《押韻啟應詩篇》

 | | | 轉寄

台語押韻啟應詩篇 37b

作者 Tīⁿ Jîgio̍k 2006.09.24

37　Tāipi̍t ê si.

21a　Pháiⁿlâng kā lâng chioh, iā bô hênglâng;
　　　歹　人　給　人　借， 也　無　還　人；
21b　　　Nāsī gīlâng kiâⁿ lînbín, siásìlâng.
　　　　若 是　義 人　行　憐　憫，捨　施　人。


22a　Iâhôhoa sùhok ê lâng, in beh sêngchiap thó͘tōe;
　　耶 和 華　賜 福　的 人 ， 伊 要　承　接　土　地；
22b　　　Hō͘ I chiùchó͘ ê lâng, beh siū bia̍tbô tī in ê chōe.
　　　　讓　祂　咒　詛　的 人， 要　受　滅　亡 在 伊 的 罪。


23a　Gīlâng ê khapō͘ sī Iâhôhoa só͘ an tì ;
　　義 人 的 腳 步 是 耶 和 華 所 安 置；
23b　　　Koh I hoaⁿhí i ê lō͘ teh chísī .
　　　　又 祂 歡 喜 他 的路 在 指 示。


24a　I suibóng poa̍htó , ia̍h bô kàu kuisin siaklo̍hkhì;
　　他雖 罔 跌 倒， 亦 無 到 歸 身 摔 落 去；
24b　　　Inūi Iâhôhoa ēng I ê chhiú hû i .
　　　　因 為 耶 和 華 用 祂 的 手 扶 他。


25a　Góa chêng siàuliân, taⁿ nîlāu thâumn̂g la̍k;
　　我 前 少 年， 今 年 老 頭 髮 落；
25b　　　Chóngsī bē bat khòaⁿkìⁿ gī lâng siū pàngsak,
　　　　總 是 未 曾 看 見 義 人 受 放 捨，
　　　　ia̍h i ê hō͘ è chòe khitchia̍h in ūi iau pak.
　　　　亦 他 的 後 裔 做 乞 食 因 為 飢 腹。


26a　I thongji̍t lînbín lâng, chiohlâng,
　　他 通 日 憐 憫 人， 借 人，
26b　　　I ê hō͘ è tit tio̍h hokkhì, chhēng chuâng.
　　　　他的 後 裔 得 著 福 氣， 穿 朱 紅。


27a　Lí tio̍h līkhui pháiⁿ, kiâⁿ hó ,
　　恁 著 離 開 歹 ， 行 好，
27b　　　Chiah thang éngoán khiākhí pênghô .
　　　　才 通 永 遠 站 起 平 和。


28a　Inūi Iâhôhoa hoaⁿhí kongpêng,
　　因 為 耶 和 華 歡 喜 公 平，
28b　　　Bô pàngsak I sèng ê pehsìⁿ siū khùnkéng;
　　　　無 放 捨 祂 聖 的 百 姓 受 困 境；


28c　In éngoán siū pó hō͘ tit sèngpia̍t,
　　伊 永 遠 受 保 護 得 聖 別，
28d　　　To̍kto̍k pháiⁿlâng ê hō͘ è beh siū châubia̍t.
　　　　獨 獨 歹 人 的 後 裔 要 受 剿 滅。


29a　Gīlâng beh sêngchiap thó͘tōe,
　　義 人 要 承 接 土 地，
29b　　　Éngoán tiàm tīhia bē soe.
　　　　永 遠 住 在 彼 未 衰。


30a　Gīlâng ê chhùi kóng tìhūi,
　　義 人 的 嘴 講 智 慧，
30b　　　I ê chi̍h tâmlūn kongpêng sī hui .
　　　　他的 舌 談 論 公 平 是 非。


31a　I ê Siōngtè ê lu̍thoat tī i ê simlāi;
　　他的 上 帝 的 律 法 在 他 的 心 內；
31b　　　I ê kha lóng bōe ta̍hthu̍t chūchāi.
　　　　他的 腳 都 未 踏 脫 自 在 。


