《押韻啟應詩篇》

 | | | 轉寄

台語押韻啟應詩篇 69b

作者 Tīⁿ Jîgio̍k 2007.05.20

69　　Tāipi̍t ê si , kau hō͘ Ga̍kkoaⁿ ; tiāu sī ēng “Pekha̍phoe” .

18a　Kiû Lí chhinkūn góa ê lênghûn, lâi kiùsio̍k i ;
　　　求 你 親 近 我 的 靈 魂， 來 救 贖 他；

18b　　　Kiû Lí inūi góa ê tùite̍k, lâi sio̍khôe góa cháulī .
　　　　　求 你 因 為 我 的 對 敵，來 贖 回 我 走 離。

19a　Lí chai góa só͘ siū ê lóemē, kiànsiàu, lêngjio̍k;
　　　你 知 我 所 受 的 詈 罵，見 誚， 凌 辱；

19b　　　Góa ê tùite̍k lóng tī Lí ê bīnchêng teh bújio̍k.
　　　　　我 的 對 敵 攏 在 你 的 面 前 在 侮 辱。

20a　Lóemē í keng thiahli̍h góa ê sim,
　　　詈 罵 已 經 拆 裂 我 的 心，

20b　　　Góa ê iubūn móamóa kuisim,
　　　　　我 的 憂 悶 滿 滿 歸 心，

20c　Góa ǹgbāng lâng khólîn, iā bô chi̍tê ,
　　　我 盼 望 人 可 憐，也 無 一 個，

20d　　　Ǹgbāng lâng an ùi, iā chhē bô chi̍tê .
　　　　　盼 望 人 安 慰，也 尋 無 一 個。

21a　In the̍h khó͘táⁿ, hō͘ góa chòe tiámsim,
　　　伊 提 苦 膽，給 我 做 點 心，

21b　　　Góa chhùita , in ēng chhò͘ hō͘ góa lim.
　　　　　我 嘴 乾，伊 用 醋 給 我 飲。

22a　Goān in ê iântoh, tī in ê bīnchêng pìⁿchòe lôbāng,
　　　願 伊 的 筵 桌， 在 伊 的 面 前 變 做 羅 網，

22b　　　Tī in pêngan ê sî , pìⁿchòe oa̍htauh ê khang.
　　　　　在 伊 平 安 的 時，變 做 活 罩 的 孔 。

23a　Goān in ê ba̍kchiu o͘àm bōe khòaⁿkìⁿ pòaⁿchōa,
　　　願 伊 的 目 珠 黑 暗 不 看 見 半 行。

23b　　　Goān Lí hō͘ in ê io siôngsiông gīgīchhoah.
　　　　　願 你 使 伊 的 腰 常 常 栗 栗 擦 。

24a　Goān Lí ê thònghūn piàⁿ tī in ê sinchiūⁿ;
　　　願 你 的 痛 恨 傾 在 伊 的 身 上 ；

24b　　　Hō͘ Lí lia̍tlia̍t ê siūkhì ji̍p tio̍h in , hō͘ in kíntiuⁿ.
　　　　　使 你 烈 烈 的 受 氣 追 著 伊，使 伊 緊 張。

25a　Goān in khiākhí ê só͘chāi, pìⁿchòe phahng;
　　　願 伊 居 起 的 所 在， 變 做 拋 荒；

25b　　　Goān in pò͘pîⁿ ê só͘chāi, pìⁿchòe bô lâng khiākhí ê tōehng.
　　　　　願 伊 布 棚 的 所 在， 變 做 無 人 居 起 的 地 方。

26a　Inūi Lí só͘ phah hitê lâng, in iáukú khúnpek i ke thòngkhó͘,
　　　因 為 你 所 拍 彼 個 人， 伊 猶 久 窘 迫 他 加 痛 苦，

26b　　　Lí só͘ phahsiong hiahê lâng, in poaⁿtia̍h in ê iukhó͘.
　　　　　你 所 拍 傷 那 些 人， 伊 搬 摘 伊 的憂 苦。

27a　Goān Lí tī in ê chōe ê téngbīn ka chōe;
　　　願 你 在 伊 的 罪 的 頂 面 加 罪；

27b　　　Bo̍htit iôngún in ū hūn Lí ê sio̍khôe.
　　　　　莫 得 容 允 伊 有 份 你 的 贖 回。

28a　Goān in tùi oa̍hmiā ê chheh siū chhatbia̍t,
　　　願 伊 對 活 命 的 冊 受 擦 滅，

28b　　　Bô kì tī gī lâng ê tiongkan teh pâilia̍t.
　　　　　無 記 在 義 人 的 中 間 在 排 列。

29a　Chóngsī góa sī khùnkhó͘ iusiong ê chûnchāi,
　　　總 是 我 是 困 苦 憂 傷 的 存 在，

29b　　　Siōngtè ah , goān Lí ê kiùun antì góa tī koân ê só͘chāi.
　　　　　上 帝 啊，願 你 的 救 恩 安 置 我 在 高 的 所 在。

30a　Góa beh ēng sikoa o ló Siōngtè ê miâ,
　　　我 要 用 詩 歌 讚美 上 帝 的 名，

30b　　　Iā beh ēng kámsiā chheng I ê tōa chunmiâ.
　　　　　也 要 用 感 謝 稱 祂 的大 尊 名。

31a　Che sī hō͘ Iâhôhoa hoaⁿhí, iâⁿkè hiàn gû,
　　　這 是 使 耶 和 華 歡 喜，贏 過 獻 牛，

31b　　　Á sī hiàn ūkak ū tôe ê káng ê gû .
　　　　　抑 是 獻 有 角 有 蹄 的 牨 的 牛。

32a　Khiampi ê lâng khòaⁿkìⁿ chiū hoaⁿhí;
　　　謙 卑 的 人 看 見 就 歡 喜；

32b　　　Lín chhē Siōngtè ê lâng, goān lín ê sim oa̍hkhí.
　　　　　恁 尋 上 帝 的 人， 願 恁 的 心 活 起。

33a　Inūi Iâhôhoa thiaⁿ sònghiong ê lâng,
　　　因 為 耶 和 華 聽 貧 窮 的 人，

33b　　　Bô khòaⁿkhin ūi tio̍h I siū koaiⁿkaⁿ ê lâng.
　　　　　無 看 輕 為 著 祂 受 關 監 的 人。

34a　Goān thiⁿ kap tōe o ló I ;
　　　願 天 及 地 讚 美 祂；

34b　　　Hái kap kîtiong itchhè ê tōngbu̍t iā tio̍h oló I .
　　　　　海 及 其 中 一 切 的 動 物 也 著 讚美 祂。

35a　Inūi Siōngtè beh kiù Sekan,
　　　因 為 上 帝 欲 救 錫 安，

35b　　　Khíchō Iûtāi ê siâⁿ;
　　　　　起 造 猶 大 的 城；

35c　In beh khiākhí tī hia pêngan ,
　　　伊 要 居 起 在 彼 平 安，

35d　　　Tit tio̍h i chòegia̍p úntiāⁿ.
　　　　　得 著 它 做 業 穩 定。

36a I ê lô͘po̍k ê hō͘ è beh sòachiap i bôhān,
　　　祂的 奴 僕 的 後 裔 要 續 接 他 無 限，

36b　　　Thiàⁿ I ê miâ ê lâng beh tiàm tī hit tiongkan.
　　　　　愛 祂 的 名 的 人 要 站 在 彼 中 間。