《押韻啟應詩篇》

 | | | 轉寄

台語押韻啟應詩篇 47

作者 Tīⁿ Jîgio̍k 2006.12.03

47　　Khóla̍h hō͘è ê si; kau hō͘ Ga̍kkoaⁿ.

1a　Lín chèng pehsìⁿ ah , lín lóng tio̍h tahchhiú chòe sè ,
　　恁 眾 百 姓 啊， 恁 攏 著 搭 手 作 勢，

1b　　　Tio̍h ēng teksèng ê siaⁿ tōasiaⁿ oló Siōngtè .
　　　　著 用 得 勝 的 聲 大 聲 讚美 上 帝。

2a　In ūi Iâhôhoa chìkoânê , thang kiaⁿê ,
　　因 為 耶 和 華 至 高 者，通 驚 的，

2b　　　I sī tōa kunông koánlí choântōeê .
　　　　祂是 大 君 王 管 理 全 地 的。

3a　I beh hō͘ bān pehsìⁿ hângho̍k tī goán ê ē bīn;
　　祂要 使 萬 百 姓 降 服 在 阮 的 下 面；

3b　　　Ia̍h beh hō͘ lia̍tpang tī goán ê khaē lâi chiūkīn.
　　　　亦 要 使 列 邦 在 阮 的 腳 下 來 就 近。

4a　I kā goán kéng goán ê sángia̍p iâⁿ sì hng,
　　祂給 阮 揀 阮 的 產 業 贏 四 方，

4b　　　Chiūsī I só͘ thiàⁿ ê Ngákok ê êngkng.
　　　　就 是 祂 所 疼 的 雅 各 的 榮 光。

5a　Siōngtè chiūⁿkhì, ū hoah ê siaⁿ tè I ,
　　上 帝 上 去， 有 喊 的 聲 跟 祂，

5b　　　Iâhôhoa chiūⁿkhì, ū hōthâu ê siaⁿ tè I .
　　　　耶 和 華 上 去，有 號 頭 的 聲 跟 祂。

6a　Lín tio̍h chhiùⁿkoa, o ló Siōngtè , tio̍h chhiùⁿkoa o ló;
　　恁 著 唱 歌， 讚美 上 帝，著 唱 歌 讚 美；

6b　　　Chhiùⁿkoa oló lán ê Siōngtè , tio̍h chhiùⁿkoa o ló;
　　　　唱 歌 讚美 咱 的 上 帝， 著 唱 歌 讚 美；

7a　In ūi Siōngtè sī choântōe ê Ông,
　　因 為 上 帝 是 全 地 的 王，

7b　　　Tio̍h ēng tìhūi chhiùⁿkoa o ló I chunchông.
　　　　著 用 智 慧 唱 歌 讚 美 祂 尊 崇。

8a　Siōngtè chòe Ông tī lí bānkok;
　　上 帝 做 王 治 理 萬 國；

8b　　　Siōngtè chē tī I sèng ê póchō teh kàmtok.
　　　　上 帝 坐 在 祂 聖 的 寶 座 在 監 督。

9a　Lia̍tpang ê kùicho̍k chūchi̍p saⁿkìⁿ,
　　列 邦 的 貴 族 聚 集 相 見，

9b　　　Beh chòe Apekla̍hhán ê Siōngtè ê pehsìⁿ;
　　　　要 做 亞 伯 拉 罕 的 上 帝 的 百 姓；

9c　In ūi sèkài ê tînpâi sī sio̍k tī Siōngtè ;
　　因 為 世 界 的 盾 牌 是 屬 於 上 帝；

9d　　　I sī ke̍kkoân ê iâⁿchē.
　　　　祂 是 極 高 的 營 寨。