《押韻啟應詩篇》

 | | | 轉寄

台語押韻啟應詩篇 49

作者 Tīⁿ Jîgio̍k 2006.12.17

49　　Khóla̍h hō͘è ê si; kau hō͘ Ga̍kkoaⁿ.

1a　Chèngpehsìⁿ ah , lín lóng tio̍h thiaⁿ chitê ,
　　眾 百 姓 啊， 恁 攏 著 聽 這 個，

1b　　　Sèchiūⁿ lóngchóng khiākhí ê pehsìⁿ ah ,
　　　　世 上 攏 總 居 起 的 百 姓 啊，

　　　　lín tio̍h àⁿ hīkhang thiaⁿ siôngsè .
　　　　恁 著 俯 耳 孔 聽 詳 細。

2a　Bôlūn hāténg siōngténg pibî ,
　　無 論 下 等 上 等 卑 微，

2b　　　Hógia̍h sònghiong, lóng tio̍h ánni .
　　　　好 額 貧 窮， 攏 著 按 呢。

3a　Góa ê chhùi beh kóng tì hūi ū kèta̍t,
　　我 的 嘴 要 講 智 慧 有 價 值，

3b　　　Góa ê sim só͘ siūⁿ sī thongta̍t .
　　　　我 的 心 所 想 是 通 達。

4a　Góa beh àⁿ hīkhang thiaⁿ phìjū ê choa̍tchiau,
　　我 要 俯 耳 孔 聽 譬 喻 的 絕 招 ，

4b　　　Góa beh ēng khîm kóebêng góa ê ò biāu.
　　　　我 要 用 琴 解 明 我 的 奧 妙。

5a　Kanok tè góa ê khaāutiⁿ sì bīn ûi góa,
　　奸 惡 隨 我 的 腳 後 跟 四 面 圍 我，

5b　　　Tī chithō hoānlān ê ji̍t ,
　　　　在 此 號 患 難 的 日，

　　　　góa mihsái kiaⁿ lâi ngia̍uhngia̍uhchhoah?
　　　　我 何 必 驚 來 愕 愕 惙 ？

6a　Hiahê óakhò in ê sèle̍kê ,
　　那 些 倚 靠 伊 的 勢 力 者，

6b　　　Khoakháu in ê pù ūê .
　　　　誇 口 伊 的 富 有 者。

7a　Bô chi̍tê ū hoattō͘ thang sio̍khôe kakī hiaⁿtī ê tōasè .
　　無 一 個 有 法 度 通 贖 回 自 己 兄 弟 的 大 小。

7b　　　Ia̍h bōeōe thòe i chiong sio̍khôe ê kèchîⁿ hō͘ Siōngtè .
　　　　亦 不 會 替 他 將 贖 回 的 價 錢 給 上 帝。

8a　Inūi sio̍khôe in ê sìⁿmiā ê kèchîⁿ chin kùi,
　　因為 贖 回 伊 的 性 命 的 價 錢 真 貴，

8b　　　Chíū éngoán pàngsoah chit ê kèūi .
　　　　只 有 永 遠 放 撒 此 個 計 劃。

9a　Kiám ū khólêng hō͘ lâng tn̂gtn̂g oa̍hteh,
　　豈 有 可 能 使 人 長 長 活 著，

9b　　　Bô khòaⁿkìⁿ sìⁿmiā ê kiatbé .
　　　　無 看 見 性 命 的 結 尾。

10a　In ūi lâng khòaⁿkìⁿ tìhūi ê lâng sí ,
　　　因 為 人 看 見 智 慧 的 人 死，

10b　　　Gûgōng ê lâng, kap ū lâng chhinchhiūⁿ chengsiⁿ,
　　　　　愚 憨 的 人， 與 有 人 親 像 畜 牲，

10c　Ia̍h chòechi̍tē bia̍tkhì;
　　　亦 作 一 下 滅 去;

10d　　　Lâu in ê chîⁿchâi hō͘ pa̍tlângkhì.
　　　　　留 伊 的 錢 財 給 別 人 去。

11a　In simlāi siūⁿ in ê chhù beh éngoán tīteh,
　　　伊 心 內 想 伊 的 厝 要 永 遠 在 的，

　　ia̍h siūⁿ in khiākhí ê só͘chāi beh kàu bāntāi ê sèhē .
　　　亦 想 伊 居 起 的 所 在 要 到 萬 代 的世 系。

