《押韻啟應詩篇》

 | | | 轉寄

台語押韻啟應詩篇 74

作者 Tīⁿ Jîgio̍k 2007.06.24

74　　Asat kàsī ê si.

1a　Siōngtè ah , Lí siáⁿsū éngoán pàngsak goán tāike ?
　　上 帝 啊，你 甚 事 永 遠 放 捨 阮 大 家？

1b　　　Lí siáⁿsū siūkhì Lí chháutiûⁿ ê iûⁿ choânthé,
　　　　你 甚 事 受 氣 你 草 場 的 羊 全 體，
　　　　chhinchhiūⁿ chhut hé ian teh sio chòe iāmhé ?
　　　　親 像 出 火 煙 在 燒 作 焰 火？

2a　Kiû Lí kìliām Lí chásî só͘ tit tio̍h ê chúbîn,
　　求 你 記 念 你 早 時 所 得 著 的 子 民，
　　chiūsī Lí só͘ sio̍khôe chòe gia̍p ê chiphài ê jînbîn,
　　 就 是 你 所 贖 回 做 業 的 支 派 的 人 民，

2b　　　Iā tio̍h kìliām Lí pêngsî só͘ khiākhí ê Sekan ê chūbîn.
　　　　也 著 記 念 你 平 時 所 居 起 的 錫 安 的 住 民。

3a　Kiû Lí kiâⁿ kàu hiahê kúkú phahng ê tē ,
　　求 你 行 到 那 些 久 久 拋 荒 的 地，

3b　　　Khòaⁿ tùite̍k tī sèngsó͘ itchhè só͘ húihoāiê . 　　 　 　　看 對 敵 在 聖 所 一 切 所 毀 壞 的。

4a　Lí ê tùite̍k tī Lí ê hōelāi hoahoaháu;
　　你 的 對 敵 在 你 的 會 內 譁 譁 吼；

4b　　　In khiā in ê kî chòe kìhō khoakháu.
　　　　伊 豎 伊 的 旗 做 記 號 誇 口 。

5a　In chhinchhiūⁿ lâng kia̍hkhí pó͘thâu,
　　伊 親 像 人 舉 起 斧 頭，

5b　　　Lâi chhò chhiūnâ ê chhiū kàu chhiūthâu.
　　　　來 剉 樹 林 的 樹 到 樹 頭。

6a　Sèngsó͘ ê lāibīn itchhè tiaukhekê ,
　　聖 所 的 內 面 一切 雕 刻 的，

6b　　　In hiānchāi ēng pó͘thâu kap thûi itchīn phahpháiⁿ kàu pîⁿtē .
　　　　伊 現 在 用 斧 頭 及 槌 一 盡 打 壞 到 平 地。

7a　In pànghé sio Lí ê sèngsó͘,
　　伊 放 火 燒 你 的 聖 所，

7b　　　Phah lâsâm Lí ê miâ só͘ khiākhí ê hōesó͘ , chiâⁿchòe pîⁿthô͘ !
　　　　扑 垃 墋 你 的 名 所 居 起 的 會 所，成 做 平 土！

8a　In simlāi kóng, “Lán tio̍h itchīn húihoāi in ; “
　　伊 心 內 講，「咱 著 一 盡 毀 壞 伊；」

8b　　　In tī piàntōe, chiong Siōngtè ê hōetn̂g lóng sioliokhì,
　　　　伊 在 遍 地， 將 上 帝 的 會 堂 攏 燒 燎 去，
　　　　hō͘ in hō͘ lâng khòaⁿ khin.
　　　　使 伊 受 人 看 輕。

9a　Goán bô khòaⁿkìⁿ goán ê tiāuthâu chísī , bô koh ū sianti ;
　　阮 無 看 見 阮 的 兆 頭 指 示，無 復 有 先 知；

9b　　　Goán tiongkan iā bô lâng chai beh kàu símmi̍h sî .
　　 阮 中 間 也 無 人 知 要 到 甚 麼 時。

10a　Siōngtè ah , tùite̍k kichhì beh kàu símmi̍h sî ah ?
　　　上 帝 啊，對 敵 譏 刺 要 到 甚 麼 時 啊？

