《押韻啟應詩篇》

 | | | 轉寄

台語押韻啟應詩篇41

作者 Tīⁿ Jîgio̍k 2006.10.22

41　　Tāipi̍t ê si, kau hō͘ Ga̍kkoaⁿ.

1a　Koànkò͘ sònghiong lângê , ū hokkhì;
　　眷 顧 貧 窮 人 的，有 福 氣；

1b　　　Tng hoānlān ê ji̍t , Iâhôhoa beh kiù i .
　　　　當 患 難 的 日，耶 和 華 要 救 他。

2a　Iâhôhoa beh póchoân i , hō͘ i oa̍hlo̍hkhì,
　　耶 和 華 要 保 全 他，使 他 活 下 去，

2b　　　I beh tī tōechiūⁿ hióngsiū hokkhì.
　　　　他 要 在 地 上 享 受 福 氣。

2c　Kiû Lí m̄ thang chiong i kau hō͘ tùite̍k,
　　求 你 不 通 將 他 交 給 對 敵，

2d　　　Lâi chiàu in só͘ ài lâi khùnpek.
　　　　來 照 伊 所 愛 來 困 迫。

3a　I tó tī chhn̂g, Iâhôhoa beh hûchhî;
　　他 倒 在 床 ， 耶 和 華 要 扶 持；

3b　　　I phòapīⁿ ê sî , Lí beh liāulí i ê phē pho͘ lâi i tī .
　　　　他 破 病 的 時，你 要 料 理 他的 被 舖 來 醫治。

4a　Góa bat kóng, Iâhôhoa ah, kiû Lí lînbín góa;
　　我 曾 講： 耶 和 華 啊，求 你 憐 憫 我；

4b　　　I hó góa ê simsîn, inūi góa ū tekchōe Lí ê chōekòa.
　　　　醫好 我 的 心 神，因 為 我 有 得 罪 你 的 罪 過。

5a　Góa ê tùite̍k gīlūn góa, kóng ōe bô hó,
　　我 的 對 敵 議 論 我， 講 話 無 好，

5b　　　I tī sî ōe sí , i ê miâ tī sî ōe siaubô ?
　　　　他底 時 會 死，他 的 名 底 時 會 消 無？


6a　I nā lâi khòaⁿ góa, chiū kóng bô iáⁿ ōe;
　　他 若 來 看 我， 就 講 無 影 話；

6b　　　I ê sim chekchū kanok ê chōe.
　　　　他的 心 積 聚 奸 惡 的 罪。

7a　It chhè oànhūn góa ê lâng chibú chīchū gīlūn góa;
　　一 切 怨 恨 我 的 人 吱 武 舐 咀 議 論 我；

7b　　　In siat kèbô͘ beh hāi góa.
　　　　伊 設 計 謀 要 害 我。


8a　In kóng, Ū koàipiⁿ tiâu tī i ê sengkhu;
　　伊 講： 有 怪 病 稠 在 他 的 身 軀；

8b　　　I í keng tóchhn̂g, éng bōe koh khílâi, oa̍h bô kú .
　　　　他已 經 倒 床 ， 永 不 再 起 來，活 無 久。

9a　Liân góa tikí ê pêngiú , góa só͘ óakhò, chia̍h góa ê piáⁿê ,
　　連 我 知己 的 朋 友，我 所 倚 靠， 食 我 的 餅 的，

9b　　　Kia̍hkhí khaāutiⁿ that góa ê hia̍pē .
　　　　舉 起 腳 後 跟 踢 我 的 脅 下。

10a　Iâhôhoa ah, kiû Lí lînbín góa,
　　　耶 和 華 啊，求 你 憐 憫 我，

10b　　　Hō͘ góa khílâi thang pòèng in beh hāi góa.
　　　　　讓 我 起 來 通 報 應 伊 要 害 我。

11a　In ūi góa ê tùite̍k, bōe tit tio̍h tùi góa khoakháu lâi sènglī ,
　　　因 為 我 的 對 敵，未 得 著 對 我 誇 口 來 勝 利，

11b　　　Góa tùi ánni chiū chai Lí hoaⁿhí góa pi bî .
　　　　　我 從 按 呢 就 知 你 歡 喜 我 卑 微。

12a　Lūnkàu góa, Lí inūi góa ê sûnchoân chiū hûchhî góa,
　　　論 到 我， 你 因 為 我 的 純 全 就 扶 持 我，

12b　　　Hō͘ góa éngoán khiā tī Lí ê bīnchêng siū koankhòaⁿ.
　　　　　使 我 永 遠 站 在 你 的 面 前 受 觀 看。

13a　Tio̍h o ló Iâhôhoa Í seklia̍t ê Siōngtè ,
　　　當 讚 美 耶 和 華 以 色 列 的 上 帝，

13b　　　Tùi éngoán kàu éngoán bôthè, Abēng, koh Abēng.
　　　　　從 永 遠 到 永 遠 無 替， 阿 們， 又 阿 們。