《押韻啟應詩篇》

 | | | 轉寄

台語押韻啟應詩篇 75

作者 Tīⁿ Jîgio̍k 2007.07.01

75　　Asat ê sikoa , kau hō͘ Ga̍kkoaⁿ ; tiāu sī ēng “Bo̍htit húihoāi ê ”,

1a　Siōngtè ah , goán kámsiā Lí ;
　　上 帝 啊， 阮 感 謝 你；
　　Goán kámsiā Lí , inūi Lí ê miâ tī sinpiⁿ,
　　阮 感 謝 你，因 為 你 的 名 在 身 邊，

1b　　　Lâng pòiông Lí kîbiāu ê só͘chòe kàu chhenglí .
　　　　人 報 揚 你 奇 妙 的 所 做 到 千 里。

2a　Góa kàu tiāⁿ tio̍h ê ji̍t kî sî tōaⁿ,
　　我 到 定 著 的 日 期 時 段，

2b　　　Góa beh chiàu chèngti̍t símphòaⁿ.
　　　　我 要 照 正 直 審 判 。

3a　Tōe kap tōechiūⁿ khiākhí ê pehsìⁿ lóng ōe iûⁿ iā ōe siau,
　　地 及 地 上 居 起 的 百 姓 攏 會 溶 也 會 消，

3b　　　Góa chimchiok khiāchāi tī tōe ê thiāu.
　　　　我 斟 酌 徛 住 在 地 的 柱。

4a　Góa tùi kiaungō͘ ê lâng kóng: “Bo̍htit kiaungō͘;“
　　我 對 驕 傲 的 人 講 ：「莫 得 驕 傲；」

4b　　　Tùi pháiⁿlâng kóng: “Bo̍htit kia̍hkhí lí ê kak hó͘ⁿtò͘ .
　　　　對 歹 人 講 ：「莫 得 舉 起 你 的 角 好 鬥。

5a　Bo̍htit koânkoân kia̍hkhí lí ê kak bô àⁿio .
　　莫 得 高 高 舉 起 你 的 角 無 俯 腰，

5b　　　Bo̍htit ngī lí ê āmkún lâi kóngōe chhèngchhèngkiò.”
　　　　莫 得 硬 你 的 頷 頸 來 講 話 衝 衝 叫。」

6a　Inūi m̄ sī tùi tang, m̄ sī tùi sai,
　　因 為 不是 對 東， 不 是 對 西，

6b　　　Ia̍h m̄ sī tùi lâm lâi tit tio̍h kúkhí khiāchāi.
　　　　亦 不是 對 南 來 得 著 舉 起 khiā 在。

7a　Thianhā chíū Siōngtè sī phòaⁿtoàn,
　　天 下 只 有 上 帝 是 判 斷，

7b　　 I hō͘ chitê kàngkē , hō͘ hit ê sengkoân.
　　　　祂 使 此 個 降 低，使 彼 個 昇 高。

8a　Iâhôhoa chhiúni̍h ū poe, kîtiong ê chiú khí phe̍h khílâi ,
　　耶 和 華 手 裡 有 杯，其 中 的 酒 起 沫 起 來，

8b　　　Poelāi ū kèthàu ê chiú móapoe, I piàⁿchhutlâi ;
　　　　杯 內 有 過 摻 的 酒 滿 杯，祂 傾 出 來；

8c　Tōechiūⁿ ê pháiⁿlâng beh lóng lim chitê chiú ê chetái ,
　　地 上 的 歹 人 要 攏 飲 此 個 酒 的 渣 滓，

8d　　　Lim kàu liáuliáu pìⁿ taitai .
　　　　飲 到 了 了 變 呆 呆。

9a　To̍kto̍k góa pò iông ti̍tkàu éngoán bô thè,
　　獨 獨 我 報 揚 直 到 永 遠 無 退，

9b　　　Góa beh chhiùⁿkoa o ló Ngákok ê Siōngtè .
　　　　我 要 唱 歌 讚 美 雅 各 的 上 帝。

10a　Pháiⁿlâng itchhè ê kak, góa beh chàmtn̄g;
　　　歹 人 一 切 的 角， 我 要 斬 斷；

10b　　　Gīlâng ê kak, beh tit tio̍h kúkhí tit êngkng. 　　
　　　義 人 的 角， 要 得 著 舉 起 得 榮 光。