《押韻啟應詩篇》

 | | | 轉寄

台語押韻啟應詩篇 60

作者 Tīⁿ Jîgio̍k 2007.03.04

60　　Tāipi̍t tī nn̄gtiâu khoe ê Alân, íki̍p Sópa ê Alân, kauchiàn ê sî, 　　　　　Iokap tòlâi tī Iâmkok, thâisí Ítonglâng chi̍tbān nn̄gchheng,
　　　　　Hitsî Tāipi̍t chòe chitê kim ê si, hō͘ lâng ha̍ksi̍p;
　　　　　Kau hō͘ Ga̍kkoaⁿ; tiāu, ēng “Chòe kanchèng ê pekha̍phoe.”

1a　Siōngtè ah , Lí bat khìsak goán, phòhoāi goán;
　　上 帝 啊，你 曾 棄 拺 阮， 破 壞 阮；
　　Lí bat siūkhì goán;
　　你 曾 受 氣 阮；

1b　　　Kiû Lí koh hengkhí goán.
　　　　求 你 復 興 起 阮 。

2a　Lí hō͘ tōe tíntāng, ia̍h hō͘ i pangli̍h kuiphāng,
　　你 使 地 振 動， 亦 使 它 崩 裂 歸 縫 ，

2b　　　Goān Lí i hó i ê li̍hhûn, inūi tōe iôtāng.
　　　　願 你 醫好 它的 裂 痕， 因 為 地 搖 動。

3a　Lí hō͘ Lí ê pehsìⁿ tú tio̍h kanlân hoah kiù.
　　你 使 你 的 百 姓 遇 著 艱 難 喝 救，

3b　　　Lí hō͘ goán lim hitê hō͘ lâng tianlâi tókhì ê chiú.
　　　　你 使 阮 飲 彼 個 使 人 顛 來 倒 去 的 酒。

4a　Lí ēng kî 'á siúⁿsù kèngùi Lí ê lâng,
　　你 用 旗 仔 賞 賜 敬 畏 你 的 人，

4b　　　Thang ūi chinlí kia̍hkhílâi ia̍t chòe ǹgbāng.
　　　　通 為 真 理 舉 起 來 搧 作 盼 望。

5a　Kiû Lí thiaⁿ goán, ēng chiàⁿchhiú khankiù goán,
　　求 你 聽 阮， 用 右 手 牽 救 阮，

5b　　　Thang hō͘ Lí só͘ thiàⁿ ê lâng tit tio̍h kiù, chiàu in simgoān.
　　　　通 使 你 所 愛 的 人 得 著 救，照 伊 心 願。

6a　Siōngtè í keng kí I ê sèngkiat lâi kóng,
　　上 帝 已 經 指 祂 的 聖 潔 來 講，
　　” Góa beh tōa hoaⁿhí ,
　　「我 要 大 歡 喜，

6b　　　Góa beh punkhui Sīkiàm, niû So͘kat ê soaⁿkok chòe theí .”
　　　　我 要 分 開 示 劍， 量 疏 割 的 山 谷 做 躺 椅。」

7a　Kilia̍t sī Góaê ,
　　基 列 是 我 的，

7b　　　Mánáse ia̍h sī Góaê ;
　　　　瑪 拿 西 亦 是 我 的；

7c　　Í hoatliân sī Góa ê thâukhoe;
　　以 法 蓮 是 我 的 頭 盔；

7d　　　　Iûtāi sī Góa ê koânsè .
　　　　猶 大 是 我 的 權 勢。

8a　Mô͘ap beh chòe Góa ê e̍kphûn;
　　摩 押 必 做 我 的 浴 盆；
　　Góa beh hiat Góa ê ôe tī Ítong, hō͘ siâⁿ pìⁿ thô͘hún,
　　我 必 擲 我 的 鞋 在 以東， 使 城 變 土 粉，

8b　　　Huilīsūtōe ah, lí inūi Góa tōasiaⁿ hoah ná chông, chúi ná kún.
　　　　非 利 士 地 啊,你 因為 我 大 聲 喝 若 蹌， 水 愈 滾。

9a　Chú ah , siáⁿlâng ōe chhōa góa ji̍p kiankò͘ ê siâⁿ?
　　主 啊，啥 人 會 導 我 入 堅 固 的 城？

9b　　　Siáⁿlâng ōe chhōa góa ji̍p Í tong ê tōe bô kiaⁿ? 　　
　　啥 人 會 導 我 入 以 東 的 地 無 驚？

10a　Siōngtè ah , Lí kiám m̄ sī khìsak goán mah?
　　　上 帝 啊，你 豈 不 是 棄 拺 阮 嗎？

10b　　　Siōngtè ah , Lí bô kap goán ê kunpeng saⁿkap chhut mah?
　　　　　上 帝 啊，你 無 與 阮 的 軍 兵 相 及 出 嗎？

11a　Kiû Lí pangchān goán kongkek tùite̍k;
　　　求 你 幫 助 阮 攻 擊 對 敵；

11b　　　Inūi lâng ê chínkiù sī khangkhang bô līek .
　　　　　因 為 人 的 拯 救 是 空 空 無 利 益。

12a　Goán óakhò Siōngtè , chòechiâⁿ tōa tāichì;
　　　阮 倚 靠 上 帝，做 成 大 事 情；

12b　　　Inūi thúnta̍h goán ê tùite̍kê , chiūsī I .
　　　　　因 為 踐 踏 阮 的 對 敵 的，就 是 祂。