《押韻啟應詩篇》

 | | | 轉寄

台語押韻啟應詩篇 50

作者 Tīⁿ Jîgio̍k 2006.12.24

50　　Asat ê si.

1a　Choânlêng ê Siōngtè Iâhôhoa ū kóngê ,
　　全 能 的 上 帝 耶 和 華 有 講 的，

1b　　　Lâi tiàu phó͘thiⁿē ;
　　　　來 召 普 天 下；

　　　　Tùi ji̍tchhut kàu ji̍tlo̍h ê só͘chāi choântē .
　　　　從 日 出 到 日 落 的 所 在 全 地。

2a　Tùi chiâuchn̂g súi ê Sekan ,
　　從 齊 全 美 的 錫 安，

2b　　　Siōngtè ū hoatchhut kng pò pêngan .
　　　　上 帝 有 發 出 光 報 平 安。

3a　Goán ê Siōngtè beh lâi,
　　阮 的 上 帝 要 來，

3b　　　Koattoàn bô chēngchēng lâi;
　　　　決 斷 無 靜 靜 來；

3c　Ū hé tī I ê bīnchêng teh sio,
　　有 火 在 祂 的 面 前 在 燒，

3d　　　Ū hong tī I ê sì ûi teh thàu teh iô .
　　　　有 風 在 祂 的 四 圍 在 透 在 搖。

4a　I beh tùi téngbīn kiò tōe kap thiⁿ,
　　祂要 從 頂 面 叫 地 與 天，

4b　　　Ūi tio̍h beh símphòaⁿ I ê pehsìⁿ;
　　　　為 著 要 審 判 祂 的 百 姓；

5a　Kóng, tio̍h chiochi̍p Góa sèngê pehsìⁿ lâi Góa chia,
　　講， 著 召 集 我 聖 的 百 姓 來 我 此，

5b　　　Chiūsī hiahê ēng chèsū kap Góa li̍piok ê lâng lâi chia.
　　　　就 是 那 些 用 祭 祀 與 我 立 約 的 人 來 此。

6a　Chiahê thiⁿ beh hiánbêng I ê konggī éngsè ;
　　諸 些 天 要 顯 明 祂 的 公 義 永 世；

6b　　　In ūi Siōngtè púnsin sī chòe símphòaⁿê .
　　　　因 為 上 帝 本 身 是 作 審 判 者。

7a　Góa ê pehsìⁿ ah, lín tio̍h thiaⁿ, Góa beh kóng kàu sìkè ,
　　我 的 百 姓 啊，恁 著 聽， 我 要 講 到 四 界，

7b　　　Góa sī Siōngtè , lí ê Siōngtè .
　　　　我 是 上 帝，你 的 上 帝。

8a　Góa bô in ūi lí ê chèsū chekpī lí bô khiânsêng,
　　我 無 因 為 你 的 祭 祀 責 備 你 無 虔 誠，

8b　　　Lí ê siochè siôngsiông tī Góa ê bīnchêng.
　　　　你 的 燒 祭 常 常 在 我 的 面 前。

9a　Góa bô tùi lí ê chhù chhú kang ê gû ,
　　我 無 對 你 的 厝 取 公 的 牛，

9b　　　Lí ê tiâⁿ ê kang ê soaⁿiûⁿ, Góa ia̍h bô chhú.
　　　　你 的 庭 的 公 的 山 羊，我 亦 無 取。

10a　Inūi chhiūnâlāi ê pahsiù,
　　　因 為 樹 林 內 的 百 獸，

10b　　　Chhengsoaⁿ ê chengsiⁿ, lóng sī Góa teh kò͘siú .
　　　　　千 山 的 畜 牲， 攏 是 我 在 顧 守。

11a　Soaⁿtiong ê pechiáu, Góa lóng chai;
　　　山 中 的 飛 鳥， 我 攏 知；

11b　　　Khòngiá ê cháusiù ia̍h lóng sio̍k tī Góa tiâulāi .
　　　　　曠 野 的 走 獸 亦 攏 屬 在 我 廄 內。

12a　Góa nā iau, bô beh kā lí kóng siôngsè ,
　　　我 若 餓， 無 欲 與 你 講 詳 細，

12b　　　Inūi sèkài kap kîtiong só͘ chhiongmóaê , lóng sī Góaê .
　　　　　因 為 世 界 與 其 中 所 充 滿 的，攏 是 我 的。

