《押韻啟應詩篇》

 | | | 轉寄

台語押韻啟應詩篇 67

作者 Tīⁿ Jîgio̍k 2007.04.22

67　　Chi̍tphiⁿ sikoa ; kau hō͘ Ga̍kkoaⁿ ; ēng sihiân ê ga̍k khì .

1a　Goān Siōngtè lînbín goán sùhok goán;
　　願 上 帝 憐 憫 阮 賜 福 阮；

1b　　　Hō͘ I ê bīn chiòkng goán;
　　　　使 祂 的 面 照 光 阮；

2a　Thang hō͘ sè kài chai Lí ê tō lō͘ ,
　　通 使 世 界 知 你 的 道 路，

2b　　　Bānkoktiong chai Lí ê kiùun hoattō͘ .
　　　　萬 國 中 知 你 的 救 恩 法 度。

3a　Siōngtè ah , goān lia̍tpang o ló Lí;
　　上 帝 啊， 願 列 邦 讚 美 你；

3b　　　Goān lia̍tpang lóng o ló Lí.
　　　　願 列 邦 攏 讚 美 你。

4a　Goān bānkok khoàilo̍k, chhut hoaⁿhí ê siaⁿ saⁿ hílo̍k.
　　願 萬 國 快 樂，出 歡 喜 的 聲 相 喜 樂。

4b　　　Inūi Lí beh chiàu kongtō símphòaⁿ lia̍tkok, chiàu ioksok,
　　　　因 為 你 要 照 公 道 審 判 列 國， 照 約 束，
　　　　tī lí tōechiūⁿ ê bānkok.
　　　　治 理 地 上 的 萬 國。

5a　Siōngtè ah , goān lia̍tpang o ló Lí ;
　　上 帝 啊， 願 列 邦 讚 美 你；

5b　　　Goān lia̍tpang lóng o ló Lí .
　　　　願 列 邦 攏 讚 美 你。

6a　Tōe í keng chhut thó͘sán hō͘ goán,
　　地 已 經 出 土 產 給 阮，

6b　　　Siōngtè , chiūsī goán ê Siōngtè , beh sùhok goán.
　　　　上 帝，就 是 阮 的 上 帝，要 賜 福 阮。

7a　Siōngtè beh sùhok goán chiàusî ;
　　上 帝 要 賜 福 阮 照 時；

7b　　　Tōe ê sì ke̍k lóng beh kèngùi I .
　　　　地 的 四 極 攏 要 敬 畏 祂。