpi .
　　　　親 像 人 為 著 老 母 傷 悲。


15a　Góa tú tio̍h hoānlān ê sî ,
　　我 遇 著 患 難 的 時，
15b　　　In chiū saⁿkap chūchi̍p hoaⁿhí.
　　　　伊 就 相 與 聚 集 歡 喜。


15c　Góa só͘ m̄ saⁿbat ê hāténglâng chūchi̍p kongkek góa;
　　我 所 不 相 識 的 下 等 人 聚 集 攻 擊 我；
15d　　　In khiúla̍k góa bô soah.
　　　　伊 扯 掠 我 無 息。


16a　In chhinchhiūⁿ hì hiauh, piánchia̍h ê bô hē lo̍hlâng,
　　伊 親 像 戲 囂 、 騙 食 的 無 下 落 人，
16b　　　Tùi góa kā chhùikhíkun lâi hìlāng.
　　　　對 我 咬 嘴 齒 根 來 戲 弄。


17a　Chú ah , Lí tiāⁿtiāⁿ teh khòaⁿ, beh kàu jōakú ?
　　主 啊，Ｌｉ２　定 定 在 看 ， 要 到 偌 久？
17b　　　Kiû Lí kiù góa ê sînhûn thoatlī in chânhāi ê khihū,
　　　　求　Ｌｉ２救 我 的 神 魂 脫 離 伊 殘 害 的 欺 負，
　　　　kiù góa ê sìⁿmiā thoatlī béng ê sai'áthûn hō͘ góa bôsū.
　　　　救 我 的 性 命 脫 離 猛 的 獅 子 屯 使 我 無 事。


18a　Góa tī tōa chūhōe ê tiongkan beh kámsiā Lí ;
　　我 在 大 聚 會 的 中 間 要 感 謝　Ｌｉ２；
18b　　　Tī chèng pehsìⁿ ê tiongkan beh o ló Lí .
　　　　在 眾 百 姓 的 中 間 要 讚美　Ｌｉ２。


19a　Kiû Lí bo̍htit iôngún hiahê bô líiû tùite̍k góa,
　　求　Ｌｉ２莫 得 容 允 那 些 無 理由 對 敵 我，
　　tùi góa khoakháuê teh hoah,
　　對 我 誇 口 者 在 喝，
19b　　　Bo̍htit iôngún hiahê bô intoaⁿ oànhūn góaê , gîngóa.
　　　　莫 得 容 允 那 些 無 因 端 怨 恨 我 的，ｇｉｎ５我。


20a　Inūi in bô kóng hôpêng ê ōe ;
　　因 為 伊 無 講 和 平 的 話；
20b　　　Chiūsī kèbô͘ khúikhiat ê ōe ;
　　　　就 是 計 謀 詭 訐 的 話；
　　　　Hāi tōechiūⁿ anhūn ê lâng kàu bóe.
　　　　害 地 上 安 分 的 人 到 尾。


21a　Chú ah , in tōatōa khuichhùi thíchhiò góa lah,
　　主 啊，伊 大 大 開 嘴 恥 笑 我 啦，
21b　　　Kóng , " Ho͘hchāi ! Ho͘hchāi ! Hō͘ goán khòaⁿkìⁿ lah ! "
　　　　講 ： 「 呼 哉！ 呼 哉 ！ 讓 阮 看 見 啦！」


22a　Iâhôhoa ah , Lí í keng khòaⁿkìⁿ;
　　耶 和 華 啊， (fa50) 已 經 看 見；
22b　　　Kiû Lí m̄ thang chēngchēng tìⁿ chhiⁿ,
　　　　求 (fa50) 不 通 靜 靜 假 生，


(齊聲)　CHÚ AH, M̄ THANG LĪKHUI GÓA SIÁMPIⁿ.
　　　　主 啊，不 通 離 開 我 閃 邊。


23a　Góa ê Siōngtè , góa ê Chú ah , kiû Lí chengsîn khílâi ,
　　我 的 上 帝，我 的 主 啊，求　ＬＩ２精 神 起 來，
23b　　　Phòaⁿkoat góa ê sū , pānlí góa ê àn chi̍tpái.
　　　　判 決 我 的 事， 辦 理 我 的 案 一 次。


24a　Iâhôhoa góa ê Siōngtè ah ,
　　耶 和 華 我 的 上 帝 啊，
　　kiû Lí chiàu Lí ê konggī phòaⁿtoàn góa;
　　求　Ｌｉ２照　ＬＩ２ 的 公 義 判 斷 我；
24b　　　Bo̍htit iôngún in tùi góa khoakháu bôsoah.
　　　　莫 得 容 允 伊 對 我 誇 口 無 息。


25a　Bo̍htit iôngún in , simlāi kóng,
　　莫 得 容 允 伊，心 內 講 ：
25b　　　Ho͘hchāi, chiàu goán ê simgoān lah ;
　　　　「呼 哉 ， 照 阮 的 心 願 啦；」


25c　Bo̍htit iôngún in kóng,
　　莫 得 容 允 伊 講 ：
25d　　　Goán í keng kā i thunlo̍hkhì lah .
　　　　「阮 已 經 將 他 吞 落 去 啦。」


26a　Goān hiahê hoaⁿhí góa tú tio̍h hoānlānê ,
　　願 那 些 歡 喜 我 遇 著 患 難 的，
26b　　　Lóng kiànsiàu làukhùi;
　　　　攏 見 誚 漏 氣；


26c　Goān hiahê tùi góa kakī chuntōaê ,
　　願 那 些 對 我 自 己 尊 大 的，
26d　　　Siū kiànsiàu laksūi.
　　　　受 見 誚 落 墜。


27a　Goān hiahê ài góa tit tio̍h sinoan ê lâng,
　　願 那 些 愛 我 得 著 伸 冤 的 人，
27b　　　Chhut hoaⁿhí ê siaⁿ khoàilo̍k kui tang,
　　　　出 歡 喜 的 聲 快 樂 歸 冬，


27c　Goān in siôngsiông kóng , tio̍h chun Iâhôhoa chòe tōa,
　　願 伊 常 常 講： 「當 尊 耶 和 華 做 大，
27d　　　In ūi I hoaⁿhí I ê lô͘po̍k pêngan teh tòa .
　　　　因 為 祂 歡 喜 祂 的 奴 僕 平 安 在 住。」


28a　Góa ê chi̍h beh kóngkhí Lí ê gī ,
　　我 的 舌 要 講 起　Ｌｉ２的 義，
28b　　　Thong ji̍t o ló Lí.
　　　　通 日 讚 美　Ｌｉ２。