《押韻啟應詩篇》

 | | | 轉寄

台語押韻啟應詩篇 6

作者 Tīⁿ Jîgio̍k 2006.02.05

Tāipi̍t ê si, kauhō͘ Ga̍kkoaⁿ; ēng sihiân ê ga̍kkhì; tiāu, ēng tē poeh.

1a　Iâhôhoa ah, m̄ thang tī Lí ê siūkhìtiong chekpī góa,
　　耶 和 華 啊，不 通 在 您 的 怒 氣 中 責 備 我，
1b　　　Ia̍h m̄ thang tī Lí tōa siūkhìtiong khiànchek góa.
　　　　亦 不 通 在 您 大 怒 氣 中 譴 責 我。

2a　Iâhôhoa ah, kiû Lí khólîn góa,
　　耶 和 華 啊，求 您 可 憐 我，
2b　　　Inūi góa soelám teh beh hoa,
　　　　因 為 我 衰 弱 將 要 熄，

2c　Iâhôhoa ah, kiû Lí i tī góa,
　　耶 和 華 啊， 求 您 醫治 我，
2d　　　Inūi góa ê kutthâu ngia̍uhngia̍uhchhoah.
　　　　因 為 我 的 骨 頭 蠕 蠕 惙 。

3a　Góa ê sim tōatōa kiaⁿhiâⁿ teh hánhoah;
　　我 的 心 大 大 驚 惶 在 喊 喝；
3b　　　Iâhôhoa ah, Lí beh kàu tīsî chiah kiù góa?
　　　　耶 和 華 啊， 您 要 到 底 時 才 救 我？

4a　Iâhôhoa ah, kiû Lí oa̍ttòtńg kiù góa ê sìⁿmiā;
　　耶 和 華 啊，求 您 越 倒 轉 救 我 的 性 命；
4b　　　Ūi tio̍h Lí ê chûài lâi kiù góa tômiā.
　　　　為 著 您 的 慈 愛 來 救 我 逃 命。

5a　Inūi sí bô ê tiongkan, bô kìliām Lí ;
　　因 為 死 亡 的 中 間， 無 紀 念 您；
5b　　　Imhú ê tiongkan, siáⁿlâng kámsiā Lí ?
　　　　陰 府 的 中 間， 甚 人 感 謝 您？

6a　Góa inūi haiⁿhaiⁿchhan lâi iàsiān, sengkhu sngnńg,
　　我 因 為 哼 哼 孱 來 厭 倦 、 身 軀 酸 軟，
6b　　　Góa ta̍kmî lâu ba̍ksái, im góa ê bînchhn̂g,
　　　　我 逐 暝 流 目 屎，淹 我 的 眠 床，
　　　　sipthàu góa ê jio̍k'á kàu thiⁿkng.
　　　　濕 透 我 的 褥 仔 到 天 光。

7a　Góa inūi iubūn, ba̍kchiu phahpháiⁿ chiāmchiām soe,
　　我 因 為 憂 悶， 目 珠 打 歹 漸 漸 衰，
7b　　　Koh inūi góa itchhè ê tùite̍k lâi ba̍kchiu hoe.
　　　　又 因 為 我 一 切 的 對 敵 來 目 珠 花。

8a　Lín itchhè chòe pháiⁿ ê lâng, tio̍h līkhui góa;
　　恁 一 切 做 歹 的 人， 著 離 開 我；
8b　　　Inūi Iâhôhoa thiaⁿkìⁿ góa thîkhàu ê siaⁿ bô soah.
　　　　因 為 耶 和 華 聽 見 我 啼 哭 的 聲 無 息。

9a　Iâhôhoa ū thiaⁿ góa ê khúnkiû kap kîtó ,
　　耶 和 華 有 聽 我 的 懇 求 及 祈 禱，
9b　　　Iâhôhoa beh chiapla̍p góa ê kî tó .
　　　　耶 和 華 要 接 納 我 的 祈 禱。

10a　Góa ê tùite̍k lóng beh kiànsiàu,
　　我 的 對 敵 攏 要 見 誚，
　　tōatōa kiaⁿhiâⁿ chia̍h bōe siau,
　　大 大 驚 惶 食 未 消，
10b　　　In beh thè tò tńg, hutjiân kiànsiàu.
　　　　伊 要 退 倒 轉， 忽 然 見 誚。