《押韻啟應詩篇》

 | | | 轉寄

台語押韻啟應詩篇 43

作者 Tīⁿ Jîgio̍k 2006.11.05

43

1a　Siōngtè ah , kiû Lí kā góa phòaⁿtoàn,
　　上 帝 啊， 求 你 予 我 判 斷，

1b　　　Tùi bô khiânsêng ê kokkoân,
　　　　對 無 虔 誠 的 國 權，

1c　Piānbêng góa thang sinoan.
　　辨 明 我 通 申 冤。

1d　　　Kiû Lí kiù góa thoatlī kanchà putgī ê lâng ê simgoān.
　　　　求 你 救 我 脫 離 奸 詐 不 義 的 人 的 心 願。

2a　In ūi Lí sī hō͘ góa ū khùila̍t ê Siōngtè ,
　　因 為 你 是 使 我 有 氣 力 的 上 帝，

2b　　　Siáⁿsū pàngsak góa?
　　　　甚 事 放 拺 我？

2c　Góa siáⁿsū inūi tùite̍k ê apchè,
　　我 甚 事 因 為 對 敵 的 壓 制，

2d　　　Siôngsiông iubūn lâi kiâⁿ teh tō͘oa̍h ?
　　　　常 常 憂 悶 來 行 在 度 活？

3a　Kiû Lí hoatchhut Lí ê kng kap Lí ê chinsi̍t ,
　　求 你 發 出 你 的 光 和 你 的 真 實，

3b　　　Hō͘ i chhōa góa ti̍t ti̍t ,
　　　　使 它 導 我 直 直，

3c　Tòa góa kàu Lí ê sèngsoaⁿ,
　　帶 我 到 你 的 聖 山，

3d　　　Kàu Lí ê hōebō͘ ê chètôaⁿ.
　　　　到 你 的 會 幕 的 祭 壇。

4a　Góa chiū beh kàu Siōngtè ê chètôaⁿpiⁿ,
　　我 就 要 到 上 帝 的 祭 壇 邊，

4b　　　Kàu góa ke̍k hoaⁿhí ê Siōngtè hia khiākhí,
　　　　到 我 極 歡 喜 的 上 帝 彼 居 起，

4c　Siōngtè ah , góa ê Siōngtè ah ,
　　上 帝 啊， 我 的 上 帝 啊，

4d　　　Góa beh tôaⁿ khîm lâi o ló Lí lah.
　　　　我 要 彈 琴 來 讚美 你 啦。

5a　Góa ê sim ah , lí siáⁿsū ut chut kò͘chip ?
　　我 的 心 啊，你 甚 事 鬱 卒 固 執？

5b　　　Siáⁿsū tī góa ê lāibīn tio̍hkip ?
　　　　甚 事 在 我 的 內 面 著 急？

5c　Lí tio̍h ǹgbāng Siōngtè ,
　　你 當 盼 望 上 帝，

5d　　　Inūi góa iáukú beh o ló Lí bô thè .
　　　　因 為 我 尚 且 要 讚 美 你 無 退。

5e　I sī góa ê bīn ê êngkngê ,
　　祂 是 我 的 面 的 榮 光 的，

5f　　　Ia̍h sī góa ê Siōngtè .
　　　　亦 是 我 的 上 帝。