32a　Pháiⁿlâng bâiho̍k thènghāu gīlâng,
　　歹 人 埋 伏 等 候 義 人，
32b　　　Siàusiūⁿ thâi i siat lô bāng.
　　　　思 想 殺 他 設 羅 網 。


33a　Iâhôhoa bô pàngsak i tī pháiⁿlâng ê chhiú;
　　耶 和 華 無 放 捨 他 在 歹 人 的 手 ；
33b　　　Tng símphòaⁿ ê sî , ia̍h bô tēng i ê chōe, kā i chínkiù.
　　　　當 審 判 的 時，亦 無 定 他 的 罪， 給 他 拯 救。


34a　Lí tio̍h thènghāu Iâhôhoa,
　　恁 當 等 候 耶 和 華，
34b　　　Chunsiú I ê tō lō͘ lâi oa̍h.
　　　　遵 守 祂 的 道 路 來 活。


34c　I chiū koseng lí ,
　　祂 就 高 升 你，
34d　　　Hō͘ lí sêngchiap thó͘tōe chòe hoaⁿhí .
　　　　使 你 承 接 土 地 做 歡 喜。


34e　Pháiⁿlâng siū châubia̍t ê sî ,
　　歹 人 受 剿 滅 的 時，
34f　　　Lí beh khòaⁿkìⁿ.
　　　　你 要 看 見。


35a　Góa bat khòaⁿkìⁿ pháiⁿlâng ū tōa sèle̍k hókòe,
　　我 曾 看 見 歹 人 有 大 勢 力 好 過，
35b　　　Koh hoatta̍t chhinchhiūⁿ āmê chhiū tī i ê pún thó͘tōe.
　　　　又 發 達 親 像 艷 的 樹 在 他的 本 土 地。


36a　Ū lâng tùi hia kengkè , khòaⁿ ah , i bôkhìlah;
　　有 人 從 彼 經 過， 看 啊，他 無 去 啦；
36b　　　Góa ia̍h chhē i , chhē bōe tio̍h lah.
　　　　我 亦 找 他，找 不 著 啦。


37a　Lí tio̍h siôngsè khòaⁿ hit ê oânchiàⁿ ê lâng,
　　你 當 詳 細 看 那 個 完 正 的 人，
　　khòaⁿ hit ê chèngti̍t ê lâng,
　　看 那 個 正 直 的 人，
37b　　　In ūi hôpêng ê lâng ū hó ê kiatkio̍k chiàu ǹgbāng.
　　　　因 為 和 平 的 人 有 好 的 結 局 照 盼 望 。


38a　Lūnkàu hoānhoat ê lâng, beh chòechi̍t ē bia̍tbô ;
　　論 到 犯 法 的 人， 要 做 一 下 滅 無；
38b　　　Pháiⁿlâng ê kiatkio̍k beh siū châubia̍t lâi siaubô.
　　　　歹 人 的 結 局 要 受 剿 滅 來 消 無。


39a　Chóngsī gīlâng tit tio̍h kiù, sī tùi Iâhôhoa;
　　總 是 義 人 得 著 救，是 從 耶 和 華；
39b　　　Tng hoānlān ê sî , I chòe in ê iâⁿchē, lâi kiù in oa̍h.
　　　　當 患 難 的時，祂 做 伊 的營 寨， 來 救 伊 活。


40a　Iâhôhoa pangchān in , chínkiù in ;
　　耶 和 華 幫 助 伊，拯 救 伊；
　　I chínkiù in thoatlī pháiⁿlâng ê bêtīn, lâi khankiù in ;
　　祂 拯 救 伊 脫 離 歹 人 的 迷 陣，來 牽 救 伊；
40b　　　In ūi in óa khò I ê kiùin .
　　　　因　為　伊 倚　靠　祂 的 救　恩。