《押韻啟應詩篇》

 | | | 轉寄

台語押韻啟應詩篇 65

作者 Tīⁿ Jîgio̍k 2007.04.08

65　　Tāipi̍t ê sikoa , kau hō͘ Ga̍kkoaⁿ.

1a　Siōngtè ah , tī Sekan ū lâng o ló teh thènghāu Lí ;
　　上 帝 啊，在 錫 安 有 人 讚美 在 等 候 你；

1b　　　Ia̍h beh tùi Lí siā só͘ hē ê goān lâi kèngpài Lí .
　　　　亦 要 對 你 謝 所 下 的 願 來 敬 拜 你。

2a　Thiaⁿ lâng kî tó ê Chú, chhiáⁿ Lí àⁿ hī,
　　聽 人 祈 禱 的 主， 請 你 俯 耳，

2b　　　Kìⁿ ū hiatkhìê lóng beh chiūkūn Lí .
　　　　凡 有 血 氣 的 攏 要 就 近 你。

3a　Chōeok khah iâⁿ góa hoānchōe.
　　罪 惡 較 贏 我 犯 罪。

3b　　　Lūnkàu goán ê chōe, Lí lóng beh sio̍khôe.
　　　　論 到 阮 的 罪， 你 攏 要 贖 回。

4a　Lí só͘ kéngsoánê , hō͘ i chhinkūn Lí,
　　你 所 揀 選 的，使 他 親 近 你，

4b　　　Tiàm tī Lí ê iⁿ lāiê , chithōlâng ū hokkhì;
　　　　站 在 你 的 院 內 的，此 號 人 有 福 氣；

4c　Goán beh inūi Lí ê pópì, Lí ê sèngtiān ê hokkhì,
　　阮 要 因 為 你 的 保 庇，你的 聖 殿 的 福 氣，

4d　　　Lâi simmóa ìchiok hoaⁿhí.
　　　　來 心 滿 意 足 歡 喜。

5a　Siōngtè ah , Lí ū kiù goán,
　　上 帝 啊，你 有 救 阮，

5b　　　Lí beh ēng uigiâm, péng konggī lâi ìn goán;
　　　　你 要 用 威 嚴， 秉 公 義 來 應 阮；

5c　Lí sī tōeke̍k kap háibīn hn̄ghn̄g ê lâng,
　　你 是 地 極 及 海 面 遠 遠 的 人，

5d　　　Lóngchóng só͘ óakhò ê ǹgbāng.
　　　　攏 總 所 倚 靠 的 盼 望。

6a　I í keng ēng tōa koânlêng hâ io;
　　祂 已 經 用 大 權 能 縖 腰；

6b　　　Chiū ēng I ê khùila̍t antiāⁿ chiahê soaⁿ hō͘ bōe iô .
　　　　就 用 祂 的 氣 力 安 定 諸 個 山 使 不 搖。

7a　Chiahê hái hoahoaháu,
　　諸 個 海 嘩 嘩 吼，

7b　　　Kap kîtiong háiéng hoahoaháu,
　　　　與 其 中 海 湧 嘩 嘩 吼，

7c　Í ki̍p bān pehsìⁿ ê soanhoa,
　　以及 萬 百 姓 的 喧 嘩，

7d　　 I hō͘ in pêngchēng m̄ káⁿ hoah.
　　　　祂使 伊 平 靜 不 敢 喊。

8a　Khiākhí tōeke̍k ê lâng it khài,
　　居 起 地 極 的 人 一 概，

8b　　　In ūi Lí ê sînjiah lâi kiaⁿhiâⁿ;
　　　　因 為 你 的 神 蹟 來 驚 惶；

8c　Ji̍tchhut ji̍tlo̍h ê só͘chāi,
　　日 出 日 落 的 所 在，

8d　　　Lí hō͘ in lóng hoaⁿhí chhutsiaⁿ.
　　　　你 使 伊 攏 歡 喜 出 聲。

9a　Lí koànkò͘ thó͘tōe,
　　你 眷 顧 土 地，

9b　　　Lo̍hhō͘ koànak , hō͘ i chiâⁿchòe pûitōe,
　　　　落 雨 灌 沃，使 它 成 做 肥 地，

9c　Siōngtè ê hô , ū liónghōaⁿ,
　　上 帝 的 河，有 兩 岸，

9d　　　I ê chúi móamóa;
　　　　它 的 水 滿 滿；

9e　Lí ánni pīpān thó͘tōe,
　　你 按 呢 備 辦 土 地，

9f　　　Chiūsī thòe lâng pīpān gō͘kak chhàisoe.
　　　　就 是 替 人 備 辦 五 穀 菜 蔬。

10a　Lí koànak chhânhn̂g,
　　　你 灌 沃 田 園，

10b　　　Móa i ê kau, siupîⁿ i ê lêng tn̂gtn̂g,
　　　　　滿 它 的 溝， 修 平 它 的 稜 長 長，

10c　Lo̍h hó ê hō͘chúi kàu thiⁿkng,
　　　落 好 的 雨 水 到 天 光，

10d　　　Hō͘ thó͘tōe nńgnńg;
　　　　　使 土 地 軟 軟；

10e　Kîtiong só͘ hoatsiⁿê ,
　　　其 中 所 發 生 的，

10f　　　　Tit tio̍h Lí sùhok chòe hiànchè.
　　　　　得 著 你 賜 福 做 獻 祭。

11a　Lí ēng Lí ê untián chòe nîtang ê biánliû,
　　　你 用 你 的 恩 典 做 年 冬 的 冕 旒，

11b　　　Lí ê lō͘kèng lóng ū teh tih ê iû .
　　　　　你 的 路 徑 攏 有 在 滴 的 油。

12a　Tih tī khòngiá ê chháupo͘;
　　　滴 在 曠 野 的 草 埔；

12b　　　Soaⁿthâu ēng hoaⁿhí chòe tòa lâi hâ io pō͘ .
　　　　　山 頭 用 歡 喜 做 帶 來 縖 腰 部。

13a　Chháupo͘ ēng iûⁿkûn chòe saⁿ lâi chhēng;
　　　 草 埔 用 羊 群 做 衫 來 穿 ；
　　 Soaⁿkok ēng gō͘kak chòe moa lâi khàm móakéng.
　　　 山 谷 用 五 穀 做 幔 來 蓋 滿 境。

13b　　　In lóng hoaⁿhí chhutsiaⁿ, lâi gîmsi o ló tōa koânlêng.
　　　　　伊 攏 歡 喜 出 聲，來 吟 詩 讚 美 大 權 能。