《押韻啟應詩篇》

 | | | 轉寄

台語押韻啟應詩篇 70

作者 Tīⁿ Jîgio̍k 2007.05.27

70　　Tāipi̍t ê kìliām si; kau hō͘ Ga̍kkoaⁿ.

1a　Siōngtè ah , kiû Lí kínkín chínkiù góa;
　　上 帝 啊， 求 你 緊 緊 拯 救 我；

1b　　　Iâhôhoa ah, kiû Lí kínkín pangchān góa.
　　　　耶 和 華 啊，求 你 緊 緊 幫 助 我。

2a　Goān hiahê siàusiūⁿ góa ê sìⁿmiāê , kiànsiàu làukhùi;
　　願 那 些 數 想 我 的 性 命 的，見 誚 漏 氣；

2b　　　Goān hiahê hoaⁿhí góa siū hāmhāiê ,
　　　　願 那 些 歡 喜 我 受 陷 害 者,
　　　　oa̍ttòtńg siū lêngjio̍k laksui.
　　　　越 倒 轉 受 凌 辱 落 衰。

3a　Goān hiahê kóng: Ho͘hchāi, Ho͘hchāiê ,
　　願 那 些 講 ： 呼 哉， 呼 哉 者，

3b　　　Inūi kiànsiàu lâi oa̍ttòtńg soethè.
　　　　因為 見 誚 來 越 倒 轉 衰 退。

4a　Goān itchhè chhē Lí ê ,
　　願 一 切 尋 你 者，

4b　　　Inūi Lí hoaⁿhí khoàilo̍k bô soah.
　　　　因為 你 歡 喜 快 樂 無 息，

4c　Goān hiahê himbō͘ Lí kiùunê ,
　　願 那 些 欣 慕 你 救 恩 者，

4d　　　Siôngsiông kóng, “Tio̍h chun Siōngtè chòe tōa. ”
　　　　常 常 講： 「著 尊 上 帝 做 大。」

5a　Chóngsī góa sī khùnkhó͘ sònghiongê ,
　　總 是 我 是 困 苦 貧 窮 的，

5b　　　Siōngtè ah , kiû Lí kínkín kàu góa chia;
　　　　上 帝 啊，求 你 緊 緊 到 我 此；

5c　Lí sī pangchān góaê , chínkiù góaê ,
　　你 是 幫 助 我 的，拯 救 我 的，

5d　　　Iâhôhoa ah, kiû Lí m̄ thang iânchhiân teh khiā.
　　　　耶 和 華 啊，求 你 不 通 延 遲 在 khiā。