10b　　　Kiûsiû siatto̍k Lí ê miâ beh kàu éngoán mah?
　　　　　仇 讎 褻 瀆 你 的 名 要 到 永 遠 嗎？

11a　Lí ūihô kiu Lí ê chhiú,
　　　你 為 何 縮 你 的 手，

11b　　　Chiūsī Lí ê chiàⁿchhiú?
　　　　　就 是 你 的 右 手？

11c　Kiû Lí tùi Lí ê hengchêng chhunchhutlâi ,
　　　求 你 對 你 的 胸 前 伸 出 來，

11d　　　Húibia̍t in bô chûnchāi.
　　　　　毀 滅 伊 無 存 在。

12a　Chóngsī Siōngtè tùi chá í lâi chòe góa ê Ông,
　　　總 是 上 帝 對 早 以 來 做 我 的 王，

12b　　　Tī tōeni̍h kiâⁿ chínkiù ê bānông ê Ông.
　　　　　在 地 裡 行 拯 救 的 萬 王 的 王。

13a　Lí bat ēng Lí ê koânlêng chiong hái punkhui;
　　　你 曾 用 你 的 權 能 將 海 分 開；

13b　　　Chiong chúitiong tōa tōngbu̍t ê thâukhak phah chhùi.
　　　　　將　　水 中 大 動 物 的 頭 殼 拍 碎 。

14a　Lí bat kòngchhùi go̍khî ê thâukhak chhùimimi,
　　　你 曾 摃 碎 鱷 魚 的 頭 殼 碎 綿 綿，

14b　　　Chiong i hō͘ khòngiá ê iá siù chòe chia̍hmi̍h.
　　　　　將 牠 讓 曠 野 的 野 獸 做 食 物。

15a　Lí bat punkhui chúigoân kap hô ê kunki ,
　　　你 曾 分 開 水 源 及 河 的 根 基，

15b　　　Lí bat hō͘ tn̂glâu ê kanghô takhì.
　　　　　你 曾 使 長 流 的 江 河 乾 去。

16a　Ji̍tsî sio̍k Lí , mîsî iā sio̍k Lí;
　　　日 時 屬 你，暝 時 也 屬 你；

16b　　　Kng kap ji̍tthâu sī Lí só͘ chúnpī .
　　　　　光 及 日 頭 是 你 所 準 備。

17a　Tōechiūⁿ itchhè ê kàihān sī Lí só͘ siattēng,
　　　地 上 一 切 的 界 限 是 你 所 設 定，

17b　　　Joa̍hthiⁿ kap tangthiⁿ sī Lí só͘ hunbêng.
　　　　　熱 天 及 冬 天 是 你 所 分 明。

18a　Iâhôhoa ah , kiû Lí kìtit , tùite̍k ū húipòng,
　　　耶 和 華 啊， 求 你 記 得，對 敵 有 誹 謗，

18b　　　Gōng ê pehsìⁿ siatto̍k Lí ê miâ engkai bia̍tbông.
　　　　　戇 的 百 姓 褻 瀆 你 的 名 應 該 滅 亡。

19a　Lí ê kachui ê sìⁿmiā,
　　　你 的 鳩 鵻 的 性 命，

19b　　　M̄ thang kau hō͘ iásiù chòe chia̍hsi̍t ;
　　　　　不 通 交 給 野 獸 做 吃 食；

19c　Lí sònghiong lâng ê oa̍hmiā,
　　　你 貧 窮 人 的 活 命，

19d　　　M̄ thang éngoán kā in bōekìtit .
　　　　　不 通 永 遠 將 伊 不 記 得。

20a　Kiû Lí siàuliām só͘ li̍p ê iok sī kiànsiat;
　　　求 你 數 念 所 立 的 約 是 建 設；

20b　　　Inūi tōechiūⁿ o͘àm ê só͘chāi móamóa sī kiôngpō ê châuhia̍t.
　　　　　因為 地 上 烏 暗 的 所 在 滿 滿 是 強 暴 的 巢 穴。

21a　Siū apchè ê lâng, m̄ thang hō͘ in kiànsiàu tòkhì;
　　　受 壓 制 的 人， 不 通 使 伊 見 誚 返 去；

21b　　　Khùnkhó͘ sònghiong ê lâng
　　　　　困 苦 貧 窮 的 人
　　　　tio̍h hō͘ in oló Lí ê miâ chòe hoaⁿhí.
　　　　　著 使 伊 讚美 你 的 名 作 歡 喜。

22a　Siōngtè ah , kiû Lí khílâi hunsò͘ , sī ūi Lí kakī .
　　　上 帝 啊，求 你 起 來 分 訴，是 為 你 自 己。

22b　　　Tio̍h kìtit gōnglâng thongji̍t cháiⁿiūⁿ teh húipòng Lí .

　　　　　著 記 得 戇 人 通 日 怎 樣 在 誹 謗 你。

23a　Kiû Lí m̄ thang bōekìtit Lí ê tùite̍k ê siaⁿ;
　　　求 你 不 通 不 記 得 你 的 對 敵 的 聲；

23b　　　Chiūsī hiahê khílâi kongkek Lí ê miâ, 　　 　　　就 是 那 些 起 來 攻 擊 你 的 名，
　　　　in siôngsiông teh hánhoah ê siaⁿ.
　　　　　伊 常 常 在 喊 喝 的 聲。