13a　Góa kiám beh chia̍h gûkáng ê bah,
　　　我 豈 欲 吃 牛 牡 的 肉，

13b　　　Á sī lim soaⁿiûⁿkáng ê huih mah?
　　　　　或 是 喝 山 羊 牡 的 血 嗎？

14a　Lí tio̍h ēng kámsiā chòe chè, hiàn hō͘ Siōngtè ;
　　　你 著 用 感 謝 作 祭， 獻 給 上 帝；

14b　　　Koh tio̍h tùi Chìkoânê , siā lí ê goān lâi kūiteh.
　　　　　又 著 從 至 高 者，謝 你 的 願 來 跪 在。


15a　Tī hoānlān ê ji̍t tio̍h kiûkiò Góa;
　　　在 患 難 的 日 著 求 叫 我；

15b　　　Góa beh kiù lí , lí ia̍h beh êngkng Góa.
　　　　　我 要 救 你，你 亦 要 榮 光 我。

16a　Nāsī Siōngtè tùi pháiⁿlâng kónglah,
　　　若 是 上 帝 對 壞 人 講 啦，

16b　　　Lí tháithó káⁿ thoân Góa ê lu̍tlē lâi khichà,
　　　　　你 豈 可 敢 傳 我 的 律 例 來 欺 詐，

　　　　chhùi kóngkhí Góa ê iok ah ?
　　　　　嘴 講 起 我 的 約 啊？

17a　Kîsi̍t lí iàmchiān kàsī iáu bô kàu,
　　　其 實 你 厭 賤 教 示 尚 不 夠，

17b　　　Chiong Góa ê ōe hiat tī lí ê kachiahāu.
　　　　　將 我 的 話 棄 在 你的 ka 脊 後。

18a　Lí khòaⁿkìⁿ chha̍t, chiū kap i tângsim tâmlūn;
　　　你 看 見 賊， 就 與 他 同 心 談 論；

18b　　　Koh kap kiâⁿ kanîm ê lâng saⁿkap ū hūn.
　　　　　又 與 行 姦 淫 的 人 相 與 有 份。

19a　Lí hō͘ lí ê chhùi siôngsiông kóng pháiⁿōe ,
　　　你 使 你 的 嘴 常 常 講 歹 話，

19b　　　Lí ê chi̍h chōchok kanchà kéōe .
　　　　　你 的 舌 造 作 奸 詐 假 話。

20a　Lí chē teh húipòng lí ê hiaⁿtī ;
　　　你 坐 著 毀 謗 你 的 兄 弟；

20b　　　Bûlōa lí ê tôngpau beh hāi sí .
　　　　　誣 賴 你的 同 胞 要 害 死。

21a　Lí kiâⁿ chiahê sū , Góa chēngchēng bô kóng;
　　　你 行 這 些 事， 我 靜 靜 無 講 ；

21b　　　Lí phahsǹg Góa tútú kap lí chi̍tiūⁿ teh kauthong.
　　　　　你 打 算 我 抵抵 與 你 一 樣 在 交 通。

21c　Kîsi̍t Góa beh chekpī lí bô thêng;
　　　其 實 我 要 責 備 你 無 停 ；

21d　　　Chiong chiahê sū pâi tī lí ê ba̍kchiuchêng.
　　　　　將 這 些 事 排 在 你 的 目 珠 前。

22a　Lín bōekìtit Siōngtè ê lâng, tio̍h siūⁿ chit ê iniû ,
　　　恁 不 記 得 上 帝 的 人， 著 想 這 個 因 由，

22b　　　Biántì Góa chiong lín thiahchhùi, bô lâng chínkiù.
　　　　　免 致 我 將 恁 撕 碎， 無 人 拯 救。

23a　Kìⁿnā ēng kámsiā hiàn chòe chèê ,
　　　凡 若 用 感 謝 獻 作 祭 的，

23b　　　Chiūsī êngkng Góaê ;
　　　　　就 是 榮 光 我 的；

23c　Kínsīn kiâⁿ ê lâng,
　　　謹 慎 行 的 人，

23d　　　Góa beh hō͘ i khòaⁿkìⁿ Siōngtè ê kiùun bô làng.
　　　　　我 要 使 他 看 見 上 帝 的 救 恩 無 閬。