《押韻啟應詩篇》

 | | | 轉寄

台語押韻啟應詩篇 4

作者 Tīⁿ Jîgio̍k 2006.01.22

Tāipi̍t ê si, kau hō͘ Ga̍kkoaⁿ; ēng sihiân ê ga̍kkhì.


1a　Hiánbêng góa ê gī ê Siōngtè ah,
　　顯　　明　我　的義　的　上　帝　啊，
1b　　　Góa kiûkiò ê sî , kiû Lí ìn góa.
　　　　我　求　叫　的時，　求　您　應　我。

1c　Góa tī khùnkhó͘ ê tiongkan lah,
　　我　在　困　苦　的中　間　啦，
1d　　　Kiû Lí hō͘ góa khoankhoah.
　　　　求　您　使　我　寬　　闊 。

1f　Taⁿ kiû Lí lînbín góa,
　　今　求　您　憐　憫　我，
1g　　　Lâi thiaⁿ góa ê kî tó hō͘ góa oa̍h.
　　　　來　聽　我　的祈　禱　使　我　活。

2a　Lín chiahê siōngténglâng ah,
　　恁　這　些上　等　人　　啊，
2b　　　Chiong góa ê êngkng piànchòe lêngjio̍k, beh kàu tī sî ?
　　　　將　　我　的榮　光　變　做　凌　辱， 要　到　何　時？

2c　Lín ì ài khanghuê ah ,
　　恁　意　愛　空　　虛　的　啊，
2d　　　Chhiauchhē phiànkio̍k, beh kàu tī sî ?
　　　　搜　　尋　　騙　局， 要　到　何　時？

3a　Lín tio̍h chai chit ê ,
　　恁　當　知　此　個：
3b　　　Iâhôhoa í keng hunpia̍t kèngkhiân ê lâng chòe I kakīê .
　　　　耶和華　已經　　分　別　敬　虔　的 人　　做　祂　自　己　的。

3c　Góa kiûkiò Iâhôhoa,
　　我　求　叫　耶　和 華，
3d　　　I beh thiaⁿ góa.
　　　　祂　要　聽　我。

4a　Lín tio̍h kiaⁿhiâⁿ m̄ thang hoānchōe;
　　恁　當　驚　惶　不　通　　犯　罪；
4b　　　Tī bînchhn̂gni̍h, sim tio̍h siokchēng sàmsu chōechōe.
　　　　在　眠　床　　裡，心　著　肅　靜　三　思　多　多。

5a　Tio̍h hiàn gī ê chè koh chhiùⁿkoa,
　　著　獻　義 的　祭　又　唱　　歌，
5b　　　Ia̍h tio̍h óakhò Iâhôhoa.
　　　　亦　著　倚　靠　　耶　和 華。

6a　Chōechōe lâng kóng, siáⁿlâng ōe chísī goán símmi̍h hóchhù?
　　多　多　人　　講：　誰　人　會　指　示 阮　甚　麼　好　處？
6b　　　Iâhôhoa ah, kiû Lí ēng Lí ê bīn ê kng lâi chiò goán ê simsu .
　　　　耶 和 華　　啊, 求　您　用　您　的 面　的 光　來　照　阮　的　心　思。　

7a　Lí hō͘ góa simlāi ū hoaⁿhí .
　　您　使　我　心　內　有　歡　喜。
7b　　　Iâⁿkè lâng tit tio̍h chōechōe gō͘kak kap sinchiú ê sî .
　　　　贏　過　人　得　到　多　多　五　穀　與　新　酒　的　時。

8a　Góa beh anjiân tó tehkhùn,
　　我　要　安　然　倒　在　睡，
8b　　　Inūi chíū Iâhôhia Lí hō͘ góa khiākhí anún.
　　　　因為　只　有　耶 和 華　　您　使　我　居　起　安　 穩。