《押韻啟應詩篇》

 | | | 轉寄

台語押韻啟應詩篇 52

作者 Tīⁿ Jîgio̍k 2007.01.07

52　　Ítonglâng Toek lâi pò Sòlô kóng, Tāipi̍t kàu Ahibíle̍k ê ke. 　　　　　Hitsî Tāipi̍t chòe chitê kàsī ê si; kau hō͘ Ga̍kkoaⁿ.

1a　Ióngbéng ê lâng ah ,
　　勇 猛 的 人 啊，

　　lí siáⁿsū ūi tio̍h chòepháiⁿ lâi khoakháu bōe pháiⁿsè ?
　　你 甚 事 為 著 做 歹 來 誇 口 不 歹 勢？

1b　　　Siōngtè ê chûài éngoán tīteh.
　　　　上 帝 的 慈 愛 永 遠 在 的。

2a　Lí ê chi̍h tô͘bô͘ siâok khúichà,
　　你 的 舌 圖 謀 邪 惡 詭 詐，

2b　　　Chhinchhiūⁿ lāi ê thìthâuto , kiâⁿ kanchà.
　　　　親 像 利 的 剃 頭 刀，行 奸 詐。

3a　Lí ài pháiⁿ iâⁿkè ài hó chênggī ;
　　你 愛 歹 贏 過 愛 好 情 義；

3b　　　Ài pe̍hchha̍t iâⁿkè ài kóng gīlí . 　　 　 　　愛 白 賊 贏 過 愛 講 義 理。

4a　Khúikhiat ê chi̍h ah,
　　詭 譎 的 舌 啊，

4b　　　Lí ài kóng itchhè thunchia̍h ê ōe mah?
　　　　你 愛 講 一 切 吞 食 的 話 嗎？

5a　Siōngtè ia̍h beh húihoāi lí ,
　　上 帝 亦 欲 毀 壞 你，

5b　　　Kàu éngoán bô pàng lí khì,
　　　　到 永 遠 無 放 你 去，

5c　　I beh lia̍h lí lâi hōe, tùi lí ê pò͘pîⁿtiong khiúchhutlâi;
　　　祂欲 掠 你 來 會，對 你 的 布 棚 中 扯 出 來；

5d　　　　Tùi oa̍hlâng ê tōe, chiong lí pu̍ihchhutlâi .
　　　　對 活 人 的 地，將 你 拔 出 來。

6a　Gīlâng beh khòaⁿkìⁿ lâi kiaⁿhiâⁿ,
　　義 人 必 看 見 來 驚 惶，

6b　　　Ia̍h beh chhiò i , chhiò chhut siaⁿ.
　　　　亦 必 笑 他，笑 出 聲。

7a　Khòaⁿ ah, che chiūsī hithō lâng,
　　看 啊，這 就 是 彼 號 人，

7b　　　Chiūsī bô lia̍h Siōngtè chòe i ê khùila̍t ê lâng;
　　　　就 是 無 掠 上 帝 做 他 的 氣 力 的 人；

7c　Sī óakhò i ê chîⁿchâi ê lâng,
　　是 倚 靠 他 的 錢 財 的 人，

7d　　　Tī siâok kakī khiāchāi ê lâng.
　　　　在 邪 惡 自 己 站 在 的 人。

8a　Lūnkàu góa, góa sī chhinchhiūⁿ Siōngtè chhùlāi
　　論 到 我， 我 是 親 像 上 帝 厝 內

　　chhiⁿchhùi ê kaⁿnáchai; 　　 　　青 翠 的 橄 欖 栽；

8b　　　Góa éngéng oánoán óakhò Siōngtè ê chûài .

　　　　我 永 永 遠 遠 倚 靠 上 帝 的 慈 愛。

9a　Inūi Lí liaplí ê koân,
　　因 為 你 攝 理 的 高，

9b　　　Góa beh kámsiā Lí kàu éngoán;
　　　　我 要 感 謝 你 到 永 遠；

9c　Góa ia̍h beh tī Lí sèng ê pehsìⁿ ê bīnchêng, ǹgbāng Lí ê miâ;
　　我 亦 要 在 你 聖 的 百 姓 的 面 前， 盼 望 你 的 名；

9d　　　In ūi Li ê miâ sī hó miâsiaⁿ.
　　　　因 為 你 的 名 是 好 名 聲。