《押韻啟應詩篇》

 | | | 轉寄

台語押韻啟應詩篇 78b

作者 Tīⁿ Jîgio̍k 2007.07.29

78　　Asat kàsī ê si.

23a　Chóngsī I chiū bēnglēng tī téngbīn ê kiongchhong,
　　　總 是 祂 就 命 令 在 頂 面 的 穹 蒼 ，

23b　　　Koh khui thiⁿ ê mn̂g hō͘ i thong;
　　　　　復 開 天 的 門 使 它 通 ；

24a　I kànglo̍h máná , chhinchhiūⁿ lo̍hhō͘ hō͘ in chia̍h;
　　　祂 降 落 嗎 哪，親 像 落 雨 使 伊 食；

24b　　　Chiong thiⁿ ê bíniû siúⁿsù in kàugia̍h.
　　　　　將　　天 的 米 糧 賞 賜 伊 到 額。

25a　Lâng chia̍h tōakoânlêngê ê chia̍hmi̍h;
　　　人 食 大 權 能 者 的 食 物；

25b　　　I siúⁿsù bíniû hō͘ in páchiok bô khiàm símmi̍h.
　　　　　祂賞 賜 米 糧 使 伊 飽 足 無 欠 甚 麼。

26a　I hō͘ tanghong khí tī thiⁿ ê kaukài,
　　　祂 使 東 風 起 在 天 的 交 界，

26b　　　Ēng I ê koânlêng chhōa lâmhong lâi .
　　　　　用 祂 的 權 能 導 南 風 來。

27a　I kànglo̍h bah tī in tiongkan ê kéngkài,
　　　祂 降 落 肉 在 伊 中 間 的 境 界，
　　chōe chhinchhiūⁿ thô͘hún kuichài,
　　　多 親 像 土 粉 歸 載，

27b　　　Koh pechiáu móa thiⁿkài, chhinchhiūⁿ háisoa poelo̍hlâi .
　　　　　復 飛 鳥 滿 天 界，親 像 海 沙 飛 落 來。

28a　Lo̍h tī in ê iâⁿtiong ta̍kūi ,
　　　落 在 伊 的 營 中 逐 位，

28b　　　Tī in khiākhí só͘chāi ê sì ûi .
　　　　　在 伊 居 起 所 在 的四 圍。

29a　In chiū chia̍h kàu páchiok,
　　　伊 就 食 到 飽 足，

29b　　　I chiàu in só͘ àiê hō͘ in móachiok.
　　　　　祂 照 伊 所 愛 的 使 伊 滿 足。

30a　Chóngsī in iáubē thoatchhut in ê io̍kbōngkhì,
　　　總 是 伊 尚 未 脫 出 伊 的 慾 望 去，

30b　　　In ê chia̍hmi̍h iáu tī in ê chhùilāi ê sî ,

　　　　　伊 的 食 物 尚 在 伊 的 嘴 內 的 時，

31a　Siōngtè ê siūkhì chiū tùi thiⁿ kàng,
　　　上 帝 的 怒 氣 就 對 天 降，

31b　　　Thâisí in tiongkan ê hóhànlâng,
　　　　　殺 死 伊 中 間 的 好 漢 人，
　　　　táⁿtó Í seklia̍t ê siàuliânlâng.
　　　　　打 倒 以色 列 的 少 年 人。

32a　Suijiân ánni , in iûgoân koh hoānchōe;
　　　雖 然 按 呢，伊 猶 原 又 犯 罪；

32b　　　Bô sìn I , suibóng I ū kîbiāu ê só͘chòe.
　　　　　無 信 祂，雖 罔 祂 有 奇 妙 的 所 做。

33a　Só͘ í I hō͘ in khangkhang kèji̍t ;
　　　所 以 祂 使 伊 空 空 過 日；

33b　　　Hō͘ in le̍knî kiaⁿhiâⁿ bêsit .
　　　　　使 伊 歷 年 驚 惶 迷 失。

34a　Chú beh thâi in ê sî , in chiah lâi kiû I kiùchè,
　　　主 要 殺 伊 的 時，伊 才 來 求 祂 救 濟，

34b　　　Chiū oa̍ttòtńg chhiatchhiat kiû Siōngtè .
　　　　　就 越 倒 轉 切 切 求 上 帝。

35a　In ia̍h tuiliām Siōngtè sī in ê chio̍hpôaⁿ,
　　　伊 亦 追 念 上 帝 是 伊 的 石 磐，

35b　　　Chìkoân ê choânlêngê , sī sio̍khôe in ê soaⁿ.
　　　　　至 高 的 全 能 者，是 贖 回 伊 的 山。

36a　Chóngsī in ēng chhùi thiámmī I ,
　　　總 是 伊 用 嘴 諂 媚 祂，

36b　　　Ēng chi̍h tùi I kóng pe̍hchha̍t bô lī .
　　　　　用 舌 對 祂 講 白 賊 無 離。

37a　Inūi in bô kiansim ì hiòng I ,
　　　因 為 伊 無 堅 心 意 向 祂，

37b　　　Bô chīntiong siú I ê iok só͘ kì .
　　　　　無 盡 忠 守 祂 的 約 所 記。

38a　Chóngsī I ū lînbín,
　　　總 是 祂 有 憐 憫，

38b　　　Siàbián in ê chōeok bô bia̍tbô in ;
　　 　　　赦 免 伊 的 罪 惡 無 滅 無 伊；

38c　Koh ta̍uhta̍uh siau I ê siūkhì,
　　　復 沓 沓 消 祂 的 怒 氣，

38d　　　Bô itchīn hoatchhut I ê siūkhì.
　　　　　無 一 盡 發 出 祂 的怒 氣。

39a　I siūⁿ tio̍h in putkò sī hiatkhì,
　　　祂想 著 伊 不 過 是 血 氣，

39b　　　Sī chhekèkhì bōe tòtńg ê hongsi .
　　　　　是 吹 過 去 不 倒 轉 的 風 絲。

40a　In tī khòngiá pōege̍k I , 　　
　伊 在 曠 野 悖 逆 祂，

40b　　　Tī phahng ê tōechí, kàu hiah chōe pái hō͘ I iubūn siūkhì.
　　　　　在 拋 荒 的 地 址，到 許 多 次 使 祂憂 悶 受 氣。

41a　In chàisaⁿ chhì Siōngtè ,
　　　伊 再 三 試 上 帝，

41b　　　Tútak Í seklia̍t ê Sèngê .
　　　　　抵 觸 以 色 列 的 聖 者。

42a　In bōekìtit I ê koânlêng bōe sǹgtit .
　　　伊 不 記 得 祂 的 權 能 不 算 得，

42b　　　Kap sio̍khôe in thoatlī tùite̍k ê ji̍t ;
　　　　　與 贖 回 伊 脫 離 對 敵 的 日；