《押韻啟應詩篇》

 | | | 轉寄

台語押韻啟應詩篇 48

作者 Tīⁿ Jîgio̍k 2006.12.10

48　　Khóla̍h hō͘è ê sikoa.

1a　Iâhôhoa chìtōa, engkai tōa tōa tit tio̍h oló ê siaⁿ,
　　耶 和 華 至 大，應 該 大 大 得 到 讚美 的 聲，

1b　　　Chiūsī tī lán Siōngtè ê siâⁿ, tī I sèng ê soaⁿniá.
　　　　就 是 在 咱 上 帝 的 城， 在 祂 聖 的 山 嶺。

2a　Sekansoaⁿ, tōa kunông ê siâⁿpôaⁿ,
　　錫 安 山， 大 君 王 的 城 磐，

　　tī pakbīn, koântōa koh hókhòaⁿ,
　　在 北 面，高 大 又 好 看，

2b　　　Hō͘ choântōe só͘ hoaⁿhí ê soaⁿ.
　　　　使 全 地 所 歡 喜 的 山。

3a　Siōngtè tī I ê kengtiānlāi ,
　　上 帝 在 祂 的 宮 殿 內，

3b　　　Kakī hiánbêng chòe koântâi.
　　　　自 己 顯 明 作 高 台。

4a　Khòaⁿah , lia̍tông chi̍pchê,
　　看 啊，列 王 集 齊，

4b　　　In saⁿkap tùi chia kengkè .
　　　　伊 相 與 從 此 經 過。

5a　In khòaⁿkìⁿ chiū gôngngia̍h;
　　伊 看 見 就 驚 愕；

5b　　　Kiaⁿhiâⁿ kínkín siámphiah.
　　　　驚 惶 緊 緊 閃 避。

6a　In tī hia ngia̍uhngia̍uhchhoah,
　　伊 在 彼 愕 愕 擦，

6b　　　Thàngthiàⁿ chhinchhiūⁿ siⁿkiáⁿ ê hūjînlâng aihoah.
　　　　疼 痛 親 像 生 子 的 婦 仁 人 哀 喊。

7a　Lí ēng tanghong kap o͘hûn,
　　你 用 東 風 及 黑 雲，

7b　　　Phahphòa Thasi ê chûn.
　　　　打 破 他 施 的 船。

8a　Goán tī bānkun ê Iâhôhoa ê siâⁿtiong,
　　阮 在 萬 軍 的 耶 和 華 的 城 中，

8b　　　Chiūsī goán ê Siōngtè ê siâⁿtiong,
　　　　就 是 阮 的 上 帝 的 城 中，

8c　Só͘ khòaⁿkìⁿê , tú tú chiàu goán só͘ thiaⁿkìⁿ;
　　所 看 見 的，抵 抵 照 阮 所 聽 見；

8d　　　Siōngtè beh hō͘ chitê siâⁿ kiankò͘ kàu éngoán ê thiⁿ.
　　　　上 帝 要 使 這 個 城 堅 固 到 永 遠 的 天。

9a　Siōngtè ah , goán tī Lí ê tiānlāi ,
　　上 帝 啊， 阮 在 你 的 殿 裡，

9b　　　Siàuliām Lí ê chûài .
　　　　數 念 你 的 慈 愛。

10a　Siōngtè ah , Lí só͘ siū ê oló sī chekke̍k,
　　　上 帝 啊，你 所 受 的 讚美 是 積 極，

　　tú tú kap Lí ê miâ saⁿha̍p kàu tī tōeke̍k.
　　抵 抵 與 你 的 名 相 合 到 於 地 極。

10b　　　Lí ê chiàⁿchhiú móamóa konggī koânle̍k.
　　　　你 的 右 手 滿 滿 公 義 權 力。

11a　Inūi Lí ê phòaⁿtoàn konggī , Sekansoaⁿ tio̍h hoaⁿhí ,
　　　因為 你 的 判 斷 公 義， 錫 安 山 著 歡 喜，

11b　　　Iûtāi ê siâⁿ Sekan tio̍h khoàilo̍k bô pí .
　　　　　猶 大 的 城 錫 安 著 快 樂 無 比。

12a　Lín tio̍h se̍h Sekan , sì ûi kiâⁿ i ,
　　　恁 著 繞 錫 安，四 圍 行 它，

12b　　　Sǹg i ê siâⁿlâu kàu ta̍kkaksì .
　　　　　算 它 的 城 樓 到 逐 角 勢。

13a　Siôngsè khòaⁿ i ê siâⁿchhiûⁿ chāichāi,
　　　詳 細 看 它 的 城 牆 在 在，

　　séngchhat i ê ôngkiong ê lâutâi ,
　　　省 察 它 的 王 宮 的 樓 台，

13bb　　　Beh hō͘ lín soanthoân tī āutāi .
　　　　　要 使 恁 宣 傳 在 後 代。

14a　Inūi chitê Siōngtè éngéng oánoán chòe lán ê Siōngtè;
　　　因 為 此 個 上 帝 永 永 遠 遠 作 咱 的 上 帝；

14b　　　I beh chhōa lán kàu tī sí ê sî iā bô thè.
　　　　　祂要 帶 咱 到 於 死 的時 亦 無 退。