《押韻啟應詩篇》

 | | | 轉寄

台語押韻啟應詩篇 77

作者 Tīⁿ Jîgio̍k 2007.07.15

77　　Asat ê si, Iâtō͘tùn ê chòehoat ; kau hō͘ Ga̍kkoaⁿ.

1a　Góa beh tùi Siōngtè chhutsiaⁿ, kiûkiò I ê miâ;
　　我 要 對 上 帝 出 聲， 求 叫 祂 的 名；

1b　　　Góa tùi Siōngtè chhutsiaⁿ, I beh àⁿ hīkhang lâi thiaⁿ.
　　　　我 對 上 帝 出 聲，祂 要 俯 耳 孔 來 聽。

2a　Tī góa hoānlān ê ji̍t góa chhē Chú;
　　在 我 患 難 的 日 我 尋 主；

2b　　　Góa tī mîsî kia̍hkhí chhiú kúkú,
　　　　我 在 瞑 時 舉 起 手 久 久，
　　　　Góa ê sim m̄ khéng siū anùi piàn khanghu.
　　　　我 的 心 不 肯 受 安 慰 變 空 虛。

3a　Góa siàuliām Siōngtè , chiū pehpak giông beh sí ,
　　我 思 念 上 帝， 就 擘 腹 卬 要 死，

3b　　　Góa chēngchēng siūⁿ, simsîn hūnkhì.
　　　　我 靜 靜 想， 心 神 昏 去。

4a　Lí hō͘ góa ê ba̍kchiu bô chi̍tsî khoeh;
　　你 使 我 的 目 珠 無 一 時 瞌；

4b　　　Góa hoânló kàu lóng bōe kóng ōe .
　　　　我 煩 惱 到 攏 不 講 話。

5a　Góa tuiliām kó͘chá ê ji̍t ,
　　我 追 念 古 早 的 日，

5b　　　Chiūsī ke̍kchá ê nî ji̍t .
　　　　就 是 極 早 的 年 日。

6a　Góa siūⁿkhí góa mîkan ê sikoa,
　　我 想 起 我 暝 間 的詩 歌，
　　góa bongsim kakī mn̄g bô soah,
　　我 摸 心 自 己 問 無 息，

6b　　　Góa ê simsîn ia̍h siôngsè séngchhat khòaⁿ.
　　　　我 的 心 神 亦 詳 細 省 察 看 。

7a　Chú kiám beh éngoán pàngsak mah?
　　主 豈 要 永 遠 放 捨 嗎？

7b　　　Bô koh si un mah?
　　　　無 復 施 恩 嗎？

8a　I ê chûài kiám éngoán kiôngchīn mah?
　　祂 的 慈 愛 豈 永 遠 窮 盡 嗎？

8b　　　I ê èngún kiám tāitāi hòebô mah?
　　　　祂 的 應 允 豈 代 代 廢 無 嗎？

9a　Siōngtè kiám bōekìtit si un mah?
　　上 帝 豈 不 記 得 施 恩 嗎？

9b　　　Kiám in ūi siūkhì thatba̍t I ê chûpi mah?
　　　　豈 因 為 怒 氣 塞 密 祂 的 慈 悲 嗎？

10a　Góa kóng, “Che chiūsī góa ê loánjio̍k;”
　　　我 講 ，「這 就 是 我 的 軟 弱；」

10b　　　Góa beh siàuliām Chìkoânê tōa chokûi kap kiùsio̍k.
　　　　　我 要 數 念 至 高 者 大 作 為 及 救 贖。

11a　Góa beh kóngkhí Iâhôhoa ê só͘kiâⁿ,
　　　我 要 講 起 耶 和 華 的 所 行，

11b　　　Siàuliām I chásî ê sînjiah chi̍tkiāⁿ chi̍tkiāⁿ.
　　　　　數 念 祂 早 時 的神 蹟 一 件 一 件。

12a　Góa beh chhúnto̍k Lí ê só͘kiâⁿ,
　　　我 要 忖 度 你 的 所 行，

12b　　　Chēngchēng siūⁿ Lí ê só͘chòe ê miâsiaⁿ.
　　　　　靜 靜 想 你 的 所 做 的 名 聲。

13a　Siōngtè ah , Lí ê lō͘ sī sèngê ;
　　　上 帝 啊，你 的 路 是 聖 的；

13b　　　Ū símmi̍h sînbêng tōa chhinchhiūⁿ Siōngtè ?
　　　　　有 甚 麼 神 明 大 親 像 上 帝？

14a　Lí sī kiâⁿ kîsū ê Siōngtè ;
　　　你 是 行 奇事 的 上 帝；

14b　　　Lí bat tī bān pehsìⁿ ê tiongkan, hiánbêng Lí ê koânsè .
　　　　　你 曾 在 萬 百 姓 的 中 間， 顯 明 你 的 權 勢。

15a　Lí bat ēng Lí ê chhiú sio̍khôe Lí ê pehsìⁿ,
　　　你 曾 用 你 的 手 贖 回 你 的 百 姓，

15b　　　Chiūsī Ngákok kap Ioksek ê kiáⁿjî .
　　　　　就 是 雅 各 與 約 瑟 的 子 兒。

16a　Siōngtè ah , chiahê chúi kìⁿ tio̍h Lí,
　　　上 帝 啊，諸 些 水 見 著 你，
　　chiahê chúi kìⁿ tio̍h Lí , lóng kiaⁿhiâⁿ,
　　　諸 些 水 見 著 你，攏 驚 惶，

16b　　　Chhimian ia̍h ngia̍uhngia̍uhchhoah tio̍h kiaⁿ.
　　　　　深 淵 亦 蠕 蠕 惙 著 驚。

17a　Ba̍thûn piàⁿchhut chúi kiongchhong chiū chhutsiaⁿ,
　　　密 雲 傾 出 水 穹 蒼 就 出 聲，

17b　　　Lí ê chìⁿ sìkòe siā .
　　　　　你 的 箭 四 界 射。

18a　Tī kńglêhonglāi ū Lí lûi ê siaⁿ;
　　　在 捲 龍 風 內 有 你 雷 的 聲；

18b　　　Sihnà ê kng sih kàu thong sèkan teh siámiáⁿ;
　　　　　閃 電 的 光 閃 到 通 世 間 在 閃 影；

　　　　 TŌE NGIA̍UHNGIA̍UHCHHOAH, KOH TÍⁿTĀNG LÂI KIAⁿ.
　　　　　地 蠕　　 蠕　　 惙 ， 復 振 動 來 驚。

19a　Lí ê tō lō͘ tī háitiong, Lí ê lō͘kèng tī tōachúitiong,
　　　你 的 道 路 在 海 中 ， 你 的 路 徑 在 大 水 中 ，

19b　　　Lí ê khajiah bô lâng ōe chai, thang hêngiông.
　　　　　你 的 腳 跡 無 人 會 知， 通 形 容。

20a　Chá Lí ēng Mô͘se Alûn ê chhiú,
　　　早 你 用 摩 西 亞 倫 的 手，

20b　　　Chhōa Lí ê pehsìⁿ chhinchhiūⁿ kuikûn ê iûⁿ.
　　　　　導 你 的 百 姓 親 像 歸 群 的 羊。