11b　　　In ēng kakī ê miâ lâi hōmiâ kakī ê thó͘tē .
　　　　　伊 用 自 己 的 名 來 號 名 自 己 的 土 地。

12a　Chóngsī lâng tiàm tī chunkùi ê tiongkan bô jōa kú,
　　　總 是 人 站 在 尊 貴 的 中 間 無 偌 久，

12b　　　Chhinchhiūⁿ ōe sí ê chengsiⁿ khanghu .
　　　　　親 像 會 死 的 畜 牲 空 虛。

13a　In kiâⁿ chittiâu lō͘ , sī in ê gûgōng,
　　　伊 行 此 條 路，是 伊 的 愚 憨，

13b　　　Chóngsī in í āu ê lâng lóng iáukú lia̍h in ê ōe chòe tio̍h, teh chông.
　　　　　總 是 伊 以 後 的 人 攏 尚 且 掠 伊 的 話 作 對，在 匆。

14a　In chhinchhiūⁿ iûⁿkûn putan ,
　　　伊 親 像 羊 群 不 安，

14b　　　Tiāⁿ tio̍h tio̍h lo̍h imkan;
　　　　　定 著 得 落 陰 間；

14c　Sí bô beh chòe in ê bo̍kchiá,
　　　死 無 要 作 伊 的 牧 者，

14d　　　Kàu chákhí chèngti̍t ê lâng beh koánhat in chi̍tchiah chi̍tchiah.
　　　　　到 早 起 正 直 的人 要 管 轄 伊 一 隻 一 隻。

14e　In ê súi beh bia̍tbô tī imkan ê hái,
　　　伊 的 美 要 滅 無 在 陰 間 的 海，

14f　　　Tì kàu bô khiākhí ê só͘chāi.
　　　　　致 到 無 居 起 的 所 在。

15a　To̍kto̍k Siōngtè beh sio̍khôe góa ê lênghûn lâi koseng,
　　　獨 獨 上 帝 要 贖 回 我 的 靈 魂 來 高 昇，

15b　　　Thoatlī imkan ê koânpèng;
　　　　　脫 離 陰 間 的 權 柄；

　　　　Inūi I beh chiapla̍p góa éngseng.
　　　　　因 為 祂 要 接 納 我 永 生。

16a　Lâng hoatchâi, katêng kethiⁿ êngkng,
　　　人 發 財， 家 庭 加 添 榮 光，

16b　　　Lí m̄ bián inūi ánni lâi kiaⁿ, ba̍kchiu iann̄g ;
　　　　　你 不 免 因 為 按 呢 來 驚， 目 珠 煙 暈；

17a　In ūi i sí , bô chi̍thāng ōe tòakhì,
　　　因 為 他 死，無 一 項 會 帶 去，

17b　　　I ê êngkng bōeōe tè i khì.
　　　　　他的 榮 光 不 會 隨 他 去。

18a　I chāisiⁿ suijiân kakī khoakháu ū hokkhì,
　　　他 在 生 雖 然 自 己 誇 口 有 福 氣，

18b　　　（Lí nā gâu chiàukò͘ kakī , lâng beh oló lí ,）
　　　　　你 若 賢 照 顧 自 己，人 要 讚美 你，

19a　Nāsī i beh kui kàu i le̍ktāi ê chó͘kong hia,
　　　若 是 他 要 歸 到 他 歷 代 的 祖 公 彼，

19b　　　In éngoán bô khòaⁿkìⁿ ji̍tkng teh siā .
　　　　　伊 永 遠 無 看 見 日 光 在 射。

20a　Lâng tiàmtī chunkùi ê tiongkan, ia̍h bô chhíⁿgō͘ ,
　　　人 站 在 尊 貴 的 中 間，亦 無 醒 悟，

20b　　　Sī chhinchhiūⁿ ōe sí ê chengsiⁿ bô hoattō͘ .
　　　　　是 親 像 會 死 的 畜 牲 無 法 度。