《押韻啟應詩篇》

 | | | 轉寄

台語押韻啟應詩篇 62

作者 Tīⁿ Jîgio̍k 2007.03.18

62　　Tāipi̍t ê si , chiàu Iâtō͘tùn ê chòehoat ; kau hō͘ Ga̍kkoaⁿ.

1a　Góa ê sim chēngchēng khutkē , choanbū thènghāu Siōngtè ,
　　我 的 心 靜 靜 屈 低，專 務 聽 候 上 帝，

1b　　　Góa ê chínkiù sī tùi I chhutlâiê .
　　　　我 的 拯 救 是 對 祂 出 來 的。

2a　To̍kto̍k I sī góa ê chio̍hpôaⁿ,
　　獨 獨 祂 是 我 的 石 磐 ，

2b　　　Chínkiù góa ê soaⁿ.
　　　　拯 救 我 的 山。

2c　I sī góa ê koântâi ,
　　祂 是 我 的 高 台，

2d　　　Góa bōe tōa iô tāng chūchāi.
　　　　我 不 大 搖 動 自 在。

3a　Lín tāike kongkek lâng,
　　恁 大 家 攻 擊 人，

3b　　　Chiong i húihoāi bô làng,
　　　　將 他 毀 壞 無 閬，

3c　Chhinchhiūⁿ húihoāi khichhiâ ê chhiûⁿ,
　　親 像 毀 壞 攲 斜 的 牆 ，

3d　　　Beh tó ê piah chi̍tiūⁿ.
　　　　欲 倒 的 壁 一 樣 。

4a　In saⁿkap kèbô͘ chhamgī ,
　　伊 相 與 計 謀 參 議。

4b　　　Choanbū beh tùi i chunkùi ê ūi kā i chhialo̍hkhì,
　　　　專 務 欲 對 他 尊 貴 的位 給 他 捙 落 去，

4c　In hoaⁿhí pe̍hchha̍t bô siū ioksok,
　　伊 歡 喜 白 賊 無 受 約 束，

4d　　　In chhùi chiokhok, sim chiùchó͘ okto̍k.
　　　　伊 嘴 祝 福，心 咒 詛 惡 毒。

5a　Góa ê sîn ah , lí tio̍h chēngchēng, choanbū thènghāu Chú,
　　我 的 神 啊，你 著 靜 靜 ， 專 務 聽 候 主，

5b　　　Inūi góa ê ǹgbāng sī tùi I chiah ū .
　　　　因 為 我 的 盼 望 是 對 祂 才 有。

6a　To̍kto̍k I sī góa ê chio̍hpôaⁿ,
　　獨 獨 祂 是 我 的 石 磐，

6b　　　Sī chínkiù góa ê soaⁿ,
　　　　是 拯 救 我 的 山，

6c　I sī góa ê koântâi,
　　祂 是 我 的 高 台，

6d　　　Góa bōe iôtāng chūchāi.
　　　　我 不 搖 動 自 在。

7a　Góa ê chínkiù, góa ê êngkng, chāitī Siōngtè ;
　　我 的 拯 救，我 的 榮 光， 在 於 上 帝；

7b　　　Góa ê khùila̍t ê goâniû , góa ê siámpī ê ,
　　　　我 的 氣 力 的 源 由，我 的 閃 避 者，
　　　　ia̍h chāitī Siōngtè . 　　
　　亦 在 於 上 帝。

8a　Lín chèng pehsìⁿ,
　　恁 眾 百 姓，

8b　　　Tio̍h sî sî óakhò I ;
　　　　著 時 時 倚 靠 祂；

8c　Tī I ê bīnchêng piàⁿchhut lín ê simì ,
　　在 祂 的 面 前 傾 出 恁 的 心 意，

8d　　　Siōngtè sī lán tôsiám ê só͘chāi, thang hō͘ lán bih .
　　　　上 帝 是 咱 逃 閃 的 所 在， 通 讓 咱 匿。

9a　Pi bî ê lâng chinchiàⁿ sī khanghi ,
　　卑 微 的 人 真 正 是 空 虛，

9b　　　Chunkùi ê lâng iā sī .
　　　　尊 貴 的 人 也 是。

9c　Hē tī thianphêngóaⁿ, tekkhak phûkhílâi ,
　　下 在 天 秤 碗， 的 確 浮 起 來，

9d　　　In itkhài pí ho͘khip ê khì khahkhin ná tînai .
　　　　伊 一 概 比 呼 吸 的 氣 較 輕 如 塵 埃。

10a　M̄ thang óakhò pōgio̍k,
　　　不 通 倚 靠 暴 虐，

10b　　　M̄ thang inūi chhiúⁿthe̍h lâi kiaungō͘ boánchiok;
　　　　　不 通 因 為 搶 提 來 驕 傲 滿 足；

10c　Nā châipó ke thiⁿ,
　　　若 財 寶 加 添，

10d　　　M̄ thang chùì hiahê chîⁿ.
　　　　　不 通 注 意 那 些 錢。

11a　Siōngtè kóng chi̍thāng tāichì,
　　　上 帝 講 一 項 事 情，

11b　　　Góa ū thiaⁿkìⁿ nn̄ghāng tāichì,
　　　　　我 有 聽 見 兩 項 事 情，
　　　　chiūsī koânlêng sio̍k tī Siōngtè I kakī .
　　　　　就 是 權 能 屬 在 上 帝 祂 自 己。

12a　Chú ah , chûài ia̍h sī sio̍k tī Lí ;
　　　主 啊， 慈 愛 亦 是 屬 在 你；

12b　　　In ūi Lí chiàu ta̍klâng ê só͘kiâⁿ lâi pòèng i .
　　　　　因 為 你 照 逐 人 的 所 行 來 報 應 他。