《押韻啟應詩篇》

 | | | 轉寄

台語押韻啟應詩篇 37a

作者 Tīⁿ Jîgio̍k 2006.09.17

Tāipi̍t ê si.

1a　M̄ thang inūi chòe pháiⁿ ê lâng, simlāi putpêng;
　　不 通　因 為　作　歹　的 人，　心　內　不　平；
1b　　　Ia̍h m̄ thang oàntò͘ kiâⁿ putgī ê lâng ū hókéng.
　　　　亦　不 通　怨　妒　行　不　義 的 人　有 好 景。


2a　Inūi in chhinchhiūⁿ chháu khoàikhoài siū koahkhì.
　　因 為 伊　親　像　草　快　快　受　割　去。
2b　　　Koh chhinchhiūⁿ chhiⁿchhùi ê chhài láukhì.
　　　　又　親　像　青　翠　的　菜　老　去。


3a　Tio̍h óakhò Iâhôhoa lâi kiâⁿ hó , chòe kî kiû,
　　著 倚 靠 耶 和 華 來 行 好，做 祈 求，
3b　　　Tiàmtī chit ê thó͘tōe, ēng sêngsi̍t chòe bí niû.
　　　　站 在 這 個 土 地，用 誠 實 做 米 糧。


4a　Tio̍h lia̍h Iâhôhoa chòe hoaⁿhí ,
　　著 掠 耶 和 華 做 歡 喜，
4b　　　I beh chiong lí ê sim só͘ kiûê hō͘ lí .
　　　　祂要 將 你 的 心 所 求 的 給 你。


5a　Tio̍h chiong lí ê tāichì kautài Iâhôhoa;
　　著 將 你 的 代 誌 交 代 耶 和 華；
5b　　　Tio̍h sìnnāi Chú teh koankhòaⁿ,
　　　　著 信 賴 主 在 觀 看，

(齊聲)　I BEH KĀ LÍ ÍⁿCHHŌA
　　　　祂要 給 你 引 導 。


6a　I beh hō͘ lí ê gī hoatchhut, chhinchhiūⁿ kng;
　　祂 要 使 你 的 義 發 出， 親 像 光；
6b　　　Lí ê phòaⁿtoàn chhinchhiūⁿ tiongtàu ê kng.
　　　　你 的 判 斷 親 像 中 午 的 光 。


7a　Tio̍h chēngchēng tī Iâhôhoa ê bīnchêng,
　　著 靜 靜 在 耶 和 華 的 面 前，
7b　　　Khoansim thènghāu Siōngtè ;
　　　　寬 心 等 候 上 帝；


7c　M̄ thang in ūi hithō sūsū hengthongê lâi put pêng,
　　不 通 因 為 彼 號 事 事 亨 通 的 來 不 平。
7d　　　Kap hithō pháiⁿ kèbô͘ tit tio̍h chiâⁿê .
　　　　及 彼 號 歹 計 謀 得 著 成 的。


8a　Tio̍h soah siūkhì,
　　著 息 怒 氣，
8b　　　Līkhui tōa siūkhì;
　　　　離 開 大 怒 氣；


8c　M̄ thang putpêng lâi khònggī ,
　　不 通 不 平 來 抗 議，
8d　　　Kiaⁿliáu ōe chòe pháiⁿ tāichì.
　　　　驚 了 會 做 歹 代 誌。


9a　Inūi kiâⁿpháiⁿ ê lâng beh siū châubia̍t chokhòe.
　　因 為 行 歹 的 人 要 受 剿 滅 作 廢。
9b　To̍kto̍k thènghāu Iâhôhoa ê lâng sêngchiap thó͘tōe.
　　獨 獨 等 候 耶 和 華 的 人 承 接 土 地。


10a　Inūi koh tiap'á kú,
　　因 為 又 霎 仔 久，
10b　　　Pháiⁿlâng beh bôkhì, beh ji̍p imhú .
　　　　歹 人 要 無 去， 要 入 陰 府。


