《押韻啟應詩篇》

 | | | 轉寄

台語押韻啟應詩篇 55

作者 Tīⁿ Jîgio̍k 2007.01.28

55　　Tāipi̍t kàsī ê si ; kauhō͘ Ga̍kkoaⁿ ; ēng sihiân ê ga̍kkhì.

1a　Siōngtè ah , kiû Lí àⁿ hīkhang thiaⁿ góa ê kîkiû,
　　上 帝 啊，求 你 俯 耳 孔 聽 我 的 祈 求，

1b　　　M̄ thang tiàmba̍t , m̄ thiaⁿ góa ê khúnkiû.
　　　　不 通 站 密， 不 聽 我 的 懇 求。

2a　Kiû Lí àⁿlo̍h thiaⁿ góa, ìn góa;
　　求 你 俯 落 聽 我，應 我；

2b　　　Góa pisiong bô pêngan , haiⁿhaiⁿchhan ná thângthōa.
　　　　我 悲 傷 無 平 安，哼 哼 孱 若 蟲 豸。

3a　Lóng sī inūi tùite̍k ê siaⁿ teh hoah, pháiⁿlâng ê chèap bô soah,
　　攏 是 因 為 對 敵 的 聲 在 喝 ， 歹 人 的 制 壓 無 息，

3b　　　Inūi in chiong chōekòa chhia hō͘ góa, ēng siūkhì pek góa.
　　　　因為 伊 將 罪 過 推 給 我，用 受 氣 迫 我。

4a　Góa ê sim tī góa lāibīn chin khó͘thàng; 　　
我 的 心 在 我 內 面 真 苦 痛；

4b　　　Síbô ê kiaⁿhiâⁿ kàu tī góa ná pháiⁿbāng.
　　　　死 無 的 驚 惶 到 在 我 若 歹 夢。

5a　Kiaⁿhiâⁿ ngia̍uhngia̍uhchhoah kàu tī góa,
　　驚 惶 蠕 蠕 惙　　到 在 我，

5b　　　Kiaⁿhiâⁿ imba̍t góa.
　　　　驚 惶 淹 密 我。

6a　Góa chiū kóng khí, goān góa tit tio̍h si̍t nn̄gki,chhinchhiūⁿ kap ánni,
　　我 就 講 起， 願 我 得 著 翅 兩 支, 親 像 鴿 按 呢,

6b　　　Góa chiū pekhì, tit tio̍h anjiân khiākhí.
　　　　我 就 飛 起，得 著 安 然 居 起。

7a　Góa beh pekhì hn̄ghn̄g,
　　我 欲 飛 去 遠 遠，

7b　　　Hioh tī khòngiá tiongng .
　　　　歇 在 曠 野 中 央。

8a　Góa beh kínkín cháu kàu siámpī ê só͘chāi,
　　我 欲 緊 緊 走 到 閃 避 的 所 在，

8b　　　Thoatlī kônghong pòthâu thang chūchāi.
　　　　脫 離 狂 風 颮 頭 通 自 在。

9a　Chú ah , kiû Lí thunbia̍t in , punkhui in ê chi̍h;
　　主 啊，求 你 吞 滅 伊，分 開 伊 的 舌；

9b　　　Inūi góa tī siâⁿlāi bat khòaⁿkìⁿ kiôngpō kap saⁿchiⁿ.
　　　　因為 我 在 城 內 曾 看 見 強 暴 及 相 爭。

10a　In mîji̍t kiâⁿse̍h tī siâⁿchhiûⁿténg;
　　　伊 暝 日 行 踅 在 城 牆 頂；

10b　　　Tī siâⁿlāi ū huké okto̍k apkéng.
　　　　　在 城 內 有 虛 假 惡 毒 壓 境。

11a　Siâok tī hit lāibīn o͘ o͘ . 　　
　邪 惡 在 彼 內 面 烏 烏。

11b　　　Apchè kanchà bô līkhui i ê koelō͘ .
　　　　　壓 制 奸 詐 無 離 開 它的 街 路。

12a　Inūi húipòng góaê ,
　　　因為 毀 謗 我 的，

12b　　　M̄ sī tùite̍k ê siatkè , siatsú sī , chiū iáu ōe lúnchi̍tē .
　　　　　不 是 對 敵 的 設 計，設 使 是，就 猶 會 忍 一 下。

12c　Chūko kongkek góa ê ,
　　　自 高 攻 擊 我 的，

12d　　　M̄ sī oànhūn góa ê lâng teh mē ,
　　　　　不 是 怨 恨 我 的 人 在 罵，
　　　　 siatsú sī , chiū ōe bih lâi siámkè .
　　　　　設 使 是， 就 會 匿 來 閃 過。

13a　Bô phahsǹg sī lí , to sī kap góa pîⁿpòeê jī í ,
　　　無 打 算 是 你，都 是 與 我 平 輩 的 而 已，

