《押韻啟應詩篇》

 | | | 轉寄

台語押韻啟應詩篇 51

作者 Tīⁿ Jîgio̍k 2006.12.31

51　　Tāipi̍t kap Poa̍tsīpa tângpâng íāu, Sianti Nátan lâi kìⁿ i. 　　　　I chòe chitê si kau hō͘ Ga̍kkoaⁿ.

1a　Siōngtè ah , chiàu Lí ê chûài lînbín góa,
　　上 帝 啊，照 你 的 慈 愛 憐 憫 我，

1b　　　Chiàu Lí hongsēng ê chûpi chhatsiau góa ê chōekòa.
　　　　照 你 豐 盛 的 慈 悲 擦 消 我 的 罪 過。

2a　Chiong góa ê chōeok itchīn sóetû ,
　　將　　我 的 罪 惡 一 盡 洗 除，

2b　　　Ia̍h sóechheng góa kàu bô sū .
　　　　亦 洗 清 我 到 無 事。

3a　Inūi góa kakī chai góa ê kèsit,
　　因 為 我 自 己 知 我 的 過 失，

3b　　　Góa ê chōe siôngsiông sī góa bīnchêng ê hiānsi̍t .
　　　　我 的 罪 常 常 是 我 面 前 的 現 實。

4a　Góa só͘ hoān tio̍hê , chiūsī tekchōe Lí nātiāⁿ,
　　我 所 犯 著 的，就 是 得 罪 你 若 定 ，

4b　　　Tī Lí ê ba̍kchiu chêng chòe chithō pháiⁿ ànkiāⁿ.
　　　　在 你 的 目 珠 前 做 此 號 歹 案 件。

5a　Tìkàu Lí kóngōe ê sî , hiánbêng chòe gī .
　　致 到 你 講 話 的 時，顯 明 做 義。

5b　　　Phòaⁿtoàn ê sî , hiánbêng kongtō lí khì.
　　　　判 斷 的 時，顯 明 公 道 理 氣。

6a　Góa sī tī chōeok tiong siⁿ ê chōejîn,
　　我 是 在 罪 惡 中 生 的 罪 人，

6b　　　Tī chōe ê tiongkan, góa ê lāubú lâi hoâiīn .
　　　　在 罪 的 中 間， 我 的 老 母 來 懷 孕。

7a　Lí ài lâng simlāi sêngsi̍t lâi thó͘khùi,
　　你 要 人 心 內 誠 實 來 嘆 氣 ，

7b　　　Tī góa ê paklāi , Lí beh hō͘ góa tit tio̍h tìhūi.
　　　　在 我 的 腹 內， 你 必 給 我 得 著 智 慧。

8a　Kiû Lí ēng giûchhekchháu sóe góa,
　　求 你 用 牛 膝 草 洗 我，

8b　　　Góa chiū chhengkhì bô chōekòa.
　　　　我 就 清 氣 無 罪 過。

9a　Kiû Lí sóe góa ná sngseh,
　　求 你 洗 我 若 霜 雪，

9b　　　Góa chiū pí seh khah pe̍h.
　　　　我 就 比 雪 較 白。

10a　Kiû Lí hō͘ góa tit tio̍h thiaⁿkìⁿ hoaⁿhí khoàilo̍k ê siaⁿ,
　　　求 你 給 我 得 著 聽 見 歡 喜 快 樂 的 聲，

10b　　　Hō͘ Lí só͘ atchi̍h ê kut thang hoaⁿhí Lí ê miâ.
　　　　　使 你 所 揠 折 的骨 通 歡 喜 你 的 名。

11a　Kiû Lí ng Lí ê bīn, bô khòaⁿ góa ê chōeok,
　　　求 你 掩 你 的 面，無 看 我 的 罪 惡，

11b　　　Chhatsiau góa itchhè ê chōe chòe kiatsok.
　　　　　擦 消 我 一切 的 罪 做 結 束。

12a　Siōngtè ah , kiû Lí kā góa chhòngchō chhengkhì ê simsèng,
　　　上 帝 啊，求 你 給 我 創 造 清 氣 的 心 性，

12b　　　Hō͘ góa ê lāibīn ū ōaⁿsin chèngti̍t ê sînlêng.
　　　　　使 我 的 內 面 有 換 新 正 直 的 神 靈。

13a　Góa chiū chiong Lí ê tō lō͘ chísī ū kèsit ê lâng,
　　　我 就 將 你 的 道 路 指 示 有 過 失 的 人，

13b　　　Ū chōe ê lâng chiū beh kuisūn Lí tit ǹgbāng.
　　　　　有罪 的 人 就 欲 歸 順 你 得 盼 望。

14a　Siōngtè ah , kiù góa ê Siōngtè sī Lí ,
　　　上 帝 啊，救 我 的 上 帝 是 你，

14b　　　Góa ê chi̍h beh tōasiaⁿ gîmsi o ló Lí ê gī .
　　　　　我 的 舌 欲 大 聲 吟 詩 讚 美 你 的 義。

15a　Chú ah, kiû Lí khui góa ê chhùitûn chhutsiaⁿ,
　　　主 啊，求 你 開 我 的 嘴 唇 出 聲，

15b　　　Góa ê chhùi chiū beh pòiông Lí ê hó miâsiaⁿ.
　　　　　我 的 嘴 就 要 報 揚 你 的 好 名 聲。

16a　Inūi Lí bô ài chèmi̍h, nā ài , góa chiū beh hiàn,
　　　因為 你 無 愛 祭 物，若 愛，我 就 要 獻，

16b　　　Siochè Lí ia̍h bô hoaⁿhí in ê ian.
　　　　　燒 祭 你 亦 無 歡 喜 伊 的 煙。

17a　Siōngtè só͘ ài ê chè, chiūsī iusiong ê simsîn,
　　　上 帝 所 愛 的 祭，就 是 憂 傷 的 心 神，

17b　　　Siōngtè ah , iusiong thònghóe ê sim, Lí bô beh khòaⁿkhin.
　　　　　上 帝 啊，憂 傷 痛 悔 的 心，你 無 要 看 輕。