10c　Lí nā siôngsè chhâ i ê só͘chāi,
　　你 若 詳 細 查 他 的 所 在，
10d　　　I ia̍h bôkhì, bô lâng chai.
　　　　他 亦 無 去， 無 人 知。


11a　To̍kto̍k khiampi ê lâng beh sêngchiap thó͘tōe;
　　獨 獨 謙 卑 的 人 要 承 接 土 地；
11b　　　Inūi pêngan hongsēng jia̍tsêng hoaⁿhí choântōe.
　　　　因 為 平 安 豐 盛 熱 誠 歡 喜 全 地。


12a　Pháiⁿlâng siat kè bô͘ beh hāi gī lâng,
　　歹 人 設 計 謀 要 害 義 人，
12b　　　Koh ǹg i kā chhùikhíkun teh gînlâng.
　　　　又 向 他 咬 牙 齒 根 在ｇｉｎ５ 人。


13a　Chú beh chhiò i gōngtauhtauh,
　　主 要 笑 他 憨 篤 篤，
13b　　　In ūi khòaⁿkìⁿ i ê ji̍t chí beh kàu.
　　　　因 為 看 見 他 的 日 子 要 到 。


14a　Pháiⁿlâng pu̍ihto khuikeng siòngphāng,
　　歹 人 拔 刀 開 弓 相 縫 ，
　　beh táⁿtó khùnkhó͘ sònghiong ê lâng;
　　要 打 倒 困 苦 貧 窮 的 人；
14b　　　Beh thâisí kiâⁿchòe chèngti̍t ê lâng.
　　　　要 殺 死 行 做 正 直 的 人。


15a　In ê to beh chhìji̍p kakī ê sim tì kàu sí ,
　　伊 的 刀 要 刺 入 自 己 的 心 致 到 死，
15b　　　In ê keng beh siū at chi̍h.
　　　　伊 的 弓 要 受 扼 折。


16a　Gīlâng só͘ ū ê chióchió, m̄ kú,
　　義 人 所 有 的 少 少， 不 過，
16b　　　Iâⁿ kè chōechōe pháiⁿlâng ê pù ū .
　　　　贏 過 多 多 歹 人 的 富 有。


17a　In ūi pháiⁿlâng ê chhiú beh siū at chi̍h;
　　因 為 歹 人 的 手 要 受 扼 折；
17b　　　To̍kto̍k Iâhôhoa hûchhî gī lâng bô lī .
　　　　獨 獨 耶 和 華 扶 持 義 人 無 離。


18a　Iâhôhoa chai bô liám ù òe ê lâng ê jînseng,
　　耶 和 華 知 無 染 污 穢 的 人 的 人 生，
18b　　　In ê sángia̍p beh éngoán hoânêng.
　　　　伊 的 產 業 要 永 遠 繁 榮。


19a　In tī hoānlān ê sî puttì kiànsiàu,
　　伊 在 患 難 的 時 不 至 見 誚，
19b　　　Tī kihng ê ji̍t beh tit tio̍h páchiok, m̄ bián iau.
　　　　在 饑 荒 的 日 要 得 著 飽 足 ， 不 免 餓。


20a　Chóngsī pháiⁿlâng beh bia̍tbô ,
　　總 是 歹 人 要 滅 亡，
20b　　　Iâhôhoa ê tùite̍k suijiân bô chèngchoh;
　　　　耶 和 華 的 對 敵 雖 然 無 種 作；
　　　　Chhinchhiūⁿ bō͘sēng chháupo͘,
　　　　親 像 茂 盛 草 埔，

(齊聲)　Iⁿ BEH SIAUBÔ CHHIⁿCHHIŪⁿ HÉHUⁿ Ê SIAUBÔ.
　　　　伊　要　消　無　親　像　火　煙　的　消　無。