《押韻啟應詩篇》

 | | | 轉寄

台語押韻啟應詩篇 56

作者 Tīⁿ Jîgio̍k 2007.02.04

56　　Huilīsūlâng tī Kate̍k lia̍h tio̍h Tāipi̍t, hitsî i chòe chitê kim ê si; 　　　　　kau hō͘ Ga̍kkoaⁿ; tiāu, sī ēng “hn̄ghn̄g bô siaⁿ ê kap”

1a　Siōngtè ah , kiû Lí khólîn góa, inūi lâng beh thunchia̍h góa;
　　上 帝 啊，求 你 可 憐 我，因 為 人 欲 吞 食 我；

1b　　　Thongji̍t kongkek apchè góa.
　　　　通 日 攻 擊 壓 制 我。

2a　Góa ê tùite̍k thongji̍t beh thunchia̍h góa,
　　我 的 對 敵 通 日 欲 吞 食 我，

2b　　　Inūi khí kiaungō͘ kongkek góa ê lâng chin chōe ná soa.
　　　　因為 起 驕 傲 攻 擊 我 的 人 真 多 若 沙。

3a　Góa tī kiaⁿhiâⁿ ê sî ,
　　我 在 驚 惶 的 時，

3b　　　Góa beh óakhò Lí .
　　　　我 欲 倚 靠 你。

4a　Góa khò Siōngtè , góa beh oló I ê ōe bô soah, 　　
我 靠 上 帝，我 要 讚美 祂 的 話 無 息，

4b　　　Góa íkeng óakhò Siōngtè lâi oa̍h,
　　　　我 已 經 倚 靠 上 帝 來 活，

4c　Góa chiū bô kiaⁿ lâi i óa .
　　我 就 無 驚 來 依 倚。

4d　　　Sio̍k tī hiatkhìê beh siáⁿ hoattit góa taôa ?
　　　　屬 在 血 氣 者 欲 啥 法 得 我 如 何？

5a　In thongji̍t kóechhoa̍h góa ê ōe ;
　　伊 通 日 改 斜 我 的 話；

5b　　　In tùi góa só͘siūⁿê , lóng sī beh hāi góa chokhòe.
　　　　伊 對 我 所 想 的，攏 是 欲 害 我 作 廢。

6a　In chūchi̍p bâiho̍k, teh siòng góa ê khapō͘,
　　伊 聚 集 埋 伏，在 相 我 的 腳 步，

6b　　　Chhinchhiūⁿ tngtán beh hāi góa ê sìⁿmiā ná tohpò͘.
　　　　親 像 當 等 欲 害 我 的 性 命 若 桌 布。

7a　In chòepháiⁿ kiám ōe tôthoat cháulī ?
　　伊 做 歹 豈 會 逃 脫 走 離？

7b　　　Siōngtè ah , kiû Lí tī siūkhìtiong, hō͘ chèng pehsìⁿ tólo̍hkhì.
　　　　上 帝 啊，求 你 在 受 氣 中， 使 眾 百 姓 倒 下 去。

8a　Góa ê pisiong Lí lóng ū kìsiàu siuchông.
　　我 的 悲 傷 你 攏 有 記 數 收 藏。

8b　　　Kiû Lí chiong góa ê ba̍ksái siu tī Lí ê phêlông;
　　　　求 你 將 我 的 目 屎 收 在 你 的 皮 囊；
　　　　Lí ê chheh kiám bô kì che lóngchóng?
　　　　你 的 冊 豈 無 記 這 攏 總？

9a　Góa kiûkiò ê ji̍t , góa ê tùite̍k lóng beh oa̍ttńgsin thèkhì;
　　我 求 叫 的 日，我 的 對 敵 攏 欲 越 轉 身 退 去；

9b　　　Siōngtè ūi góa, che sī góa só͘ chai ê tāichì.
　　　　上 帝 為 我， 這 是 我 所 知 的 事 情。

10a　Góa khò Siōngtè , góa beh o ló I ê ōe ;
　　　我 靠 上 帝，我 欲 讚 美 祂的 話；

10b　　　Góa khò Iâhôhoa, góa beh o ló I ê ōe .
　　　　　我 靠 耶 和 華，我 欲 讚 美 祂的話。

11a　Góa í keng óakhò Siōngtè ,
　　　我 已 經 倚 靠 上 帝，

11b　　　Góa chiū bô kiaⁿ pòaⁿê , lâng beh siáⁿ hoat tit góa khòsè ?
　　　　　我 就 無 驚 半 個，人 將 甚 法 得 我 靠 勢？

12a　Siōngtè ah , góa tùi Lí só͘ hē ê goān, tī góa ê sinchiūⁿ;
　　　上 帝 啊，我 對 你 所 下 的 願 ，在 我 的 身 上；

12b　　　Góa beh ēng siāun ê chè hiàn hō͘ Lí chòe bô͘ iūⁿ.
　　　　　我 欲 用 謝 恩 的 祭 獻 給 你 做 模 樣。

13a　Inūi Lí kiù góa ê oa̍hmiā thoatlī síbô ;
　　　因 為 你 救 我 的 活 命 脫 離 死 無；

13b　　　Lí kiámm̄ sī póhō͘ góa ê kha bô poa̍htó ?
　　　　　你 豈 不是 保 護 我 的 腳 無 跋 倒？

13c　Hō͘ góa tī Siōngtè ê bīnchêng,
　　　使 我 在 上 帝 的 面 前，

13d　　　Kiâⁿ tī oa̍hmiā ê kngbêng?
　　　　　行 在 活 命 的 光 明？