《押韻啟應詩篇》

 | | | 轉寄

台語押韻啟應詩篇 7

作者 Tīⁿ Jîgio̍k 2006.02.12

7 Tāipi̍t chí Piānngábínlâng Kó͘si̍t ê ōe, ǹg Iâhôhoa chhiùⁿkoa; tiāu, ēng Sikaiun.

1a　Iâhôhoa góa ê Siōngtè ah , góa óakhò Lí ;
　　耶　和　華　我　的　上　帝　啊，　我　倚　靠　Lí；
1b　　　Kiû Lí kiù góa tùi itchhè tuikóaⁿ góa ê lâng kiù góa tô siⁿ.
　　　　求　Lí　救　我　從　一　切　追　趕　我　的　人　 救　我　逃　生。

2a　Kiaⁿliáu i chhinchhiūⁿ sai, thiahli̍h góa;
　　驚 了 他 親 像 獅， 拆 裂 我；
2b　　　Iā bô lâng lâi chínkiù góa.
　　　　也 無 人 來 拯 救 我。

3a　Iâhôhoa góa ê Siōngtè ah , góa siatsú ū símmi̍h putgī ;
　　耶 和 華 我 的 上 帝 啊，我 設 使 有 甚 麼 不 義；
3b　　　Nā ū chōeok tī góa ê chhiúni̍h.
　　　　若 有 罪 惡 在 我 的 手 裡。

4a　Góa nā ēng pháiⁿ pò hit ê kap góa hôhó ê lâng;
　　我 若 用 歹 報 彼 個 與 我 和 好 的 人；
4b　　　( Kîsi̍t liân hitê bô iânkò͘ kap góa chòe tùite̍k ê lâng,
　　　　其 實 連 彼 個 無 原 故 與 我 做 對 敵 的 人，
　　　　góa ia̍h ū kiù i thoat lôbāng.)
　　　　我 亦 有 救 他 脫 羅 網。

5a　Chiū chhutchāi tùite̍k tuiji̍p góa, kàu ji̍p tio̍h;
　　就 出 在 對 敵 追 入 我， 到 入 著；
5b　　　Chiong góa ê sìⁿmiā ta̍h chòe thô͘khachio̍h,
　　　　將 我 的 性 命 踏 做 土 腳 石，
　　　　chiong góa ê êngkng hē tī thô͘hún bián pó sioh.
　　　　將 我 的 榮 光 下 在 土 粉 免 寶 惜。

6a　Iâhôhoa ah, kiû Lí tī Lí ê siūkhìtiong khílâi,
　　耶 和 華 啊，求 (fa50) 在 (fa50) 的 怒 氣 中 起 來，
6b　　　Pehkhílâi khiā chāi títng góa ê tùite̍k ê tōa hāmhāi.
　　　　爬 起 來 徛 在 抵 擋 我 的 對 敵 的 大 陷 害。

6c　Kiû Lí ūi tio̍h góa lâi chhíⁿ koh khòaⁿ,
　　求 Ｌｉ２ 為 著 我 來 醒 又 看，
6d　　　Chiàu Lí só͘ tiāⁿ tio̍h lâi chòe símphòaⁿ.
　　　　照　Ｌｉ２ 所 定 著 來 作 審 判。

7a　Goān Lí hō͘ lia̍tpang ûilûi tī Lí ê bīnchêng,
　　願　Ｌｉ２ 使 列 邦 圍 壘 在　Ｌｉ２ 的 面 前，
7b　　　Goān Lí tòtńg tī koânūi tī in ê bīn téng.
　　　　願　Ｌｉ２ 倒 轉 在 高 位 在 伊 的 面 頂。

8a　Iâhôhoa ah , kiû Lí símphòaⁿ chèng pehsìⁿ;
　　耶 和 華 啊， 求　Ｌｉ２ 審 判 眾 百 姓；
8b　　　Iâhôhoa ah, kiû Lí phòaⁿtoàn góa, chiàu líkhì,
　　　　耶 和 華 啊，求　Ｌｉ２ 判 斷 我，照 理 氣，
　　　　chiàu góa simlāi ê chèngti̍t kap góa ê gī .
　　　　照 我 心 內 的 正 直 及 我 的 義。

9a　Goān pháiⁿlâng ê pháiⁿ kàu chia soah,
　　願 歹 人 的 歹 到 此 息，
　　gīlâng Lí hō͘ i khiāchāi bô iôchoah,
　　義 人　Ｌｉ２ 使 他 徛 在 無 搖 泏，
9b　　　Inūi konggī ê Siōngtè
　　　　因 為 公 義 的 上 帝
　　　　kàmchhat lâng ê simtn̂g oe̍h á sī khoah.
　　　　鑑 察 人 的 心 腸 狹 或是 闊。

10a　Góa ê tînpâi chāitī Siōngtè ,
　　我 的 盾 牌 在 於 上 帝，
10b　　　I chínkiù simlāi chèngti̍t ê lâng chi̍tê chi̍tê .
　　　　祂 拯 救 心 內 正 直 的 人 一 個 一 個。

11a　Siōngtè sī konggī ê símphòaⁿsi ;
　　上 帝 是 公 義 的 審 判 司；
11b　　　Ia̍h sī ji̍tji̍t hoatchhut I ê siūkhì.
　　　　亦 是 日 日 發 出 祂 的 怒 氣。

12a　Lâng nā m̄ hoánhóe káikò ,
　　人 若 不 反 悔 改 過，
12b　　　I beh bôa I ê to ;
　　　　祂 要 磨 祂 的刀；

12c　I ū tiuⁿ I ê keng,
　　祂 有 張 祂 的 弓，
12d　　　Pīpān piānpiān, siòng chengcheng.
　　　　備 辦 便 便， 相 精 精 。

13a　I pīpān ōe hō͘ lâng sí ê kesi ,
　　祂 備 辦 會 使 人 死 的 机 俬，
13b　　　I só͘ siā ê chìⁿ sī hé ê chìⁿ.
　　　　祂 所 射 的 箭 是 火 的 箭。

14a　Lí khòaⁿ, pháiⁿlâng tô͘bô͘ kanok ,
　　Ｌｉ２ 看， 歹 人 圖 謀 奸 惡，
14b　　　Hoâiīn to̍khāi, siⁿchhut huké siâok .
　　　　懷 孕 毒 害， 生 出 虛 假 邪 惡。

15a　I khui khut, ku̍t hō͘ i ná chhimkhiⁿ,
　　他 開 窟， 掘 使 它 若 深 坑，
15b　　　Kèngjiân poa̍hlo̍h tī i só͘ khui ê hāmkhiⁿ.
　　　　竟 然 跋 落 在 他 所 開 的 陷 坑。

16a　I ê to̍khāi beh tòtńg kàu i ê sengkhuténg;
　　他的 毒 害 要 倒 返 到 他的 身 軀 頂；
16b　　　I ê kiôngpō beh lo̍h tī i ê thâukhakténg.
　　　　他的 強 暴 要 落 在 他 的 頭 殼 頂。

17a　Góa beh chiàu Iâhôhoa ê konggī kámsiā I ;
　　我 要 照 耶 和 華 的 公 義 感 謝 祂；
17b　　　Koh o ló chìkoân Iâhôhoa ê miâjī.
　　　　又 讚 美 至 高 耶 和 華 的 名 字。