《押韻啟應詩篇》

 | | | 轉寄

台語押韻啟應詩篇 36

作者 Tīⁿ Jîgio̍k 2006.09.10

Iâhôhoa ê lô͘po̍k Tāipi̍t ê si, kau hō͘ Ga̍kkoaⁿ.

1a　Pháiⁿlâng ê chōekòa, tī góa ê sim ū ōe kóngê ,
　　歹　人　的 罪　過 ，在　我　的 心　有 話　講　的，
1b　　　I ê ba̍kchiutiong bô kiaⁿ Siōngtè .
　　　　他的　目　珠　中　無 驚　上　帝。


2a　In ūi tī i ê ba̍kchiulāi, i kakī thiámmī chūchun.
　　因 為　在　他 的 目　珠　內，他自 己　諂　媚　自　尊。
2b　　　Phahsǹg i ê chōeok éng bōe lō͘hiān, bōe siū oànhūn.
　　　　打　算　他 的 罪　惡　永　未　露 現 ，未　受　怨　恨。


3a　I chhùilāi ê ōe , lóng sī chōeok kap kanchà ê honghoat.
　　他 嘴 內 的話，攏 是 罪 惡 及 奸 詐 的 方 法。
3b　　　I kap tì hūi ê hó só͘kiâⁿ í keng toānchoa̍t.
　　　　他 與 智 慧 的 好 所 行 已 經 斷 絕。


4a　I tī bînchhn̂g tô͘bô͘ chōeok oàntò͘ ;
　　他在 眠 床 圖 謀 罪 惡 怨 妒；
　　I tiāⁿ tio̍h ì sù khiā tī m̄ hó ê lō͘ .
　　他 定 著 意 思 站 在 不 好 的 路。
4b　　　I bô oànhūn pháiⁿtāi chòe iàmò͘ⁿ.
　　　　他 無 怨 恨 歹 事 做 厭 惡。


5a　Iâhôhoa ah, Lí ê chûài chhiongmóa tī thàikhong,
　　耶 和 華 啊，Ｌｉ２的 慈 愛 充 滿 在 太 空，
5b　　　Lí ê sìnsi̍t kàu tī kiongchhong.
　　　　Ｌｉ２的 信 實 到 在 穹 蒼 。


6a　Lí ê gī , koân chhinchhiūⁿ koânsoaⁿ ê pianiân,
　　Ｌｉ２　的 義，高 親 像 高 山 的 邊 緣，
6b　　　Lí ê phòaⁿtoàn, chhim chhinchhiūⁿ chhimian.
　　　　Ｌｉ２　的 判 斷 ， 深 親 像 深 淵。

(齊聲)　SIŌNGTÈ AH, LÂNG KAP CHENGSIⁿ, LÍ LÓNG PÓHŌ͘ Iⁿ.
　　　　上 帝 啊，人 與 畜 牲，Ｌｉ２　攏 保 護 伊。


7a　Siōngtè ah , Lí ê chûài cháiⁿiūⁿ hiah pópòe ah !
　　上 帝 啊，Ｌｉ２　的 慈 愛 怎 樣 許 寶 貝 啊！
7b　　　Sèkanlâng bih tī Lí si̍tkó͘ ê tì ìm ē lah.
　　　　世 間 人 匿 在　Ｌｉ２翼 股 的 庇 蔭 下 啦。


8a　In beh inūi Lí ê chhù ê hómi̍h, lâi chia̍h kàu pá ,
　　伊 要 因 為Ｌｉ２的 厝 的 好 物， 來 食 到 飽，
8b　　　Lí ia̍h beh hō͘ in lim Lí khoàilo̍k ê hôchúi bián chhùita .
　　　　Ｌｉ２　 亦 要 使 伊 飲　Ｌｉ２快 樂 的 河 水 免 嘴 乾。


9a　In ūi oa̍hmiā ê goânthâu, chāi tī Lí hia;
　　因 為 活 命 的 源 頭， 在 於　Ｌｉ２彼；
9b　　　Tī Lí ê kng, goán beh khòaⁿkìⁿ kng sì siā .
　　　　在　Ｌｉ２的 光，阮 要 看 見 光 四 射。


10a　Goān Lí siôngsiông si chûài hō͘ bat Lí ê lâng;
　　願　Ｌｉ２常 常 施 慈 愛 給 識　Ｌｉ２的 人；
10b　　　Siôngsiông ēng Lí ê konggī si hō͘ simlāi chèngti̍t ê lâng.
　　　　常 常 用　Ｌｉ２ 的 公 義 施 給 心 內 正 直 的 人。


11a　M̄ thang iôngún kiaungō͘ ê lâng ê kha thúnta̍h góa,
　　不 通 容 允 驕 傲 的 人 的 腳 踐 踏 我，
11b　　　M̄ thang iôngún hiongok ê lâng ê chhiú kóaⁿ tio̍h góa.
　　　　不 通 容 允 兇 惡 的 人 的 手 趕 著 我。


12a　Tī hia chòe pháiⁿ ê lâng í keng tólo̍hkhì;
　　在 彼 作 歹 的 人 已 經 倒 落 去；
12b　　　I siū chhiató , bōeōe koh khí.
　　　　他 受 推 倒， 未 會 復 起。