13b　　　Góa ê iúphōaⁿ, góa ê pêngiú ti kí ,
　　　　　我 的 友 伴 ， 我 的 朋 友 知 己。

14a Lán pêngsò͘ saⁿkap tâmlūn chin chhinbi̍t, bô máhu,
　咱 平 素 相 及 談 論 真 親 密，無 馬 虎，

14b　　　Lán kap chènglâng saⁿkap kiâⁿ tī Siōngtè ê chhù.
　　　 　　咱 及 眾 人 相 及 行 在 上 帝 的 厝。

15a　Goān sí bô hutjiân kàu tī in ,
　　　願 死 無 忽 然 到 在 伊，

15b　　　Hō͘ in oa̍hoa̍h lo̍h imkan ê lāibīn.
　　　　　使 伊 活 活 落 陰 間 的 內 面。

15c　In ūi siâok tī in khiākhí ê só͘chāi,
　　　因 為 邪 惡 在 伊 居 起 的 所 在，

15d　　　Tī in tiongkan ê tōetài.
　　　　　在 伊 中 間 的 地 帶。

16a　Lūnkàu góa, góa beh kiûkiò Siōngtè ;
　　　論 到 我， 我 要 求 叫 上 帝；

16b　　　Iâhôhoa beh kiù góa thoatlī chaiē .
　　　　　耶 和 華 要 救 我 脫 離 災 禍。

17a　Ê hng, chákhí, ji̍ttàu, góa beh aisiong thó͘khùi;
　　　 暝 昏， 早 起，日 晝， 我 欲 哀 傷 嘆 氣；

17b　　　I ia̍h beh thiaⁿ góa ê siaⁿ lâi sù unhūi.
　　　　　祂亦 要 聽 我 的 聲 來 賜 恩 惠。

18a　I kiùsio̍k góa ê sìⁿmiā lâi tháupàng,
　　　祂救 贖 我 的 性 命 來 釋 放，

18b　　　Thoatlī kongkek góa ê lâng;
　　　　　脫 離 攻 擊 我 的 人 ；

18c　Hō͘ góa tit tio̍h pêngan ;
　　　使 我 得 著 平 安；

18d　　　In ūi hoántùi góa ê lâng kuibān.
　　　　　因 為 反 對 我 的 人 歸 萬。

19a　Tùi kó͘chá siôngsiông tīteh ê Siōngtè ,
　　　對 古 早 常 常 在 的 之 上 帝，

19b　　　Beh thiaⁿkìⁿ, ia̍h beh pòèng in ê khúikè ,
　　　　　要 聽 見，亦 要 報 應 伊 的 詭 計，
　　　　chiūsī hiahê bô kóepìⁿ, bô kèngùi Siōngtèê .
　　　　　就 是 彼 個 無 改 變，無 敬 畏 上 帝 的。

20a　Góa chêng ê pêngiú chhunchhiú kongkek kap i saⁿhô ê lâng;
　　　我 前 的 朋 友 伸 手 攻 擊 與 他 相 和 的 人；

20b　　　I í keng pōe iok hō͘ lâng sitbāng.
　　　　　他已 經 背 約 使 人 失 望。

21a　I ê chhùi ku̍ttia̍h, chhinchhiūⁿ lengiû ;
　　　他的 嘴 滑 澤， 親 像 奶 油；

21b　　　I ê sim khǹg kauchiàn chhinchhiūⁿ iásiù.
　　　　　他的 心 藏 交 戰 親 像 野 獸。

21c　I ê ōe jiûloán, khahiâⁿ koiû,
　　　他的 話 柔 軟， 較 贏 膏 油，

21d　　　Kîsi̍t sī to chhutsiù .
　　　　　其 實 是 刀 出 鞘。

22a　Tio̍h chiong lí ê tàⁿ, sià hō͘ Iâhôhoa;
　　　著 將 你 的 擔，卸 給 耶 和 華；

22b　　　I beh hûchhî lí , I éngéng bô hō͘ gīlâng iôchoah.
　　　　　祂欲 扶 持 你, 祂 永 永 無 使 義 人 搖 泏。

23a　Siōngtè ah , Lí beh hō͘ in hāmlo̍h tī bia̍tbô ê hāmkhiⁿ;
　　　上 帝 啊，你 欲 使 伊 陷 落 在 滅 無 的 陷 坑；

23b　　　Thâisí lâng kiâⁿ kanchà chiū sí ,
　　　　　殺 死 人 行 奸 詐 就 死，

23c　In bōe oa̍h kàu tiongliânkî ,
　　　伊 不 活 到 中 年 期，

23d　　　To̍kto̍k góa beh óakhò Lí .
　　　　　獨 獨 我 要 倚 靠 你。